ماسكەۋ. 8 مامىر. قازتاگ – قازاقستاننىڭ رەسەيدەگى ەلشىسى ادىلبەك جاقسىبەكوۆ كەڭەس وداعىنىڭ باتىرى ءاليا مولداعۇلوۆانىڭ اتىنداعى ماسكەۋلىك № 891 مەكتەبىندە جەڭىس كۇنى قۇرمەتىنە وتكەن سالتاناتقا قاتىستى، دەپ حابارلايدى ەلشىلىكتىڭ ءباسپاسوز قىزمەتى.

قازاق حالقىنىڭ قاھارمان قىزىنىڭ ەرلىگىن ەسكە الىپ، قۇرمەت كورسەتۋ ءۇشىن سوعىس ارداگەرلەرى، ونىڭ پولكتاس جاۋىنگەرلەرى، قازاقستاندىق ستۋدەنتتەر جانە ماسكەۋدەگى قازاق دياسپوراسىنىڭ وكىلدەرى كەلدى.

ءا.جاقسىبەكوۆ باتىردىڭ مەكتەپتە ورناتىلعان مۇسىنىنە گۇل شوقتارىن قويدى. «ءسىزدىڭ مەكتەپكە بەرىلگەن ەسىمدى قازاقستاندا دا، رەسەيدە دە اسا قۇ رمەتتەيدى. بۇل –ەكى مەملەكەتتىڭ تاريحى ورتاق ەكەنىن دالەلدەيتىن كوپتەگەن دەرەكتەردىڭ ءبىرى، – دەپ اتاپ كورسەتتى قازاقستان ەلشىسى سويلەگەن سوزىندە. – ءبىزدىڭ حالىقتار كوپتەگەن عاسىرلار بويى قۋانىش پەن قايعىنى بىرلەسىپ باستان كەشىردى. ءبىز حح عاسىردىڭ ەڭ قورقىنىشتى سوعىسى – ۇلى وتان سوعىسىندا بىرگە سوعىسىپ، جەڭىسكە جەتتىك»، - دەدى ديپلومات. ونىڭ سوزدەرىن ءباسپاسوز قىزمەتى كەلتىرىپ وتىر.

ماسكەۋ. 8 مامىر. قازتاگ – قازاقستاننىڭ رەسەيدەگى ەلشىسى ادىلبەك جاقسىبەكوۆ كەڭەس وداعىنىڭ باتىرى ءاليا مولداعۇلوۆانىڭ اتىنداعى ماسكەۋلىك № 891 مەكتەبىندە جەڭىس كۇنى قۇرمەتىنە وتكەن سالتاناتقا قاتىستى، دەپ حابارلايدى ەلشىلىكتىڭ ءباسپاسوز قىزمەتى.

قازاق حالقىنىڭ قاھارمان قىزىنىڭ ەرلىگىن ەسكە الىپ، قۇرمەت كورسەتۋ ءۇشىن سوعىس ارداگەرلەرى، ونىڭ پولكتاس جاۋىنگەرلەرى، قازاقستاندىق ستۋدەنتتەر جانە ماسكەۋدەگى قازاق دياسپوراسىنىڭ وكىلدەرى كەلدى.

ءا.جاقسىبەكوۆ باتىردىڭ مەكتەپتە ورناتىلعان مۇسىنىنە گۇل شوقتارىن قويدى. «ءسىزدىڭ مەكتەپكە بەرىلگەن ەسىمدى قازاقستاندا دا، رەسەيدە دە اسا قۇ رمەتتەيدى. بۇل –ەكى مەملەكەتتىڭ تاريحى ورتاق ەكەنىن دالەلدەيتىن كوپتەگەن دەرەكتەردىڭ ءبىرى، – دەپ اتاپ كورسەتتى قازاقستان ەلشىسى سويلەگەن سوزىندە. – ءبىزدىڭ حالىقتار كوپتەگەن عاسىرلار بويى قۋانىش پەن قايعىنى بىرلەسىپ باستان كەشىردى. ءبىز حح عاسىردىڭ ەڭ قورقىنىشتى سوعىسى – ۇلى وتان سوعىسىندا بىرگە سوعىسىپ، جەڭىسكە جەتتىك»، - دەدى ديپلومات. ونىڭ سوزدەرىن ءباسپاسوز قىزمەتى كەلتىرىپ وتىر.

مەكتەپ ديرەكتورى اننا كوركينا ەلشىلىكتىڭ قامقورلىعى مەن قولداۋى ءۇشىن ۇلكەن العىس ءبىلدىردى. ول قازاقستان بۇل مەكتەپتى بۇرىننان قامقورلىققا العانىن اتاپ كورسەتتى. ەلشىلىكتىڭ قولداۋ كورسەتۋىمەن مەكتەپتەگى ءاليا مولداعۇلوۆا مۇراجايىنىڭ الاڭى كەڭەيتىلىپ، ەكسپوزيتسياسى تولىقتى، جەڭىستىڭ 60 جىلدىعى قارساڭىندا مەكتەپتىڭ الدىنا باتىر قىزدىڭ ءمۇسىنى مەن ەستەلىك تاقتا ورناتىلدى. بۇل جەردە جىل سايىن جاڭا وقۋ جىلى اشىلادى، ال 2006 جىلدىڭ ماۋسىمىندا 10 وقۋشى مەن 8 ۇستازدان قۇرالعان دەلەگاتسيا قازاقستاننىڭ ەلورداسى استاناعا ساپار جاساپ قايتتى.

مەكتەپ ورنالاسقان كوشە دە ءا.مولداعۇلوۆانىڭ ەسىمىمەن اتالادى. 1942-1945 جىلدارى مۇندا ايەلدەردىڭ ورتالىق سنايپەرلىك مەكتەبى ورنالاسقان. ول 2200 سنايپەر قىزدى دايىنداپ شىعاردى. 1943 جىلى 18 جاستاعى ءاليا وسى مەكتەپتى ءبىتىرىپ، 54-ءشى جەكە اتقىشتار بريگاداسىنىڭ 4-ءشى باتالونىنىڭ سنايپەرى (22-ءشى اسكەر، 2-ءشى بالتىق ماڭى مايدانى) اتاندى.

ءاليا مولداعۇلوۆا 1944 جىلدىڭ قاڭتارىندا پسكوۆ وبلىسىنىڭ كازاچيحا دەرەۆنياسىنىڭ تۇبىندەگى قىرعىن شايقاستا ەرلىكپەن قازا تاپتى.