كوشى-قون زاڭناماسىن بۇزعان 13 وزبەكستاندىق ۇستالدى
سارىاعاش وتريادىنىڭ شەكارا ناريادى (وڭتۇستىك قازاقستان وبلىسى، قازاق-وزبەك شەكاراسى), كورشىلەس ەلگە وتپەك بولعان وزبەكستان رەسپۋبليكاسىنىڭ 13 ازاماتىن ۇستادى، دەپ حابارلايدى BNews.kz.
شەكارالىق تەكسەرۋ كەزىندە ۇستالعانداردىڭ بارلىعى ەلىمىزدە بولۋ، ءجۇرىپ-تۇرۋ ءتارتىبىن بۇزعاندىعى انىقتالدى.
«قر اكىمشىلىك-قۇقىقبۇزۋشىلىق كودەكسىنىڭ 517 بابىنا سايكەس وزبەكستان ازاماتتارى وڭتۇستىك قازاقستان وبلىسى سارىاعاش اۋداندىق سوتىنىڭ ۇكىمىمەن اكىمشىلىك جاۋاپكەرشىلىككە تارتىلدى»، - دەلىنگەن قر ۇقك شق ءباسپاسوز قىزمەتى تاراتقان مالىمەتتە.
اباي-اقپارات
