قازاقستان ءوز ۆاليۋتاسىن السىرەتۋگە تۋرا كەلگەن جالعىز مەملەكەت ەمەس دەپ حابارلايدى NUR.KZ.

دوللار قۇنى 182,35 تەڭگە بولعان جىل باسىمەن سالىستىراتىن بولساق، وتاندىق ۆاليۋتا 39,9%-عا قۇنسىزداندى.

قارجىگەر ايدارحان قۇسايىنوۆتىڭ مالىمەتتەرىنە سۇيەنسەك، اعىمداعى جىلدا ءوز ۆاليۋتاسىن كەمىندە 10%-عا دەۆالۆاتسياعا ۇشىراتقان ەلدەر اراسىندا دامىعان مەملەكەتتەر دە بار.

– نورۆەگيالىق كرونا جىل ىشىندە 32,9%-عا تۇسكەن;

– كانادالىق دوللار – 19,9%;

– اۆستراليالىق دوللار – 26,2%;

– ەۋرو – 20,0%;

– بەلورۋسسيالىق رۋبل – 54%;

– ازىربايجاندىق مانات – 40%;

– گرۋزيندىك لاري – 35,3%;

– قىتايلىق يۋان – 4,2%;

– وڭتۇستىككورەيالىق ۆونا – 16,2%;

– جاپوندىق يەنا – 21,0%;

– سينگاپۋرلىق دوللار – 12%;

– تۇركيالىق ليرا – 32%;

– مالايزيالىق رينگگيت – 32,3%;

الەمنىڭ جەتەكشى ۆاليۋتالارىنىڭ دوللارعا شاققانداعى قۇنى جالپى العاندا 15%-عا تۇسكەن.

ۆتب 24 ينۆەستيتسيالىق دەپارتامەنتىنىڭ باس ساراپشىسى ستانيسلاۆ كلەششەۆ تەڭگەنىڭ قۇلدىراۋى بەلورۋسسيالىق رۋبل جانە ۋكراينالىق گريۆنامەن بىردەي دەڭگەيگە جەتكەنىن ايتۋدا. اتالمىش ۆاليۋتالار جىل باسىنان بەرى دەۆالۆاتسيا مولشەرى تۇرعىسىنان توپ جارعان بولاتىن دەپ جازادى ربك.

 «قازاقستان حالىق بانكى باسەكەلەستىكتىڭ باسىم بولشەگىنەن ايىرىلعانىنا بايلانىستى بۇل قادامعا باردى. رەسەي قازاقستاننىڭ ساۋداداعى نەگىزگى ارىپتەسى بولعاندىقتان، شيكىزات تاۋارلارىنا باعانىڭ ءتۇسۋى اياسىندا ءرۋبلدىڭ السىرەۋى قازاقستانعا دا اسەر ەتتى. جاقىندا قىتايلىق ءيۋاننىڭ السىرەۋى قوسىشما فاكتور بولۋى مۇمكىن»، – دەپ جازدى ءوز شولۋىندا Sberbank CIB ساراپشىسى توم لەۆينسون.

ايتا كەتسەك، قازاقستان تمد ەلدەرى اراسىندا دەۆالۆاتسيا جارىسىنا سوڭعى بولىپ قوسىلدى.

اباي-اقپارات