«سۇراق-جاۋاپ» اتتى ينتەرنەت-رەسۋرسىندا ۇكىمەتتىك ەمەس ۇيىمداردى (ۇەۇ) دامىتۋ سالاسىندا ساراپشى، قازاقستاننىڭ ازاماتتىق اليانسىنىڭ باسشىسى نۇرلان ەرىمبەتوۆ قوناقتا بولىپ،  وقىرمان تاراپىنان كەلىپ تۇسكەن سۇراقتارعا جاۋاپ بەردى.

 1.قازاقستان ازاماتتىق اليانسىنىڭ ماقساتى، اتقارىپ جاتقان قىزمەتتەرىنە توقتالىپ كەتسەڭىز؟

- قازاقستاننىڭ ازاماتتىق اليانسى – ءتۇرلى قوعامدىق ۇيىمداردىڭ باستامالارى بويىنشا قۇرىلعان زاڭدى تۇلعالاردىڭ ءىرى بىرلەستىگى. قازىرگى كەزدە ازاماتتىق اليانس ەلىمىزدەگى 500-دەن استام ۇەۇ-لاردى بىرىكتىرىپ وتىر.

ءبىزدىڭ باستى ماقساتىمىز –قوعامنىڭ، ۇەۇ-لاردىڭ مۇددەلەرىن قورعاۋ جانە ءبىلدىرۋ، ءتۇرلى دەڭگەيدە – بيزنەس قۇرىلىمدار، اكىمشىلىكتەر، ۇكىمەت، پارلامەنت، حالىقارالىق ۇيىمدارعا ولاردىڭ مۇددەلەرىن جەتكىزۋ.

ءبىزدىڭ ماڭىزدى باعىتتارىمىز – ءار  ەكى جىل سايىن – ۇكىمەت پەن اكىمدەر ۇەۇ-لاردىڭ الدىندا ەسەپ بەرەتىن ازاماتتىق فورۋمدى ۇيىمداستىرۋ. سونداي-اق ءبىز جەمقورلىقپەن كۇرەس، ۇكىمەتتىك ەمەس ۇيىمدار جەلىسىن كوبەيتۋ، قازاقستانداعى ۇەۇ-لاردىڭ بايلانىستارىن كۇشەيتۋ جانە ۇەۇ-لاردىڭ كورپوراتيۆتىك ەتيكاسىن دامىتۋمەن اينالىسامىز. بۇل باعىتتاعى ءبىزدىڭ جۇمىستارىمىزدىڭ ءبىرى ۇەۇ-نىڭ ار-ۇجدان كودەكسىن دايىنداۋ – بۇل ۇەۇ-عا تەرىس باعىتتاعى باسەكەلەستىكتەن باس تارتىپ، ءوز قىزمەتتەرىن كاسىبي دەڭگەيدە جانە ناقتى ءبىر سالالاردا جۇرگىزۋىن ۇسىنادى. سونداي-اق، ۇكىمەتتىك ەمەس سالادا الەۋمەتتىك قىزمەتتەردىڭ ستاندارتتارىن دايىنداۋ يدەياسىن قولعا الۋدامىز. بۇل ماسەلەلەردىڭ بارلىعى سالانىڭ ارى قاراي دامۋى ءۇشىن ماڭىزدى.

قازىرگى كەزەڭدە ءبىز ءۇشىن باستى تاپسىرما – ۇەۇ-دى قارجىلاندىرۋ بويىنشا زاڭعا وزگەرىس ەنگىزۋ. ءبىز بۇل رەتتە گرانتتار مەن جۇلدەلەردى ءبولۋ، سونداي-اق ۇەۇ-لار ءۇشىن قاراجات ءبولۋ كونكۋرسىن وتكىزۋ شارتتارىن ازايتۋ ۇسىنىلادى.  

قازىرگى كەزدە بۇل زاڭ قوعام جانە ازاماتتىق اليانس تاراپىنان ماقۇلدانىپ، ۇكىمەتتىڭ قاراۋىنا ۇسىنىلدى. ءبىز بيىلعى جىلى وسى زاڭنىڭ قابىلدانۋىنا قول جەتكىزبەكپىز. 

2. ەۋرازيالىق وداققا كوزقاراسىڭىز قانداي؟ ۇكىمەتتىك ەمەس ۇيىمدار جۇمىسى قالاي بولماق؟

- مەنىڭ كوزقاراسىم بويىنشا، ۇەۇ-نىڭ شەكاراسىن كەڭىتۋگە ىقپال ەتەتىن وداقتاردىڭ بولعانى جاقسى. ءتۇرلى شەكتەۋلەردى الۋ جانە ەۆرازيالىق وداق كولەمىندە الەۋمەتتىك ۇدەرىستەرگە قاتىسۋ شارتتارىنىڭ قىسقارتىلۋى ۇەۇ-عا سەرىكتەستىك ورناتىپ، تاجىريبە الماسۋ، جاڭا باستامالاردى كوتەرۋ ءۇشىن ۇلكەن مۇمكىندىك بەرەدى.

3.قالاي ويلايسىز ۇكىمەتتىك ەمەس ۇيىمداردىڭ شەتەلدەن قارجىلاندىرىلۋى دۇرىس پا؟

-ۇەۇ الەۋمەتتىك سالادا كۇندەلىكتى ادامداردىڭ پروبلەمالارىن شەشۋمەن اينالىسادى. ۇەۇ-عا مۇشە ادام ساۋداگەر ەمەس، ول كولدەنەڭ تابىس تابا المايدى. سوندىقتان، مۇنداي يگى ىسكە كەز-كەلگەن كومەك ماڭىزدى جانە قاجەت. ەگەر، شەتەلدەن قاراجات الىپ، قوعامعا كومەكتەسىپ، ءتۇرلى ماسەلەلەردى شەشۋگە ىقپال ەتسە – بۇل وتە جاقسى. مەنىڭ پىكىرىم بويىنشا بۇل ىستەگى باستى نارسە – ءوز ەلىنە كەسىرىن تيگىزبەۋ. ۇەۇ-عا شەتەلدىك دەمەۋشىلەردىڭ قاي كەزدە شىن مانىندە كومەكتەسكىسى كەلەدى، قاي كەزدە ۇەۇ-نىڭ قولىمەن ءبىزدىڭ قوعامعا جانە ازاماتتارىمىز ءۇشىن پايداسى جوق، جەكە كوزقاراستارىن تىقپالاعىسى كەلەدى. ءبىز مىنە سونى ءبىلىپ وتىرۋىمىز كەرەك.  

4. جاستاردىڭ ساياسي بەلسەندىلىگى مەن ازاماتتىق پوزيتسياسىنا كوڭىلىڭىز تولا ما؟

- مەن جاستار ساياساتىندا جانە ەلىمىزدىڭ وركەندەۋى ءۇشىن جۇمىس ىستەپ جۇرگەن كوپتەگەن جاستاردى بىلەمىن. ستاتيستيكا بويىنشا قازاقستاندىق ۇەۇ-نىڭ 45% -ى جاستار ۇيىمدارى. مۇنداي ازاماتتىق بەلسەندىلىك قۋانتادى. جاستار ۇيىمدارى – جاس ازاماتتار ءۇشىن وتە جاقسى مەكتەپ.

ارينە، نەگاتيۆتى نارسەلەر دە بار. قوعامنىڭ قولداۋى مەن ماقۇلداۋىن كورگەن سوڭ، جاس بەلسەندىلەر بيۋروكراتتار مەن مانساپقورلارعا اينالادى. سونداي-اق، جاس كوشباسشىلارعا ۇسىنىسىم بار – ءوز قىزمەتتەرىڭىزدى قالالارداعى وقۋ ورىندارىمەن شەكتەمەي، اۋىلداعى جاستارمەن دە ءبولىسىپ، بەلسەندى جۇمىس ىستەگەندەرىڭىزدى سۇرايمىن. بىراق، جالپى  العاندا جاستار ۇيىمدارى قوعامدا بەلسەندى، ماقساتى بيىك جاستاردى تاريبەلەۋگە ۇلكەن ۇلەس قوسىپ وتىر دەپ سانايمىن. 

5. مەملەكەت تاراپىنان قوعامدىق قورلارعا، ۇيىمدارعا بولىنەتىن گرانتتاردىڭ تۇرلەرى مەن كولەمىن ايتا الاسىز با؟

- قازىر مەملەكەت اعىمداعى زاڭ بويىنشا ۇەۇ-نىڭ كۇشىمەن جۇزەگە اسىرىلاتىن الەۋمەتتىك جوبالاردى قولداۋ ءۇشىن مەملەكەتتىك تاپسىرىس جاسايدى. بۇل رەتتە مەملەكەتتىك قاراجاتتى ۇەۇ-لار تەك مەملەكەتتىك قىزمەت ءۇشىن جۇمسايدى. جەكە دامۋلارى ءۇشىن بۇل قاراجاتتى جۇمساۋعا زاڭ مۇمكىندىك بەرمەيدى. جىل سايىن مەملەكەتتىك بيۋدجەتتەن مەملەكەتتىك الەۋمەتتىك تاپسىرىس ءۇشىن 6 ميلليارد تەڭگە بولىنەدى. بۇل قاراجاتقا ورتاشا العاندا بۇكىل ەلىمىز بويىنشا 1000-1200 الەۋمەتتىك جوبا جۇزەگە اسىرىلادى.

ءبىزدىڭ زاڭدارىمىزداعى باستى ماسەلە – شەتەلدەگىدەي گرانتتاردى مەملەكەت بولمەيدى. مۇنىمەن قاتار شەتەلدىك گرانتتاردى مەملەكەتتىك الەۋمەتتىك تاپسىرىسپەن سالىستىرعاندا ۇەۇ-لار قىزمەتتى ورىنداعانى ءۇشىن دە، سونداي-اق وزدەرىنىڭ دامۋى ءۇشىن دە  جۇمساي الادى.

بۇل رەتتە ازاماتتىق اليانس قازىرگى «مەملەكەتتىك الەۋمەتتىك تاپسىرىس تۋرالى»  زاڭعا وزگەرىستەر دايىندادى. ءبىز بۇل ۇسىنىستار زاڭعا ەنگىزىلسە، ۇەۇ-نى قارجىلاندىرۋ جانە سىياقىلار بەرۋ ءۇشىن بولىنەتىن قاراجاتتى ۇەۇ-لار ماقساتتى تاپسىرىستى دا، جەكە دامۋى ءۇشىن دە جۇمساي الاتىن بولادى  دەپ ويلايمىز.

سونداي-اق، ءبىز ۇەۇ-لار ءۇشىن كونكۋرستاردىڭ شارتتارىن قىسقارتۋ جانە اشىق، مەملەكەتتىك ورگانداردان تاۋەلسىز بولۋىن ۇسىنامىز. بۇل ءۇشىن قور تۇرىندەگى ورتاق وپەراتور قۇرىلىپ، ونىڭ كومەگىمەن كونكۋرستار ۇيىمداستىرىلىپ، ۇەۇ-لار اراسىندا مەملەكەتتىك گرانتتار ءبولىنۋى كەرەك. ورتاق قور ارقىلى قارجىلاندىرۋ تاجىريبەسى شەتەلدەردە  تابىستى جۇزەگە اسىرىلۋدا جانە بۇل ءبىزدىڭ ۇكىمەتتىك ەمەس سالادا دا جۇمىس ىستەۋى ءتيىس. 

6. ۇكىمەتتىك ەمەس ۇيىمداردىڭ قىزمەتى مەملەكەت تاراپىنان باقىلانۋى كەرەك دەپ ويلايسىز با؟

- ەگەر شەتەلدىك تاجىريبەگە كوز جۇگىرتسەك، كوپتەگەن باتىس ەلدەرىندە ۇەۇ قىزمەتى قارجىلاندىرۋ تۇرعىسىنان باقىلاۋدا ەكەنىن بايقاۋعا بولادى. فرانتسيادا، گەرمانيادا، اقش-تا جانە ۇلىبريتانيادا ءوز تابىسىن جاسىراتىن ۇەۇ ءۇشىن وتە ۇلكەن جاۋاپكەرشىلىك جۇكتەلگەن. بۇل دۇرىس، سەبەبى قوعام ۇەۇ-عا سەنىم ارتادى، وعان ەرەكشە مارتەبە بەرىپ، قىزمەتى بويىنشا ءتۇرلى جەڭىلدىكتەر قاراستىرادى. بۇل ىستە وڭاي تابىسقا قول جەتكىزەم دەيتىندەرگە جول بەرمەۋ كەرەك.

بىزدە دە قوعام ۇەۇ قارجىسىنىڭ قالاي جۇمسالىپ جاتقانىن ءبىلۋى كەرەك دەپ سانايمىن، سەبەبى ولار نەگىزىنەن سالىق تولەۋشىلەر قارجىسىنا ءومىر سۇرەدى. قازاقستان ءۇشىن، مەنىڭ ويىمشا، اتالعان باعىتتا اقش تاجىريبەسىن العان دۇرىس. بۇل ەلدە ۇەۇ-لار ءوز جوبالارى جانە مەملەكەتتىك قارجىنىڭ قالاي شىعىندالىپ جاتقانى تۋرالى اقپارات جاريالايتىن بارلىق ازاماتقا قولجەتىمدى مالىمەتتەر بازاسى بار.

7. ازاماتتىق قوعامنىڭ قالىپتاسۋىندا ۇكىمەتتىك ەمەس ۇيىمداردىڭ باسىم ءرول ويناۋى كەرەك قوي. بىزدەگى ۇيىمداردىڭ وسى باعىتتاعى جۇمىستارى تۋرالى نە ايتاسىز؟

- بۇگىنگى كۇنى قازاقستاندا 30 مىڭداي ۇيىمنان تۇراتىن ۇكىمەتتىك ەمەس سەكتور بار. تاۋەلسىزدىك جىلدارى ۇەۇ ءومىردىڭ بارلىق سالالارىنا باس سۇقتى دەسە دە بولادى. ءبىز ءتۇرلى قۇرىلىمدار جۇمىسى مەن عارىشقا ۇشۋدان باستاپ لاڭكەستىككە قارسى كۇرەسكە دەيىن الۋان ءتۇرلى ماسەلەلەردى شەشۋگە ات سالىسامىز.

ارينە، اركىم ازاماتتىق بەلسەندىلىك تانىتىپ قوعامداعى ەڭ وزەكتى ماسەلەلەردى شەشۋگە كومەكتەسۋى كەرەك. مەنىڭشە، بۇل رەتتە دەنساۋلىق ساقتاۋ سالاسى، مۇگەدەكتەرگە، قارتتارعا كومەك، قيىن جاسوسپىرىمدەردى تاربيەلەۋ باعىتىنداعى ماسەلەلەر ەڭ ماڭىزدىلارى. قازىردىڭ وزىندە ەلىمىزدە بۇل سالالار بويىنشا كوپتەگەن كاسىبي ءىرى اسسوتسياتسيالار مەن ۇەۇ وداقتارى جۇمىس ىستەپ جاتىر.

قوعامدا قازىر ازاماتتىق قوعام ينستيتۋتتارى ءرولى تۋرالى ناقتى تۇسىنىك قالىپتاسقان جانە كوپتەگەن ماسەلەنى مەملەكەتتىك ورگاندارعا قاراعاندا بىزگە شەشۋ وڭايىراق. ءبىز قاراپايىم ازاماتتاردىڭ جاعدايىن بىلەمىز، كۇن سايىن ولارمەن بەتپە-بەت جۇمىس ىستەيمىز، سونىمەن قاتار قوعامدىق باقىلاۋ ينستيتۋتىنا اۋدارىلاتىن نازار ۇەۇ-لاردىڭ بەلسەندى تۇردە جۇمىس ىستەۋىنىڭ ارقاسىندا كەز كەلگەن تۇيتكىلدى ماسەلەنى شەشۋگە كومەكتەسە الادى.

مىسال رەتىندە مەملەكەتتىك الەۋمەتتىك تاپسىرىستى جاريالاۋ بويىنشا بايقاۋ وتكىزۋ بارىسىندا ۇەۇ-عا الدىن-الا قاراجات ءبولۋ ماسەلەسىن شەشۋدەگى ازاماتتىق اليانستىڭ اتقارعان ءىسىن كەلتىرە الامىن. وسى جىلدىڭ مامىر ايىنا دەيىن ۇەۇ الەۋمەتتىك جوبالاردى جۇزەگە اسىرۋ بارىسىندا الدىن-الا قاراجات المايتىن، سايكەسىنشە ۇكىمەتتىك تاپسىرىس بويىنشا الەۋمەتتىك جوبالاردى جۇزەگە اسىرۋ بارىسىندا قارىزعا باتاتىن.  الايدا، ءبىزدىڭ بەلسەندى تۇردە جۇرگىزىلگەن قوعامدىق كامپانيامىزدىڭ ارقاسىندا بۇل ماسەلە ءوز شەشىمىن تاپتى.

8. ۇكىمەتتىڭ ۇكىمەتتىك ەمەس ۇيىمدارعا مەملەكەتتىك تاپسىرىسى تۋرالى ايتىپ بەرە الاسىز با؟

- مەملەكەتتىك الەۋمەتتىك تاپسىرىس تۋرالى بەسىنشى سۇراققا جاۋاپ بەرۋ بارىسىندا ايتىپ وتكەنمىن. تەك مەملەكەتتىك الەۋمەتتىك تاپسىرىستىڭ ۇەۇ ءۇشىن قارجى بولۋدە تىم ەبەدەيسىز ۇلكەن جۇيە ەكەنىن جانە جەتىلدىرۋدى قاجەت ەتەتىنىن قوسا كەتەيىن. ازاماتتىق اليانس بۇل ماسەلەنى شەشۋ بويىنشا زاڭنامالىق باستامالار كوتەرۋ ارقىلى جۇمىس ىستەپ جاتىر.

9. باياعىدا «ايتپارك» دەپ اتالاتىن پىكىر الماساتىن الاڭىڭىز بولىپ ەدى. سونداي الاڭ قازىر كەرەك دەپ ويلامايسىز با؟

- بۇرىن بىرەۋى بولىپ ەدى، قازىر باسقاسى بار. مەن استانا تەلەارناسىدا «وتكرىتايا ستۋديا» باعدارلاماسىن جۇرگىزەمىن. جاڭا جىلدان باستاپ استانادا مەن قۇرعان «ەكسپەرت» اتتى جاڭا پىكىرتالاس كلۋبى جۇمىس ىستەي باستايدى. بۇل جوبا دا ءتۇرلى قوعامدىق ماڭىزدى تاقىرىپتاردى تالقىلاۋعا باعىتتالعان.

سونىمەن قاتار، مەن جولعا ءجيى شىعامىن، ايماقتاردا ەلمەن كەزدەسەمىن. ازاماتتىق اليانس جۇمىسى ءتۇرلى ماسەلەلەر بويىنشا قوعامدىق ديسكۋسسيالارعا قاتىسۋعا مۇمكىندىك بەرەدى. بۇعان قوسا پروبلەمالاردى زەرتتەۋ جانە شەشىمىن تابۋ بويىنشا جۇمىس ىستەيتىن ۇلكەن كوماندامىز بار. مىسالى، ازاماتتىق اليانس بازاسىندا جەتى سالالىق كوميتەت قۇرىلدى، ولاردىڭ ارقايسىسى دەنساۋلىق ساقتاۋ، ءبىلىم، جاستار ساياساتى، ءتۇش ماسەلەلەرى جانە تاعى باسقالار بويىنشا جەكە ديالوگتىق الاڭ بولىپ وتىر.

وسىلايشا مەنىڭ «ايتپارك» اياسىندا جۇرگىزگەن جۇمىسىم قازىر مۇلدەم باسقا دەڭگەيگە شىقتى جانە بۇرىننان دا كوپ ماسەلەلەر سانىن قامتىپ وتىر.

10. ازاماتتىق اليانستىڭ مۇشەسى بولۋ ءۇشىن نە ىستەۋگە بولادى؟

- ازاماتتىق اليانس – زاڭدى تۇلعالاردىڭ بىرلەستىگى، باسقاشا ايتقاندا ۇيىمدار بىرلەستىگى. ەگەر ءسىزدىڭ ءوز ۇيىمىڭىز بولسا، ءوتىنىش تاپسىرا الاسىز، وسىدان كەيىن جارعىعا سايكەس ازاماتتىق اليانس كەڭەسى ءسىزدىڭ ءوتىنىشىڭىزدى قاراستىرىپ، ۇيىمدى اليانس مۇشەسى رەتىندە قوسۋ ماسەلەسىن شەشەدى. سونىمەن قاتار، ءار وبلىستا ءبىزدىڭ ايماقتىق وكىلدىكتەرىمىز بار، ولار دا مەن جوعارىدا ايتىپ وتكەن پروتسەدۋرا بويىنشا مۇشەلىككە قابىلدانادى.

11. جاستار ساياساتىن مەملەكەت دۇرىس جۇرگىزىپ وتىر دەپ ويلايسىز با؟

- ەگەر جاستار ارى قاراي جەتىلۋ ءۇشىن، ۇلكەن ءومىر باستاۋى ءۇشىن جاقسى مۇمكىندىكتەرگە يە بولىپ وتىرسا، وندا مەملەكەتتىڭ جاستار ساياساتى دۇرىس دەگەن ءسوز. بۇل باعىتتا بىزدە بەلگىلى ءبىر تەڭسىزدىك بار. قالا جاستارى ءۇشىن اۋىل جاستارىنا قاراعاندا مۇمكىندىك كوبىرەك. ياعني ساياساتقا وزگەرىستەر ەنگىزۋ قاجەت.

جالپى قازىر مەملەكەت ورتالىق دەڭگەيدە بولسىن، جەرگىلىكتى دەڭگەيدە بولسىن جاستار ۇيىمدارىنىڭ جۇمىسىنا از قاراجات ءبولىپ وتىرعان جوق. ەلىمىزدە قازاقستان جاستارىنىڭ كونگرەسى بار، باسقاسى بار، ءتۇرلى جاستار ۇيىمدارىنىڭ ۇلكەن جەلىسى جۇمىس ىستەپ جاتىر، ارنايى زاڭ دا بار، جاستارمەن جۇمىس ىستەۋگە باعىتتالعان ءبىلىم جانە عىلىم مينيسترلىگى مەن اكىمشىلىكتەر جانىنداعى دەپارتامەنتتەر مەن باسقارمالار دا جەتەرلىك. 

جاستار ساياساتىنا مەملەكەت ۇلكەن نازار اۋدارۋدا، ەندىگى كەزەكتە، مەنىڭ ويىمشا، وسى باعىتتاعى جۇمىستى قاداعالايتىن قوعامدىق باقىلاۋ كەرەك. اسىرەسە، مەملەكەتتىك الەۋمەتتىك تاپسىرىستاردىڭ جۇزەگە اسۋىن ەرەكشە اتاپ وتەر ەدىم. 

12. مادەنيت پەن سپورت سالاسىنىڭ ءبىر مينيسترلىكتە بولعانى تۋرالى نە ويلايسىز؟ جالپى ۇكىمەتتەگى سوڭعى  رەورگانيزاتسيا تۋرالى ويىڭىزدى بىلسەك دەپ ەدىم.

- مەنىڭ ويىمشا، مۇنداي شەشىم شەنەۋنىكتەر سانىن قىسقارتۋ قاجەتتىلىگىنەن كەلىپ تۋىنداپ وتىر. اتالعان رەفورما مەملەكەت پەن قوعام ومىرىنە قانداي وزگەرىستەر الىپ كەلەتىنىن الداعى ۋاقىتتا كورەمىز. كۇتە تۇرايىق.

13. ءسىزدى فەيسبۋك پەن تۆيتتەر الەۋمەتتىك جەلىلەرىنەن ىزدەپ كوردىم. تاپپادىم. بالكىم، دۇرىس ىزدەمەگەن بولارمىن. الەۋمەتتىك جەلىلەردە بارسىز با؟ ەگەر اتالعان ەكى الەۋمەتتىك جەلىدە جانە باسقا دا الەۋمەتتىك جەلىلەردە بار بولساڭىز، وندا ءوزىڭىزدىڭ پاراقشالارىڭىزعا سىلتەمە بەرە الاسىز با؟  قازىر قازاقستاندا قوعامدىق پىكىر قالىپتاستىرۋدا الەۋمەتتىك جەلىلەردى پايدالانۋدىڭ كۇشەيۋى انىق بايقالادى. ەگەر الەۋمەتتىك جەلىلەردە جوق بولساڭىز، نە بار بولعانىڭىزبەن جۇيەلى تۇردە جۇرگىزىپ وتىرماعان بولساڭىز، وندا سىزگە بۇرىنعى «ايتپاركتىڭ» جەتەكشىسى رەتىندە بۇگىندە نەلىكتەن بۇقارامەن بايلانىستى جەڭىلدەتەتىن الەۋمەتتىك جەلىلەردە بەلسەندى بولماسقا؟

-         مەن جولعا ءجيى شىعامىن جانە ادامدارمەن بەتپە-بەت سويلەسەمىن، سوسىن ينتەرنەت پەن كومپيۋتەرگە ۋاقىتىم جوق. تىكەلەي كەزدەسىپ وتىرىپ، اڭگىمە-دۇكەن قۇرعانعا ەشتەڭە جەتپەيدى دەپ سانايمىن جانە وسى ەرەجەدەن اۋىتقىماۋعا تىرىسامىن.

14. قازاقستانداعى ساياسي احۋالعا الەۋمەتتىك جەلىلەردەگى (دالىرەگى فەيسبۋكتاعى) ءتۇرلى پوستتارعا قاراپ سيپاتتاما بەرگەن ۋاقىتتا، يسلام ءدىنى ۇستانىمىنداعى توپ پەن ءتاڭىرشىلدىك ۇستانىمداعى توپتار اراسىندا كۇرەستىڭ بار ەكەنى بايقالادى. وسى ەكى توپ اراسىنداعى تايتالاستىڭ بار ەكەندىگى ارا-تۇرا فەيسبۋكتاعى پوستتاردان كورىنىپ قالىپ جاتادى. وسى ەكى توپتىڭ مۇددەسىندەگى سايتتار دا اشىلىپ جاتىر. بالكىم، بۇل قاتە پايىمداۋ بولۋى دا مۇمكىن.وسىنداي توپتار بار ەكەنى راسىمەن دە انىق بولىپ، بۇلاردىڭ اراسىنداعى كۇرەس جالعاسا بەرەتىن بولسا، ناتيجە قانداي بولۋى مۇمكىن؟ الدە مۇنداي توپتار مۇلدەم جوق پا؟

- بۇل سۇراق مەنىڭ قۇزىرەتىمدە ەمەس.

16. ۇكىمەتتىڭ قازىرگى جۇمىسىنا كوڭىلىڭىز تولا ما؟ مينيسترلىكتەر مەن اگەنتتىكتەر سانىن قىسقارتۋ جانە بىرىكتىرۋدەن ناقتى قانداي پايدا بولماق؟

- كەڭەستىك ءازىل كلاسسيكاسىن ەسكە تۇسىرەتىن بولساق، ۇكىمەت نە بولعان كۇندە دە ايتەۋىر بارىنە كىنالى بولىپ شىعادى. 

تازا مەنىڭ پىكىرىمە كەلسەك، مەن بەلسەندى ازاماتتىق ۇستانىمدى جاقتايمىن، ياعني بارلىق پروتسەستەرگە ارالاسۋ مەن ءوز ءومىرىمىزدى قۇرۋعا بارىنشا ۇلكەن ۇلەس قوسۋدى قولدايمىن. ەشتەڭەگە ارالاسپاي، ءبىزدىڭ باقۋاتتىلىعىمىز ءۇشىن جۇمىس ىستەپ جاتقان ۇكىمەتتى مە، باسقانى ما سىرتتان سىناپ-مىنەۋ قولىمنان كەلمەيدى. جۋرناليست رەتىندە دە، ازاماتتىق اليانس جەتەكشىسى رەتىندە دە مەن شامام كەلگەنشە ءومىرىمىزدى جاقسى جاققا وزگەرتۋگە تىرىسامىن.

Abai.kz