ەلباسى نۇرسۇلتان نازارباەۆ تۇركىمەنستانعا ساپارى اياسىندا «قازاقستان-تۇركىمەنستان-يران» تەمىر جولىنىڭ تۇركىمەن-يران بولىگىنىڭ اشىلۋ راسىمىنە قاتىستى.

ەلدەر اراسىنداعى بايىرعى بايلانىستى ودا ءنارى نىعايتاتىن تەمىر جولدان العاشقى جۇكى پويىزىن اتتاندىرىپ سالۋعا ەلباسىمەن بىرگە تۇركىمەنستان پرەزيدەنتى گۋربانگۋلى بەردىمۇحامەدوۆ پەن يران يسلام رەسپۋبليكاسىنىڭ پرەزيدەنتى حاسان رۋحاني دە كۋا بولدى.

وسىلايشا تۇركىمەنستان مەن يران تەمىر جولدارى ءتۇيىسىپ، قازاقستان استىعىن تيەگەن جۇك پويىزى تۇركىمەنستان تارابىنان يران شەكاراسىن كەسىپ ءوتتى.

ءۇش مەملەكەتتىڭ اۋماعىنان وتەتىن «وزەن-قىزىلقيا-بەرەكەت-ەترەك-گورگان» تەمىر جولى جەلىسى «سولتۇستىك-وڭتۇستىك» جاڭا حالىقارالىق كولىك ءدالىزىنىڭ ءبىر بولىگى. بۇل جوبا قازاقستان، تۇركىمەنستان جانە يران پرەزيدەنتتەرى قول قويعان بىرلەسكەن دەكلاراتسياعا  وراي جۇزەگە اسىرىلۋدا. جولدىڭ 146 شاقىرىمى - قازاقستان،  700 شاقىرىمى - تۇركىمەنستان، ال قالعان 82 شاقىرىمى - يران اۋماعى ارقىلى وتەدى.

اباي-اقپارات.