ۇلتتىق كومپانيانىڭ رەسمي سايتىندا شورمانوۆتىڭ "استانا ەكسپو - 2017" توراعاسىنىڭ ورىنباسارى بولىپ تامىزدا تاعايىندالعانى حابارلانىپ وتىر. بۇل تۋرالى Tengrinews.kz جازدى.

ەربول شورمانوۆ الماتى اكىمىنىڭ بۇرىنعى ورىنباسارى قىزمەتىنەن 17 تامىزدا كەتكەن بولاتىن. الايدا ونىڭ جاڭا قىزمەتى تۋرالى مالىمەت بولماعان ەدى. ەربول شورمانوۆ 1968 جىلدىڭ 20 تامىزىندا الماتىدا دۇنيەگە كەلگەن. الماتى حالىق شارۋاشىلىعى ينستيتۋتىن 1991 جىلى بىتىرگەن.

ول 2009 جىلدىڭ 25 اقپانىنان بەرى الماتى اكىمىنىڭ ورىنباسارى قىزمەتىندە بولىپ كەلگەن. بۇل قىزمەتتە ول قالانىڭ تۇرعىن ءۇي كوممۋنالدىق شارۋاشىلىعى، كورىكتەندىرۋ، اباتتاندىرۋ، تابيعاتتى پايدالانۋ جانە ەكولوگيا، ەنەرگەتيكا، ءوندىرىس، ساۋدا، شاعىن كاسىپكەرلىك، سانيتارلىق-ەپيدەميولوگيالىق ماسەلەلەرىنە جاۋاپتى بولدى.

ۇيلەنگەن (ايەلى - فيشمان وكسانا لەونيدوۆنا), بالاسى بار (شورمان ارسەن، 2007 جىلى دۇنيەگە كەلگەن).

اباي-اقپارات