قىزىق جاعداي: اۋىلدىق وكرۋگتىڭ ءبىر اكىمىنە حالىقارالىق ىزدەۋ جاريالاندى. قىزىق دەيتىن سەبەبىمىز – ىزدەۋ جاريالانعان اكىمنىڭ اتى-ءجونى اشىپ ايتىلمايدى. وۋ، سوندا و كىسىنىڭ اتى-ءجونى اشىق ايتىلمايتىن بولسا، وعان ىزدەۋ قالاي جاريالاندى؟ نەگە جاريالاندى؟ ميعا سىيمايتىن ماسەلە.

ال ەندى «نەگە؟» دەگەن سۇراققا جاۋاپ ىزدەيتىن بولساق: شىعىس قازاقستان وبلىسى پروكۋراتۋراسىنىڭ رەسمي مالىمەتتەرىنە قاراعاندا، وبلىستاعى ءبىر اۋىلدىق وكرۋگتىڭ اكىمى مەملەكەتكە 127 ميلليون تەڭگە زيان كەلتىرىپتى. تاعى ءبىر قىزىعى – پروكۋراتۋرا كۇمىلجىپ، قاشقىننىڭ اتى-ءجونىن اشىق ايتقىسى كەلمەي وتىرسا دا جەرگىلىكتى تۇرعىندار «قاشقىن اكىمنىڭ» كىم ەكەنىن تاپ باسىپ ءبىلىپ وتىر. ولاردىڭ اڭگىمەلەرىنە سەنسەك، مەملەكەتكە ميلليونداعان تەڭگە زيان كەلتىرگەن اكىم – تارباعاتاي اۋدانىنا قاراستى تۇعىل كەنتىنىڭ اكىمى كورىنەدى. ىزدەۋ جاريالانعان اكىم قازىر قايدا ءجۇر – وبلىستىڭ بۇرىنعى اكىمى ۆيكتور حراپۋنوۆ سياقتى «تەسكەن تاۋ» اسىپ كەتتى مە، الدە ادام سەنبەيتىن ءبىر جاعدايعا (اللا بەتىن اۋلاق قىلسىن) ۇشىراپ قالدى ما – بەلگىسىز.

مارات ماداليموۆ.

اباي.kz