سينوپتيكتەر 2015 جىلدىڭ 20-22 تامىزىنا ارنالعان اۋا رايى بولجامىن جاريا ەتتى، - دەپ حابارلايدى Tengrinews.kz

"قازگيدرومەت" رمك وكىلدەرىنىڭ ايتۋىنشا، قازاقستانداعى ىستىق اۋا-رايىمەن بايلانىستاعى تروپوسفەراداعى باتىس اعىندار سولتۇستىك، سولتۇستىك-باتىسقا اۋىسۋدى باستادى.

"سولتۇستىكتەگى تەڭىز اۋداندارىنان كەلەتىن سالقىن جانە دىمقىل اۋا الدىڭعى ازيادان كەلەتىن ىستىق جانە قۇرعاق اۋانى اۋىستىرادى. سوندىقتان رەسپۋبليكامىزدىڭ بارلىق دەرلىك اۋماعىندا جاقىن اراداعى ءۇش تاۋلىكتە ءار جەرلەردە جاڭبىر، نايزاعاي، بۇرشاق، جىلدامدىعى سەكۋندىنا 15-20 مەتر بولاتىن كۇشتى ۇيىتقىما جەل جانە تەمپەراتۋرانىڭ تومەندەۋى كۇتىلىپ وتىر", - دەدى سينوپتيكتەر.

وتكەن 18 تامىزدا، باتىس وبلىستاردى الماعاندا، قازاقستانداعى تەمپەراتۋرانىڭ اۋىتقۋى نورمادان 3-6 گرادۋسقا جوعارى، ال سولتۇستىك وبلىستاردا 7-12 گرادۋسقا جوعارى بولسا، ەندى 22 تامىزدا ول نورمادان 3-6 گرادۋسقا تومەن بولادى ەكەن.