ءبىرىنشى جارتىلجىلدىقتا قازاقستاندا ەكونوميكالىق ءوسىم 1,7 پايىزدى قۇرادى. بۇل تۋرالى بۇگىن بريفينگتە «ەكونوميكالىق زەرتتەۋلەر ينستيتۋتى» اق پرەزيدەنتى ماقسات مۇقانوۆ ءمالىم ەتكەن.

قازاقپاراتتىڭ جازۋىنشا: «الەمدىك ەكونوميكادا قالىپتاسىپ وتىرعان احۋالدا 2015 جىلدىڭ ءبىرىنشى جارتىجىلدىعىندا قازاقستاندىق ەكونوميكانىڭ ءوسىمى 1,7 پايىزدى قۇرادى. نەگىزگى كاپيتالعا ينۆەستيتسيالاردىڭ ارتۋى ءۇردىسى بايقالۋدا، ياعني بۇل كورسەتكىش وتكەن جىلدىڭ سايكەس كەزەڭىنە قاراعاندا 104,4 پايىزعا جەتتى. ينۆەستيتسيالاردىڭ وسىنداي وڭتايلى قارقىنى قازاقستاننىڭ ەكونوميكالىق وسىمىنە قولداۋ بولادى»،-دەدى ول.

قر ۇلتتىق ەكونوميكا مينيسترلىگىنىڭ مالىمەتىنشە، بيىلعى قاڭتار-ماۋسىمدا سىرتقى تاۋار اينالىم 39,5 ملرد. دوللاردى قۇراپ، 2014 جىلدىڭ سايكەس كەزەڭىمەن سالىستىرعاندا 36 پايىزعا تومەندەدى.  بۇعان قازاقستاننىڭ نەگىزگى ساۋدا سەرىكتەستەرى بولىپ تابىلاتىن رەسەي مەن قىتايدا الەمدىك سۇرانىستىڭ تومەندەۋى سىرتقى ساۋدا قارقىنىنا كەرى ىقپال ەتتى.

اباي-اقپارات