ارىسىم...

                                  ( تالاسبەك اسەمقۇلوۆقا...)

تەكتى ەدىڭ –

                          قارت ەمەندەي تامىرلى ەڭ!

بەتتى ەدىڭ –

                         تاۋ سۋىنداي ارىندى ەڭ!..

وتكىر ەڭ – سەرتكە ۇستاعان سەمسەردەي

قايدا سالسا قارىمدى ەڭ!..

دارىنىڭ گاۋھار تاستاي سان قىرلى،

ادىمىڭ حاس تۇلپارداي الىمدى

اتايى ەڭ – امال قانشا ازۋىڭ

قارا تاسقا شاعىلدى!..

تۇلپارىم، تانىمىڭ ەلدەن ەرەك ەدى!

سۇڭقارىم، ءبىلىمىڭ ءتۇپسىز تەرەڭ ەدى!

ماقساتىڭ مۇلدە بولەك ەدى –

جەتكىزبەي قويدى-اۋ نە كەرەك؟!

جۇلدىزىم، سەبىلمەي نۇرلى جالىنىڭ،

سوگىلمەي گۇلدى قاۋىزىڭ!

توگىلمەي سىرلى ساز ءۇنىڭ –

مەزگىلسىز ءسوندى-اۋ جارىعىڭ!..

ارىسىم! ارمانىڭ كوپ ەدى اڭساعان،

اشىلماي قويدى-اۋ جول ساعان!..

دوس تاپپاي ويسىز ورتادان –

ءسوندى مە جۇرەك شارشاعان؟!

...نە دەيىن ەندى مەن ساعان؟!

كەنجەباەۆ تۇرماعانبەت ەردەشۇلى.

استانا. 28. 09. 2014 جىل.