ۇيعىر پروفەسسور يلحام توحتىعا ۇرىمشىدە جابىق وتىرىسپەن ء ومىر بويى تۇرمەگە وتىرۋ جازاسى بەرىلدى. بۇل تۋرالى ترت-قازاق ارناسى حابارلادى.

توحتىنىڭ ادۆوكاتى تۆيدتەر پاراقشاسىنان جاساعان مالىمدەمەدە توحتىنىڭ «مەملەكەتتى بولشەكتەۋشىلىك» ايىبىمەن ءومىر بويى باس بوستاندىعىنان ايىرۋ جازاسى بەرىلگەنىن ءبىلدىردى.
شىڭجاڭ ۇيعىر اۆتونوميالىق ايماعىندا ءۇرىمجى ورتالىق حالىق سوتىندا وتكەن اپتا ەكى كۇن بويى «بولشەكتەۋشىلىك» ايىبىمەن سوت الدىنا شىعارىلعان توحتىنىڭ سوت پروتسەسى ءباسپاسوز بەن حالىقارالىق باقىلاۋشىلارعا جابىق وتكىزىلگەن. توحتى سوتتىڭ العاشقى كۇنى «بولشەكتەۋشىلىك» جانە باسقا دا وزىنە جابىلعان بارلىق ايىپتاردى قابىلداماعان بولاتىن.
سوت كەزىندە پوليتسيا ايماق جانە سوت توڭىرەگىندەگى كوشەلەردى كولىك قاتىناسىنا جاۋىپ، جۋرناليستتەرگە قوسا سوت وتىرىسىنا قاتىسقىسى كەلگەن بارشانى ايماققا كىرگىزبەي قويعان.
بەيجىڭدەگى ۇلتتار ۋنيۆەرسيتەتىندە ەكونوميكا پروفەسسورى بولعان 45 جاسار ۇيعىر عالىم توحتى ەكونوميكادان ساباق بەرەتىن. بەيجىڭدە 15 قاڭتار كۇنى «بولشەكتەۋشىلىك» ايىبىمەن تەرگەۋگە الىنىپ كومپيۋتەر، قالتا تەلەفونى جانە كەيبىر اكادەميك جۇمىستارى كەپىلدىككە الىنعان.
وسىعان بايلانىستى ءبىر قاتار باتىس ەلدەرى توحتىنىڭ تۇتقىندالۋىنا نارازىلىق كورسەتىپ، قىتايدى رەپرەسسيا جاساماۋعا شاقىرعان. 

اباي-اقپارات