قازاقستان رەسپۋبليكاسىنىڭ پرەزيدەنتى

ن.ءا. نازارباەۆقا

كوشىرمەسى: قازاقستان رەسپۋبليكاسىنىڭ

پرەمەر-ءمينيسترى

ك.ق. ماسىموۆكە

قر سەناتىنىڭ توراعاسى

ق.ك. توقاەۆقا

قر ءماجىلىسىنىڭ توراعاسى

ك.ك. جاقىپوۆقا

قر پرەزيدەنتى اكىمشىلىگىنىڭ

باسشىسى- قر مەملەكەتتىك حاتشىسىنىڭ م.ا.

ن.ز. نىعماتۋللينگە

قر ۇلتتىق بانكىنىڭ توراعاسى

ق.ن. كەلىمبەتوۆكە

بارلىق دەڭگەيدەگى اكىمدەرگە، استانا جانە الماتى

قالالارىنىڭ اكىمدەرىنە، مينيسترلەرگە،

اگەنتتىكتەرگە، كوميتەتتەرگە، قۇقىق قورعاۋ

 قۇرىلىمدارىنا، اسكەري بولىمشەلەرگە،

قر ەلشىلەرىنە، پارلامەنت جانە ماسليحات دەپۋتاتتارىنا،

ققا جانە دياسپورتالاردىڭ مادەني ورتالىقتارىنا،

شىعارماشالىق وداقتارعا، ۇلتتىق كومپانيالار،

بانكتەر، بيزنەس قۇرىلىمدارى باسشىلارىنا،

رەكتورلارعا، مەكتەپتەر مەن بالا-باقشالار ديرەكتورلارىنا

                                                  قۇرمەتتى نۇرسۇلتان ءابىشۇلى!

وزىڭىزگە ءمالىم، «نۇروتان»، «اقجول»، «ازات» پارتيالارى، «سامۇرىق-قازىنا» ۇاق» اق، «قازەنەرجي» قاۋىمداستىعى، قازاقستان حالقى اسسامبلەياسى، قر ۇلتتىق عىلىم اكادەمياسى، قر جازۋشىلار وداعى، قارجىگەرلەر مەن كاسىپكەرلەر قاۋىمداستىعى، حالىقارالىق «قازاق ءتىلى» قوعامى، سونداي-اق حالىقارالىق ادام ينستيتۋتى قۇرعان ۇيىمداستىرۋ القاسى ۇكىمەتتىك ەمەس ۇيىم رەتىندە ەلىمىزدە ادام كاپيتالىن دامىتۋ، پوستيندۋستريالدى قوعامعا ءوتۋ جانە ينتەللەكتۋالدىق ۇلت قالىپتاستىرۋ باعدارلاماسىن ىسكە اسىرۋدا.

وسى ورايدا تاۋەلسىزدىك كۇنى قازاقستان رەسپۋبليكاسىنىڭ نەگىزگى مەرەكەسى رەتىندە مەملەكەتتىك جانە دەموكراتيالىق ينستيتۋتتاردى دامىتۋ، ەل بىرلىگى مەن ۇلتارالىق قاتىناستاردى نىعايتۋداعى شارالاردى كەشەندى جۇرگىزەتىن كەزەڭ بولىپ تابىلادى.

بۇل مەرەكەنى ەل ازاماتتارىنىڭ وتانشىلدىق سەزىمىن قالىپتاستىرۋدا، ۇلتتىق رۋح پەن سانانى كوتەرۋدە جانە وسى ارقىلى مەملەكەتتى نىعايتۋدا ۇتىمدى پايدالانۋ بارشامىزعا پارىز. الايدا تاۋەلسىزدىك كۇنىن اتقارۋشى جانە قۇقىق قورعاۋ ورگاندارى، ۇلتتىق جانە شەتەلدىك كومپانيالار مەن بىرىككەن كاسىپورىندار، بالا-باقشا، مەكتەپ-ۋنيۆەرسيتەتتەر، ت.ب. ۇيىمدار تاراپىنان جىلداعى اتالىپ ءوتىلۋ دەڭگەيى كوڭىلدەن شىقپاي، جاڭا جىلدىق شىرشا - وتباسىلىق مەيرامنىڭ تاساسىندا قالۋدا.

ول، ادامزات پەن ۇلتىمىزدىڭ اسىل مۇراتى – تاۋەلسىزدىك، ازاتتىق، بوستاندىق ۇعىمدارىنىڭ ءوزىن قوعام الدىندا اياقاستى ەتىپ، «بوداننان قۇل، قۇلدان جەتەسىز ۇل تۋادى» دەگەننىڭ ۇلگىسىن كورسەتەدى.

سوندىقتان، بيلىك پەن قۇقىق ورگاندارى تاراپىنان مەملەكەتتىك ينستيتۋتتاردى ء(تىل، ءدىن، مورال، مادەنيەت، يدەولوگيا...) دامىتۋداعى اتقارىلعان جۇمىستاردىڭ كوپ جاعدايلاردا ەل مۇددەسىنە كەرەعار (سىبايلاس جەمقورلىق، مەملەكەتتىك ءتىلدى ۇيرەنبەۋ، جەر استى بايلىعىن شەتەلدىكتەرگە بەرۋ، ت.ب.), جۇيەلى جانە ءارى تاباندى بولماۋىنان كەيبىر ايماقتاردا ۇيىمداسقان ەكسترەميستىك توپتار باس كوتەرۋدە.

ءبىز، وسى حاتتىڭ ادرەسىندە كورسەتىلگەندەر مەن ەلدىڭ بارلىق ازاماتتارىنا قوعامنىڭ تۇراقتى دامۋى مەن ەل بىرلىگىنىڭ بەرىكتىگىن قامتاماسىز ەتۋ ءۇشىن نەگىزگى اتقاراتىن شارالارىن مەملەكەتتىك ساياسات پەن ەل مۇددەسىنە ساي جۇرگىزۋدى تالاپ ەتەمىز. 

ەلىمىزگە بوداندىقپەن بىرگە ەنگەن شىرشا جاعۋ سياقتى شارانى وتباسىندا شەشۋگە قالدىرۋدى، نەمەسە ونى باتىس ەلدەرىندە قالىپتاسقان روجدەستۆو مەيرامىنا ساي جەلتوقساننىڭ ەكىنشى جارتىسىنا قالدىرعاندى ءجون دەپ سانايمىز. 

پرەزيدەنتتىڭ ەل بىرلىگى، مەملەكەتتىك ءتىل مەن مەملەكەتتىگىمىزدى نىعايتۋ ساياساتىنا قاتىستى ۇستانىمدارىن باسشىلىققا الا وتىرىپ، تاۋەلسىزدىك مەرەكەسىن اتاپ ءوتۋ اياسىندا ۇيىمداستىرۋ القاسى بۇكىل رەسپۋبليكا شەگىندە جانە قازاقستاننىڭ ەلشىلىكتەرىندە 28 قاراشادان 18 جەلتوقسانعا دەيىن «ماڭگى قازاق ەلى» رەسپۋبليكالىق اكتسياسىن وتكىزۋدى ۇسىنادى.

ۇسىنىلعان جوبانى ءاربىر مۇددەلى ورىندار تالقىلاپ، ماقۇلدانعاننان كەيىن بەكىتىپ، جاقسى دەڭگەيدە اتقاراتىندارىنا سەنەمىز. وسى اكتسيانىڭ وتۋىنە رەسپۋبليكالىق جانە جەرگىلىكتى باق، تەلەارنالار تىكەلەي اتسالىسادى دەپ سەنەمىز.

مينيسترلىكتەر وزدەرىنە قاراستى قۇرىلىمدارعا، وبلىس اكىمدەرى وزدەرىنە قاراستا بارلىق اۋدان، مەكەمە باسشىلارىنا جەتكىزۋدى سۇرايمىز.

ۇيىمداستىرۋ القاسىنىڭ اتىنان،

حالىقارالىق ادام ينستيتۋتىنىڭ

پرەزيدەنتى                                                                                                    ج. اكىم

حالىقارالىق «قازاق ءتىلى» قوعامىنىڭ

پرەزيدەنتى،قر ۇعا  اكادەميگى                                                   ء           و. ايتبايۇلى

قر ۇعا اكادەميگى، ف.ع.د.، پروفەسسور                                               ءا. قايدار

قر ۇعا اكادەميگى، ۆاسحنيل اكادەميگى،

مەملەكەتتىك سىيلىقتىڭ لاۋرەاتى، پروفەسسور                           ر. ەلەشوۆ

قر ۇعا اكادەميگى، ف.ع.د.، پروفەسسور                                                  س. قيراباەۆ

«الاش» ۇزو-نىڭ پرەزيدەنتى،

حالىقارالىق الەۋمەتتانۋشىلار

اكادەمياسىنىڭ اكادەميگى                                                                    ح. عابجاليلوۆ

«پرەزيدەنت جانە حالىق» گازەتىنىڭ

باس رەداكتورى، قر پەداگوگيكا عىلىمدارى

اكادەمياسىنىڭ اكادەميگى، پروفەسسور                                            م. توقاشباەۆ

«مەملەكەتتىك تىلگە قۇرمەت» قب ءتورايىمى                                       ا. وسمان

 Abai.kz