قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ساكەن جىلقايداروۆ جۇمىس ساپارىمەن تاۋ قالاسى تەكەلىدە بولدى. ول 2012-2020 جىل¬دارعا ارنالعان مونوقالالاردى دامىتۋ جونىندەگى مەم¬لەكەتتىك باعدارلاما اياسىندا قارقىن العان جۇمىس¬تار بارىسىن كوزىمەن كورىپ، كوڭىلىنە توقىپ قايت¬تى. تەكەلىنىڭ تىنىس-تىرشىلىگىمەن تانىسۋدى الدىمەن بالالار مەن جاسوسپىرىمدەردىڭ تۋريستىك جانە ولكەتانۋ ورتالىعىنان باستاعان حالىق قالاۋلىسى وسى ورتالىقتىڭ ديرەكتورى س. جاڭبىرباەۆتىڭ، مەكتەپ وقۋشىلارىنىڭ تۋعان ولكە تابيعاتى، تۋريزم سالاسى بويىنشا جەتىستىكتەرى تۋراسىندا ايتقان اڭگىمەلەرىنە قۇلاق ءتۇردى. ەلباسىنىڭ تىكەلەي تاپسىرماسىمەن قۇرىلىپ، ەلىمىز¬دەگى شاعىن جانە ورتا بيزنەستىڭ دامۋىن قامتاماسىز ەتۋ جولىندا قىرۋار جۇمىس تىندىرىپ جاتقان كاسىپكەرلەر پالاتاسىنىڭ تەكەلى قالالىق فيليالىنا دا ات باسىن بۇردى. ءماجىلىس دەپۋتاتى مۇندا كاسىپكەرلىككە بەيىمدەۋ، كەڭەس بەرۋ، بيزنەس-جوسپار جاساۋعا كومەكتەسۋ، بانكتەرمەن تىكەلەي اتقارىلاتىن جۇمىستارمەن تانىستى. مەملەكەت تاراپىنان ارنايى بولىنگەن قارجىنى ورىندى جۇمساۋ تىكەلەي كاسىپكەرلەر پالاتاسى قىزمەتكەرلەرىنىڭ باستى ماقساتى ەكەنىن قاداپ ايتتى.

كۇردەلى جوندەۋدەن ءوتىپ، قالا جاستارىنىڭ ەنشىسىنە بەرىلگەن جاستار رەسۋرستىق ورتالىعى عيماراتىنىڭ بولمە¬لەرىن ارالاپ كورگەن س. جىلقايداروۆ اتقارىل¬عان جۇمىسقا ريزاشىلىعىن ءبىلدىردى. الداعى ۋاقىتتا جۇمىستى بۇدان دا ۇتىمدى ۇيىمداستىرۋ جايىن-داعى ءوز ۇسىنىسىن دا ايتتى. جۇمىس ساپارىن «نۇر وتان» پارتياسىنىڭ قالالىق فيليالىندا قورىتىندىلاعان حالىق قالاۋلىسى نەگىزگى ءىس-شارالارمەن تانىسىپ، پارتيانىڭ قالالىق فيليالى توراعاسىنىڭ ءبىرىنشى ورىنباسارى گۇلنار يبرايى¬موۆامەن جۇمىس بارىسى جايلى پىكىرلەستى. سوڭىنان فيليالدىڭ قابىلداۋ بولىمىندە ساكەن جىلقايداروۆ قوعامدىق جانە جەكە ماسەلەلەر بويىنشا قالا تۇرعىندارىن قابىلدادى. شورا باتىرباەۆ. تەكەلى قالاسى.

Abai.kz