رەسەي فەدەراتسياسى پرەزيدەنتىنىڭ كەڭەسشىسى سەرگەي گلازەۆ ەاەو ەلدەرى اۋماعىندا ورتاق تولەم جۇيەسىن ەنگىزۋ قاجەتتىلىگى تۋرالى ايتتى، دەپ حابارلايدى strategy2050.kz .

«قازىرگى قالىپتاسقان جاعداي ءبىزدى گەوساياسي قاۋىپ-قاتەرلەرگە تاپ بولعان سەكتورلاردا ينتەگراتسيانى ۇدەتۋگە يتەرمەلەيدى. بۇل، بارىنەن بۇرىن، قارجى قىزمەتتەرىنىڭ نارىعى. بۇگىندە رەسەيدە ۇلتتىق تولەم جۇيەسىن قۇرۋ جۇمىستارى جۇرگىزىلىپ جاتىر. مەنىڭ كوزقاراسىم بويىنشا، بىردەن ەاەو ەلدەرىنە ورتاق تولەم جۇيەسىن ازىرلەسەك اناعۇرلىم تيىمدىرەك بولادى. يگور سۋۆوروۆ باسشىلىق ەتىپ وتىرعان مەملەكەتارالىق بانك تە باستاپقىدا تولەم وداعىمەن قامتاماسىز ەتۋ قىزمەتتەرىن اتقارۋ ءۇشىن قۇرىلعان ەدى. قازىر وسى فۋنكتسيالار وتە قاجەت، سەبەبى، ەگەر ءبىز تولەم جۇيەسىن قۇرماساق، ءبىز ىلعي دا ساياسي قاۋىپ-قاتەرلەرگە سوقتىعىسا بەرەتىن بولامىز»،- دەگەن سەرگەي گلازەۆ ەاەو-عا مۇشە ەلدەرگە ۇلتتىق ۆاليۋتامەن ەسەپتەسۋگە جىلدامىراق كوشۋ كەرەكتىگىن ايتقان.

اباي-اقپارات