"ADAM bol" جۋرنالىنا قاتىستى  داۋ ماجىلىسكە جەتتى. سوعان بايلانىستى  دەپۋتات ازات پەرۋاشەۆ باسىلىمنىڭ جابىلۋىنان ساياسي استار ىزدەمەۋ قاجەت ەكەندىگىن ايتا كەلىپ، تاراپتاردىڭ كەلىسپەۋشىلىگى تەك سوتتا شەشىلۋى ءتيىس دەيدى.

ازات پەرۋاشەۆ، ءماجىلىس دەپۋتاتى: 

-ەرعاليەۆانىڭ حاتى بويىنشا، بىزگە باس پروكۋراتۋرادان جاۋاپ كەلدى. حاتتا سوت پروتسەسسى ءالى دە جالعاسىپ جاتقانى ايتىلعان. جالپى، ەلىمىز قۇقىقتىق مەملەكەت بولعان سوڭ سوت جۇيەسىن قۇرمەتتەۋگە مىندەتتىمىز. جانە بىردە ءبىر قۇزىرلى ورىن سوت ىسىنە ارالاسا المايتىنىن دا ايتقىم كەلەدى.

P.S.20-شى قاراشادا الماتىنىڭ مەدەۋ اۋداندىق سوتى قالالىق اكىمدىكتىڭ ىشكى ساياسات باسقارماسىنىڭ باسىلىمدى تولىق جابۋ تۋرالى تالاپ ارىزىن قاناعاتتاندىرعان بولاتىن. ءسويتىپ "ADAM bol" وپپوزيتسيالىق جۋرنالىنىڭ شىعارىلۋىنا تىيىم سالدى. ال، بۇل شەشىممەن كەلىسپەگەن جۋرنالدىڭ باس رەداكتورى بولسا، ءماجىلىس دەپۋتاتتارىنان اراشا سۇراپ، حات جولداعان-دى. ەندى داۋعا نۇكتەنى سوت قويۋى ءتيىس.

اباي-اقپارات