بۇگiن استانادا ءوتiپ جاتقان  بiلiم بەرۋ جۇيەسi قىزمەتكەرلەرiنiڭ رەسپۋبليكالىق تامىز كونفەرەنتسياسىندا ءسوز العان پرەمەر-مينيستردiڭ ورىنباسارى بەردiبەك ساپارباەۆ «قازiر بالا تاربيەسiنە بiلەك سىبانا كiرiسپەسەك، ەرتەڭ ەلدiگiمiزدەن ايىرىلامىز»،- دەپ باتىرا ايتتى. بۇل تۋرالى قازاقپارات جازدى. 

"بالانىڭ دامۋىنا مۇمكiندiك بەرiپ، قىزىقتى ۇيiرمەلەرiنە بارۋ ءۇشiن قوسىمشا بiلiم بەرۋ  باعدارلاماسىن دامىتۋ كەرەك. قازiر ەلiمiزدە قوسىمشا بiلiم بەرۋ جۇيەسiنە وقۋشىلاردىڭ 25 پايىزى عانا تارتىلعان. كەيبiر وبلىستاردا، مىسالى الماتى وبلىسىندا وقۋشىلاردىڭ 10 پايىزى، وڭتۇستiك قازاقستان وبلىسىندا وقۋشىلاردىڭ 14 پايىزى، اتىراۋ وبلىسىندا وقۋشىلاردىڭ 16 پايىزى عانا قوسىمشا بiلiم، تاربيە بەرۋ جۇيەسiنە تارتىلعان. سوسىن كەلiپ، سۋيتسيد، زورلىق-زومبىلىق بولدى دەيمiز... ەگەر بالالارىمىزدى ساباق بiتكەننەن كەيiن قوسىمشا تاربيە، بiلiم بەرۋگە تارتپاساق، بۇل جالعاسا بەرەدi. ەگەر بالانىڭ باسقا تيiمسiز iستەرمەن اينالىسۋىنا ۋاقىتى قالماسا، وسىنداي جاعدايلار بولمايتىن ەدi. قازاق قىزدارىنىڭ توبەلەسكەنiن، قازاق قىزدارىنىڭ اسىلىپ ءولiپ جاتقانىن قاشان كورiپ ەدiك؟! بۇل - سوڭعى ۋاقىتتا تاربيەنiڭ ناشارلاپ كەتكەنiن كورسەتەدi. ارينە، بالانىڭ تاربيەسiنە ەڭ بiرiنشiدەن جاۋاپتى كiسi - اتا-اناسى مەن وتباسى. بiراق، بالا تاربيەسiنە كوڭiل بولەتiن مەملەكەتتiك ۇيىمدار بار جانە سول ءۇشiن مەملەكەتتەن اقشا الىپ وتىر. مەنiڭ ويىمشا، بۇل باعىتتا بiزدە بiرiككەن جۇمىس جوق. ەگەر وسىنداي ماسەلە بويىنشا iشكi iستەر ورگاندارىنان باسقا، بiلiم بەرەتiن ۇيىمدار، قوعامدىق ۇيىمدار بiرگە جۇمىس iستەسە، جاعداي وزگەرiپ، جاڭاعى قايعىلى جاعدايلار بولمايتىن ەدi. سiزدەرگە ايتارىم، بiزدiڭ "ماڭگiلiك ەل" بولۋىمىز، بولاشاعىمىز  - تاربيە مەن ۇلتتىق داستۇرiمiزگە بايلانىستى. ەگەر بۇلاردان ايىرىلىپ قالساق، ەل بولمايمىز",-دەدi ب.ساپارباەۆ.