قىزىلوردا وبلىسىندا ءبىر كۇندە 8 مەكتەپ پەن 1 بالاباقشا اشىلدى. ادەتتە مامىراجاي زامان بولدى دەپ ەسكە الاتىن كەڭەس زامانىنىڭ وزىندە مۇنداي جاعداي بولماعان شىعار-اۋ. ناق وقۋ جىلىنىڭ الدىندا بۇعان دەيىن ەسكى نەمەسە اپاتتى جاعدايداعى ءبىلىم وشاقتارىندا وقىپ جاتقان بالالاردىڭ سۋ جاڭا مەكتەپكە كوشۋى كوڭىلىمىزگە قۋانىش ۇيالاتتى. مۇنىڭ سىرتىندا تاعى ءۇش مەكتەپ قىركۇيەك ايىنا دەيىن اشىلادى دەپ جوسپارلانىپ وتىر.   ءبىلىم سالاسى – باستى نازاردا «بىتەر ءىستىڭ باسىنا، جاقسى كەلەر قاسىنا» دەمەكشى، وقۋشىلاردىڭ قۋانىشىن بولىسۋگە ءبىلىم جانە عىلىم ءمينيسترى اسلان ءسارىنجىپوۆ استانادان ارنايى كەلىپ، ايماق باسشىسى قىرىمبەك كوشەرباەۆپەن بىرگە ءبىلىم وشاقتارىنىڭ اشىلۋ سالتاناتىنا قاتىستى. ارال اۋدانىنىڭ جىڭىشكەقۇم، قوسامان جانە جاڭاقۇرىلىس اۋىلدارىندا بىردەي ءۇش مەكتەپ بوي كوتەرسە، اتالعان اۋداندا تاعى ءبىر مەكتەپ پەن بالاباقشانى قىركۇيەك ايىنا دەيىن پايدالانۋعا بەرۋ جوسپارلانىپ وتىر. قازالىنىڭ اراندى، سارىبۇلاق ەلدى مەكەن­دەرىندە 100 ورىندىق 2 ءبىلىم ۇياسى ىسكە قوسىلىپ، قارماقشى اۋدانىنا قاراستى اقاي اۋىلىندا 280 بالاعا ارنالعان بالاباقشا پاي­دالانۋعا بەرىلسە، تاعى 600 ورىندىق مەكتەپتىڭ قۇرىلىسى دا بىتۋگە جاقىن. ءدال وسىنداي جاڭالىقتان سىرداريا اۋدانى دا قۇرالاقان ەمەس. شاعان اۋىلىندا بۇل كۇنى 900 ورىندىق ءبىلىم وشاعى ەسىگىن ايقارا اشسا، جاڭا وقۋ جىلىنا دەيىن شىركەيلى اۋىلىندا دا 600 ورىندىق مەكتەپ ەل يگىلىگىنە بەرىلەدى. شيەلى اۋدانى بالا بي اۋىلىنىڭ وقۋشىلارى دا 900 ورىندىق مەكتەپتىڭ اشىلۋىنا كۋا بولدى. سونىمەن قاتار، قىزىلوردا قالا­سىنداعى وقۋشىلار ءۇشىن 900 كەلۋشىگە ارنالعان مەكتەپ پايدا­لانۋعا بەرىلدى. ءدال وسىنداي تاعى ءبىر وقۋ وشاعى قىركۇيەك ايىندا «يپپودروم» شاعىن اۋدانىندا اشىلادى. زاماناۋي ۇلگىدە سالىنعان بۇل مەكتەپتەردىڭ بارلىعىندا وقۋشىلاردىڭ ساپالى ءبىلىم الۋلارىنا تولىق جاعداي جاسالعان. سونىمەن قاتار، بيىل وڭىردەگى مەكتەپتەر جىلداعىداي قىر­كۇيەكتە ەمەس، قازىردىڭ وزىندە 100 پايىز وقۋلىقپەن قامتىلىپ وتىر. الداعى وقۋ جىلىندا 5 مىڭنان استام بالا العاش رەت جاڭا مەكتەپ تابالدىرىعىن اتتاماق. ءبىلىم جانە عىلىم ءمينيسترى اسلان ءسارىنجىپوۆ پەن قىزىلوردا وبلىسىنىڭ اكىمى قىرىمبەك كوشەرباەۆ وقۋشىلارعا جاڭا وقۋ جىلىنا ساتتىلىك تىلەپ، كومپيۋتەرمەن جابدىقتالعان كابينەت جانە ەلباسىنىڭ اتىنان 1-سىنىپ وقۋشىلارىنا كىتاپتار تابىستادى. – بيىلدىڭ وزىندە قىزىلوردا وبلىسىندا 22 ءبىلىم نىسانىن سالۋعا 6,5 ميلليارد تەڭگە ءبو­لىندى. جىل سوڭىنا دەيىن 19 مەكتەپ پەن 4 بالاباقشا پايدالانۋعا بەرىلەدى. وسىلايشا، ەلباسىنىڭ بىزگە جۇكتەگەن ءۇش تاپسىرماسى تولىق ورىندالۋدا. بىرىنشىدەن، ءۇش اۋىسىمدىق مەكتەپتەر ماسەلەسى شەشىلدى. ەندى قىزىلوردا وبلىسىندا ءۇش اۋىسىممەن وقيتىن مەكتەپ مۇلدەم جوق. ەكىنشىدەن، اپاتتىق جاعدايداعى مەكتەپتەردى 2016 جىلعا دەيىن تولىق جاڭالايمىز. 2013 جىلى قىزىلوردادا 25 اپاتتىق مەكتەپ بولسا، ونىڭ 14-ءى قايتا سالىنىپ، قالعان 11 ءبىلىم وشاعىن كەلەسى جىلدىڭ سوڭىندا ءبىتىرۋدى جوسپارلاپ وتىرمىز. ۇشىنشىدەن، ەلباسى 2020 جىلعا دەيىن «بالاپان» باعدارلاماسىن تولىق جۇزەگە اسىرۋدى تاپسىرعان بولاتىن. ال ءبىز جىل سوڭىنا دەيىن بالالاردى 100 پايىز بالاباقشامەن قامتىپ، باعدارلامانى بەكىتىلگەن ۋاقىتىنان بۇرىن اياقتايمىز، – دەدى قىرىمبەك ەلەۋۇلى. – ەلباسى جىل سايىن رەسپۋبليكادا 100 مەكتەپ سالۋدى تاپسىرعان بولاتىن. بۇل جۇمىستاردى جۇزەگە اسىرۋدا قىزىلوردا وبلىسى كوش باستاپ كەلەدى. ەلىمىزدەگى ايماقتار اراسىندا ءبىلىم سالاسىنا ۇلكەن ءمان بەرىپ، ءبىلىم وشاقتارىن اشۋدا دا الدىڭعى ورىندا. وسىنداي ءبىلىم سالاسىنا كورسەتىلگەن قام­قورلىقتىڭ ارقاسىندا بيىل سىر ءوڭىرىنىڭ تۇلەكتەرى ۇلتتىق بىرىڭعاي تەستى­لەۋدىڭ قورىتىندىسى بويىنشا الداعى بەسىنشى ورىنعا شىقتى، – دەدى مينيستر. ۇزدىك مەكتەپكە 17 ميلليون تەڭگە بەرىلدى سوڭعى 2 جىلدا قىزىلوردا وبلىسى رەسپۋبليكا بويىنشا الەۋمەتتىك سالاعا كوپ قارجى بو­لەتىن ايماقتاردىڭ كوشىن باستاپ كەلەدى. بۇل جۇمىستاردىڭ ناتيجەسى دە جوق ەمەس. بيىلعى وقۋ جىلىندا ۇبت قورىتىندىسى بويىنشا سىر ءوڭىرى 13-ورىننان الدىڭعى بەستىككە كوتەرىلدى. مىڭداعان قىزىلوردالىق جاس تۇلەك وبلىس اكىمى گرانتتارىن يەلەندى. سونداي-اق، رەسەي فەدەراتسياسى ۇكىمەتى اراسىنداعى كەلىسىمگە سايكەس 321 تۇلەك ماسكەۋ جانە سانكت-پەتەربۋرگتىڭ ماڭدايالدى جوعارى وقۋ ورىندارىندا تەگىن ءبىلىم الۋعا مۇمكىندىك الىپ وتىر. بۇدان بولەك، جوعارى جانە ارنايى وقۋ ورىندارىنا بولىنەتىن «سەرپىن» باعدارلاماسىمەن دە قىزىلوردالىق جاستار تەگىن وقۋعا جولداما الدى. ايتا كەتۋ كەرەك، تالاي جىلدان بەرى تالقىعا ءتۇسىپ كەلگەن بايقوڭىرداعى مەكتەپتەردىڭ پروبلەماسى بيىل وڭ شەشىمىن تاپقان بولاتىن. ەندى ولارعا قازاقستاندىق ءبىلىم ستاندارتىنا ساي وقۋلىقتار جەتكىزىلۋدە. ءبىلىم جانە عىلىم ءمينيسترىنىڭ قىزىلوردا وبلىسىنا ساپارى بارىسىندا ء«بىلىم بەرۋ مازمۇنىن جاڭارتۋ: بولاشاققا باعدارلانۋ» اتتى ءبىلىم بەرۋ قىزمەتكەرلەرىنىڭ تامىز كەڭەسى ءوتتى. بيىل ايماقتاعى ءبىلىم سالاسىنا 66 ميلليارد تەڭگەدەن استام قار­جى قارالدى. سوڭعى ءۇش جىلدىڭ ىشىندە بۇل سالاعا بولىنەتىن قارجى ەسە­لەنىپ ءوستى. سونىڭ ارقاسىندا كۇر­مەۋى قيىن ماسەلەلەر شەشىمىن تاپتى. – ماعان اكىم رەتىندە اتقارعان جۇمىستاردىڭ ىشىندەگى ەرەكشەسىن ايتىڭىز دەسە، ءبىلىم سالاسىنداعى جەتىستىك دەر ەدىم. ويتكەنى، ءبىلىم كۇر­دەلى جۇيە. قىراعى تۇردە قادا­عالاۋ قاجەت. ءبىز تاعى ءبىر جوبا­نى قولعا الدىق. 22 ءبىلىم وشا­عىن يننوۆاتسيالىق مەكتەپكە اينال­دىرماقپىز. ياعني، وڭىردەگى ءبىلىم وشاقتارىن نازارباەۆ مەكتەبى ۇلگىسىندە جاراقتاندىرامىز.ۇستاز­داردى وقىتۋ كەرەك. وعان قىرۋار قارجى قاجەت. بىراق بولاشاققا ينۆەستيتسيا سالۋدان باس تارپايمىز، – دەدى تامىز كەڭەسىنە قاتىسقان قىرىمبەك كوشەرباەۆ. ء«وڭىر جاس كادرلارعا سەنىم ارتۋىمەن ەرەكشەلەنەدى. ماسەلەن، 25 جاسقا دەيىنگى مۇعالىمدەردىڭ ۇلەسى رەسپۋبليكادا 11 پايىز بولسا، بۇل قىزىلوردادا 16 پايىزدى قۇرايدى. ەندى ماگيستر دارەجەسى بار پەداگوگتاردىڭ سانىن ارت­­­تىرۋعا بايلانىستى جۇمىس جاساۋ قا­جەت»، – دەدى ءبىلىم جانە عىلىم ءمينيس­ترى اسلان ءسارىنجىپوۆ. جيىن سوڭىندا ءبىلىم سالاسىنىڭ دامۋى­نا ايرىقشا ۇلەس قوسىپ جۇرگەن بىرقاتار مۇعالىمدەر «ى.ال­تىنسارين»، ء«بىلىم بەرۋ ءىسىنىڭ قۇرمەتتى قىزمەتكەرى» توسبەل­گىلەرمەن جانە مينيسترلىك پەن وبلىس اكىمىنىڭ قۇرمەت گراموتاسىمەن جانە العىس حاتىمەن ماراپاتتالدى. سونداي-اق، «ۇزدىك ورتا ءبىلىم ۇيىمى» گران­تىن №9 وبلىستىق دارىندى بالالارعا ارنالعان قازاق-تۇرىك ليتسەيى يەلەندى. مەكتەپ ۇجىمى 17 ميلليون تەڭگەنىڭ سەرتيفيكاتىن الدى. بۇل مەكتەپتەن 2 حالىقارالىق وليمپيادالاردىڭ جەڭىمپازى شىقتى. ۇبت قورىتىندىسىندا ورتاشا 105,5 بالل جينادى. بۇل ەسەلى ەڭبەكتىڭ جەمىسى.

 اباي-اقپارات