شىمكەنت قالاسىندا وقو كاسىپكەرلەر پالاتاسىنىڭ قولداۋىمەن قۇرىلعان فارماتسەۆتيكالىق كلاستەر مەكەمەلەرىنە ساپالى ماماندار دايىندايتىن ارنايى وقۋ ورتالىعى اشىلدى.
بۇگىنگى تاڭدا نارىقتا بىلىكتى مامانداردى تابۋ كاسىپورىنداردىڭ باستى ماسەلەلەردىڭ ءبىرى بولىپ تابىلادى. ەگەر ءبىر سالادا جۇمىس ىستەيتىن كاسىپورىندار سانى كوپ شوعىرلانعان ايماقتى ايتار بولساق، ساپالى ماماندارعا دەگەن باسەكەلەستىك ارتادى. 
«حيمفارم» اق («Santo» كومپانياسى) وڭتۇستىك قازاقستاننىڭ تاريحى تەرەڭ ءىرى كاسىپورىندارىنىڭ ءبىرى بولىپ تابىلادى. زاۋىتتا 1100 استام جۇمىسكەر قىزمەت ەتەدى. سوعان قاراماستان كاسىپورىندا ماماندار تاپشىلىعى سەزىلەدى. وسى ماسەلەنى شەشۋ ماقساتىندا زاۋىت جانىنان فارماتسەۆتيكالىق كلاستەرگە قاجەتتى مامانداردى دايىندايتىن وقۋ ورتالىعى اشىلدى. 
وقۋ ورتالىعىنىڭ اشىلۋ راسىمىنە وقو كاسىپكەرلەر پالاتاسىنىڭ، قر دەنساۋلىق ساقتاۋ مينيسترلىگىنىڭ دارىلىك زاتتار مەن مەديتسينالىق ماقساتتاعى بۇيىمداردى ساراپتاۋ ۇلتتىق ورتالىعىنىڭ، وبلىستىق مەملەكەتتىك فارمتسەۆتيكالىق اكادەميانىڭ رەكتورى، فارماتسەۆتيكالىق كاسىپورىندار باسشىلارى قاتىستى. ورتالىقتا ءبىلىم الۋشىلارعا زاماناۋي قۇرال جابدىقتار ورناتىلىپ، كىتاپحانا جانە دەمالۋ ورىنىمەن قامتىلعان. ستۋدەنتتەرگە جوعارى بىلىكتى ماماندار سونعى ۇلگىدەگى تەحنولوگيامەن ساباق بەرەدى. بارلىق وقۋ باعدارلامالارى كاسىپورىنداردىڭ ۇسىنىسىن ەسەكەرە وتىرىپ دايىندالعان. 
ارينە، كوپتەگەن كاسىپكەرلەر وقۋ ورنىن جاڭا بىتىرگەن تۇلەكتەردىڭ جۇمىسقا بىردەن كىرىسكەنىن قالايدى، الايدا كوپ جاعدايدا ستۋدەنتتەردىڭ دايىندىق دەڭگەيى كاسىپورىن تالابىنا سايكەس كەلمەيدى، - دەدى وقو كاسىپكەرلەر پالاتاسىنىڭ ديرەكتورى اسقار ابۋباكىروۆ. سوندىقتان وقۋ وردالارى مەن كاسىپورىندار اراسىنداعى بايلىنىستى نىعايتۋ كەرەك. ءوز كەزەگىندە كاسىپكەرلەر پالاتاسى ەكى تاراپتىڭ اراسىندا ۇيلەستىرۋشى ءرولىن اتقارادى. 
وقو كاسىپكەرلەر پالاتاسى وبلىس نارىعىنداعى مامان تاپشىلىعى تۋرالى اقپاراتتى جيناقتاعان بولاتىن. سول اقپاراتقا سۇيەنە وتىرىپ وبلىسىمىزدا تاپشى ماماندىقتاردى دايىنداۋعا مەملەكەتتىك تاپسىرىس ءبولىنىپ، دۋالدى وقىتۋ جۇيەسى ەنگىزىلگەن بولاتىن، - دەدى ا.ابۋباكىروۆ.  
اتالعان وندىرىستىك وقىتۋ ورتالىعى فارماتسەۆتيكالىق كومپانيالار مەن جوعارى وقۋ ورىندارى اراسىندا ساپالى مامانداردى بىرلەسە دايىنداۋدىڭ جۇيەلى جانە ءتيىمدى جولى بولىپ تابىلادى، - دەيدى  «Santo» كومپانياسىنىڭ باس ديرەكتورى يجي ۋربانەتس. كاسىپورىن بازاسىندا دايىندالعان ماماندار، كومانيامىزدىڭ بولاشاق ساپالى جۇمىسشىلارى بولىپ تابىلادى. ارينە، ساپالى مامانداردى دايىنداپ شىعارۋ جوعارى شىعىنداردى تالاپ ەتەدى، شەت ەلدەرگە ءىس ساپارلار، ول جاقتا تۇرۋ شىعىندارى، ءدارىس جۇرگىزەتىن مامان جالداۋ سياقتى ماسەلەلەر كوپ. وسى ماقساتتا زاۋىت جانىنان وقىتۋ ورتالىعىن اشۋ ەڭ ءتيىمدى ءارى ىڭعايلى شەشىم بولىپ تابىلادى، - دەدى ي.ۋربانەتس.  
ءىس-شارا بارىسىندا وقو كاسىپكەرلەر پالاتاسى، «حيمفارم» اق، قر دسم دارىلىك زاتتار مەن مەديتسينالىق ماقساتتاعى بۇيىمداردى ساراپتاۋ ۇلتتىق ورتالىعى جانە مەملەكەتتىك فارمتسەۆتيكالىق اكادەميا اراسىندا مەموراندۋمعا قول قويىلدى. مەموراندۋم ۇزدىكسىز كاسىبي ءبىلىم بەرۋ، دۋالدى وقىتۋ جۇيەسى، عىلىمي زەرتتەۋلەر جۇرگىزۋ جانە مامانداردى جۇمىسقا ورنالاستىرۋدى كوزدەيدى.

Abai.kz