"ونىمدىلىك -2020". قولداۋلارعا قول جەتكىزۋ وڭتايلاندى
وڭتۇستىك قازاقستان وبلىسىندا كاسىپكەرلەرگە جەڭىلدىك جاسالۋدا. ەڭبەك ونىمدىلىگىنىڭ ارتۋىنان وتاندىق كاسىپورىندار باسەكەگە قابىلەتتىلى بولىپ كەلەدى. ودان بولەك «ونىمدىلىك-2020» باعدارلاماسى اياسىندا قارالعان مەملەكەتتىك قولداۋلارعا قول جەتكىزۋ وڭتايلانعان.
كاسىپكەرلەرگە قىزمەت كورسەتۋ ورتالىعىندا بيزنەس وكىلدەرىنە مەملەكەتتىك قۇجاتتاعى وزگەرىستەر تانىستىرىلدى. مامانداردىڭ ايتۋىنشا، باعدارلاما ارقىلى قارجىلاي كومەككە قول جەتكىزگىسى كەلگەن كاسىپكەرلەر بۇدان بىلاي تەك نەگىزگى قۇجاتتاردى عانا جينايدى. قاعازباستىلىق ەكى ەسەگە قىسقارتىلىپ، اكىمشىلىك كەدەرگىلەر جويىلماق. ايتا كەتەيىك، ىسكەرلەر باعدارلامانى پايدالانانىپ، شەت مەملەكەتتەرمەن ارىپتەستىك ورناتۋىنا سونداي-اق وزىق تەحنولوگيالارعا قول جەتكىزۋىنەنە دە بولادى.
ولجاس توعاەۆ، كاسىپكەرلەرگە قىزمەتكورسەتۋ ورتالىعىنىڭ ديرەكتورى: «كاسىپكەرلەر تەك نەگىزگى 12 قۇجاتتى جينايدى. شەتەلمەن ارىپتەستىك جاساۋ شىعىندارىنىڭ جارتىسىن، كەي جاعدايدا تولىقتاي مەملەكەت تاراپىنان تولەنەدى. وزىق تەحنولوگيالار ەنگىزۋ مەن كاسىپورىننىڭ قۋاتتىلىعىن ارتتىرۋدا دا مول مۇمكىندىكتەر قاراستىرىلعان.»
اباي-اقپارات
