قازاقستان حالقىنىڭ سانى 17,5 ميلليونعا تاياپ قالدى. بۇل تۋرالى Tengrinews.kz  قر ۇەم ستاتيستيكا كوميتەتىنىڭ ءباسپاسوز قىزمەتىنە سىلتەمە جاساپ حابارلادى.

ءباسپاسوز قىزمەتىنىڭ مالىمەتىنشە، 1 ساۋىردەگى جاعداي بويىنشا، ەلىمىزدەگى حالىقتىڭ سانى 17 476,1 مىڭ ادامعا جەتتى، سونىڭ ىشىندە قالالىقتار - 9 916,6 مىڭ (56,7 پايىز), اۋىلدىقتار - 7 559,6 مىڭ ادام (43,3 پايىز). حالىق سانى 2014 جىلعى 1 ساۋىرمەن سالىستىرعاندا 255 مىڭ ادامعا نەمەسە 1,48 پايىزعا ءوستى.

احات ورگاندارىنىڭ مالىمەتىنە قاراعاندا، 2015 جىلعى قاڭتار-ناۋرىزدا تۋىلعاندار سانى - 92,1مىڭ ادام، ول 2014 جىلعى قاڭتار-ناۋرىزعا قاراعاندا 0,8 پايىزعا تومەن. ال بۇل كەزەڭدە قايتىس بولعاندار سانى - 33,3 مىڭ ادام، 2014 جىلى قاڭتار-ناۋرىز ايلارىندا كورسەتكىش ءدال وسىنداي بولعان.

سونىمەن قاتار، 2015 جىلى قاڭتار-ناۋرىزدا 30,3 مىڭ نەكە قيىلدى، ول وتكەن جىلعى كورسەتكىشتەن 4,1 پايىزعا تومەن. ال اجىراسقانداردىڭ قاتارى 12 مىڭعا جەتتى، ول وتكەن جىلعى كەزەڭمەن سالىستىرعاندا 3,4 پايىزعا جوعارى.

اباي-اقپارات