بۇرىن، مەنىڭ ويىمشا تازا انشىلەر وتە از بولعان. حالىق ءانشى دەپ: ءبىرجان سالدى، اقان سەرىنى، اسەت نايمانباەۆتى، ءماديدى، جاياۋ مۇسالاردى جانە وسىنداي بيىك تۇلعالى وزدەرى اقىن، وزدەرى كومپوزيتور، وزدەرى ورىنداۋشى ورەلى، ءبىلىمدى، كىسىلىكتى تۇلعالاردى تانىعان، قۇرمەتتەگەن، جۇلدىز دەپ تانىعان. ولار سوعان تاتيتىن دا ەدى.

انشىلىك قاسيەت اقىل ويدى سونشا تالاپ قىلا قويمايتىن، كىسىلىكتى، ءبىلىمدى سونداي قاجەت ەتە قويمايتىن قاسيەت پە دەپ ويلايمىن. ويتكەنى قاي ۇلتتا بولماسىن كەرەمەت انشىلەر ەكى ءسوزدى قوسىپ سويلەي المايدى ( ءبارى ەمەس ارينە، بىراق كوبى). سوزدەرىن ەستىگەندە ۇيالىپ، قارنىڭ اشىپ وتىرادى! ولار ەشقاشان ەلگە ونەگە كورسەتەتىن، ۇلگى بولاتىن، اقىل ايتاتىن، ۇرپاقتىڭ ەلىكتەيتىن تۇلعاسى بولا المايدى!

قازىرگى «جۇلدىز» ساناپ جۇرگەندەر تەك اقىلىنىڭ ەمەس، داۋسىنىڭ عانا ادەمىلىگىمەن، تيىندى عانا تاني الاتىنداي اقىلى بار انشىلەر. انشىلىگىندە گاپ جوق شىعار. سولاردى تەك شارشاعاندا «كوڭىل كوتەرۋگە» عانا جارايتىن قىزمەتكەرلەر دەپ قابىلداسا بولادى حالىق. بۇرىنعى كەزدە باي پاتشالار كوڭىل كوتەرۋگە ءبيشى، انشىلەردى شاقىرىپ الىپ، ولەڭىن ايتقىزىپ، بيلەتىپ الىپ قويا بەرەتىن ەدى عوي.

ولارعا حابار جۇرگىزىپ، حالىق كورەتىن تۆ - نىڭ بەتىن بەرىپ قويعان، سونى ىستەپ وتىرعان قولىندا بيلىگى بارلاردىكى دە دۇرىس ەمەس، سولاردى كورىپ، تويعا شاقىرىپ جيعان - تەرگەنىمىزدى بەرىپ جۇرگەن بىزدىكى دە دۇرىس ەمەس-اۋ!

(جازبا اۆتوردىڭ facebookتەگى پاراقشاسىنان الىندى)