مىسىردىڭ بۇرىنعى ءمۇفتيى ءارى شەيح ءالى جۇمانىڭ ايتۋىنشا، اسىل دىنىمىزدە تەك بوگدە ايەلدىڭ نەمەسە ەر ادامنىڭ دەنەسىنە سۇقتانىپ قاراۋعا (كوز زيناسىن ايتىپ وتىر – رەد.) عانا تىيىم سالىنباعان، سونىمەن قاتار، ادامنىڭ باسقا بىرەۋدىڭ وزگەلەردەن جاسىراتىن قۇپياسىنا ءۇڭىلۋى دە قۇپتالمايدى. بۇل تۋرالى Islam.kz جازدى.

«يسلام بوگدە بىرەۋدىڭ قۇپياسىنا قىزىعۋشىلىق تانىتۋعا تىيىم سالادى. ادامدار تەك اللامەن عانا وڭاشا قالسىن. ەر مەن ايەل ءبىر-ءبىرىنىڭ تەلەفونىنان تىڭ تىڭداپ، تەكسەرۋگە اۋەس بولماۋى كەرەك»، - دەپ مالىمدەگەن ءالى جۇما.

ول ەرىنىڭ نەمەسە ايەلىنىڭ تەلەفونىن تەكسەرۋدىڭ ارتى جاقسىلىققا اپارمايتىنىن العا تارتتى. دالىرەگى، مۇنداي ارەكەتتەر ەرلى-زايىپتىلاردىڭ اراسىنا وت تاستاپ، تۇبىندە شاڭىراقتىڭ شايقالۋىنا اپارىپ سوعۋى مۇمكىن ەكەنىن ايتتى.

«ول قۇپيا ەتكەندى جاراتقاننىڭ وزىنە قالدىرىڭدار. ايەلىم 42 جىل بويى مەنى بىردە-ءبىر رەت اڭدىعان ەمەس. مەن دە ونىڭ قالتا تەلەفونىنا ۇڭىلگەن ەمەسپىن»، - دەيدى ول ارتىنشا.

ادامنىڭ جەكە باس ءومىرىن قاستەرلەۋ پايعامبارىمىز مۇحاممەدتىڭ (اللانىڭ سالەمى مەن يگىلىگى جاۋسىن) سۇننەتى ەكەنىن ەسكە سالىپ ءوتتى شەيح ءسوز اراسىندا.

اباي-اقپارات