وسىدان بiراز كۇن بۇرىن وڭتۇستiك قازاقستاندا بەلگiسiز iندەتتەن مال قىرىلىپ جاتقانى تۋرالى حابار كەيبiر رەسپۋبليكالىق جانە جەرگiلiكتi باق-تاردا جەلدەي ەستى. بiرi – كەنتاۋ قالاسىنا قاراستى اششىساي اۋىلىندا «سوڭعى بiر اي iشiندە 60 مال ارام قاتقان» دەسە، ەكiنشiلەرi مۇندا «بەلگiسiز سەبەپتەن 500-گە جۋىق مال قىرىلعان» دەگەن اقپارات تاراتتى. وسى ماسەلەگە قاتىستى وقو اۋىل شارۋاشىلىعى باسقارماسىنىڭ ۆەتەريناريا ءبولiمiنiڭ باسشىسى بازاربەك وماروۆ 30 شiلدەدە «وڭتۇستiك» اقپارات ورتالىعىندا تۇسiنiكتەمە بەرiپ، بۇل اقپاراتتى تەرiسكە شىعاردى دەپ جازادى "وڭتۇستىك قازاقستان" گازەتىنىڭ ءتىلشىسى.

وبلىستىڭ باس ۆەتەرينارىنىڭ مالiمدەۋiنشە، «سۋىت حابار» جاريا بولىسىمەن باسقارما ماماندارى اششىسايداعى جاعدايمەن مۇقيات تانىسۋعا اتتانىپ، ولەكسەلەردەن سىنامالار الىنىپ، زەرتحاناعا جiبەرiلگەن.

– قىرىلعان مال سانى الدەقايدا از. تەلەارنالاردا كورسەتiلگەن مال ولەكسەلەرiنiڭ قايدان تۇسiرiلگەنiن اۋىل تۇرعىندارىنىڭ ءوزi بiلمەي، اڭ-تاڭ بولىپ وتىر، – دەيدi بازاربەك ميزامبەكۇلى.

ونىڭ پiكiرiنشە، كەيبiرەۋلەر ولگەن مال سانىن اسىرىپ ايتىپ، وتەماقىنى كوپتەۋ الۋدى ماقسات تۇتقان سىڭايلى. ويتكەنi, ماماندار جالعىز اششىساي ەمەس، iندەت شىقتى دەگەن سارىاعاش، شاردارا، وتىرار اۋداندارى مەن تۇركiستان، ارىس قالالارىنا دا بارىپ، ۇيمە-ءۇي ارالاپ، جاعدايمەن تانىسقان. سول كەزدە كوبi وزدەرi ايتقان ولەكسە سانىنىڭ ورنىن تولتىرىپ بەرە الماعان. اششىسايدا تەلەارنالاردا حابارلانعانداي 60 نە 500 مال ەمەس، 29 قوزى ءولiپتi.

زەرتحانا قورىتىندىسى iندەت اكەلۋi مۇمكiن 19 ءتۇرلi اۋرۋعا تەرiس ناتيجە كورسەتكەن.

– مالعا iندەت تيمەگەن. ولەكسەلەردi سويىپ تەكسەرگەندە وكپەسi قارايىپ كەتكەنiن كوردiك. بiزدiڭ بولجامىمىزشا، مالدىڭ وكپەسiنە سۋىق تيگەن. بiراق ناقتى دياگنوز تاعى جوق، – دەدi ب.وماروۆ.

ماماننىڭ تۇسiندiرۋiنشە، بيىل ناۋرىزدىڭ سوڭى مەن ءساۋiردiڭ باسىندا قار جاۋىپ، اۋا رايىنىڭ كۇرت تومەندەۋiنەن، تاڭەرتەڭ مۇزدى شىق باسىپ قالعان شوپكە جايىلعان جاس ءتولدiڭ وكپەسiنە سۋىق تيگەن. شiلدەنiڭ تۇنەۋكۇنگi ىستىعىن اۋرۋ وكپە كوتەرە الماعان بولۋى مۇمكiن.

وقو اشب ۆەتەريناريا ءبولiمi باسشىسىنىڭ مالiمدەۋiنشە، وبلىستا اسا جۇقپالى اۋرۋلاردىڭ الدىن الۋ ءۇشiن 13 تۇرiنە ۆاكتسينا ەگiلگەن، 2 اۋرۋعا اللەرگيالىق تەكسەرۋلەر جۇرگiزiلۋدە. وبلىس بويىنشا «ۆەتەرينارلىق قىزمەت» مەملەكەتتiك كاسiپورىندارىندا 1585 مامان جۇمىس iستەيدi. 2013-2014 جىلدارى رەسپۋبليكالىق بيۋدجەتتەن قارجى ءبولiنiپ، ۆەتەرينارلىق ۇيىمدارعا قاجەتتi قۇرال-جابدىقتار مەن قىزمەتتiك كولiكتەر الىنعان. اتاپ ايتقاندا، بۇل سالا ءۇشiن 15 «سانگيونگ»، 172 «نيۆا»، 15 دۋك (ۋاز), اۋرۋ مالداردى تاسىمالداۋعا ارنالعان ءارi ارنايى جابدىقتالعان 21 «كاماز»، مال ولەكسەلەرiن ورتەيتiن پەشi بار 3 كولiك (جىلجىمالى) ساتىپ الىنىپ، اۋدان، قالا، اۋىل-ايماققا تاراتىلعان.

اباي-اقپارات