ۋنيۆەرسيادانىڭ جالپى وپەراتسيالىق بيۋدجەتى 32 ميلليارد تەڭگەدەن، 17 ملرد تەڭگەگە قىسقاردى. بۇل تۋرالى الماتىدا ۋنيۆەرسياداعا دايىندىق اياسىندا وتكىزىلگەن وتاندىق تاۋار وندىرۋشىلەرمەن ىنتىماقتاستىق فورۋمىندا الماتى قالاسىنىڭ حالىقارالىق سپورتتىق جوبالار ديرەكتسياسىنىڭ ديرەكتورى اسەت ابدۋاليەۆ مالىمدەدى. ونىڭ ايتۋىنشا، باستاپقىدا ۋنيۆەرسيادانىڭ وپەراتسيالىق بيۋدجەتى 32 ملرد بولعان. قازىر ەكى ەسەگە جۋىق قىسقارعان.

«ۋنيۆەرسيادانى ۇيىمداستىرۋعا جاۋاپتى ديرەكتسيانىڭ ماقساتى ۋنيۆەرسيادانى جوعارى دەڭگەيدە وتكىزىپ، بيۋدجەتتى بارىنشا ۇنەمدەۋ، ءىرى دەمەۋشىلەر مەن حالىقارالىق تۋريستەردى تارتۋ، ليتسەنزيالىق ونىمدەر مەن بيلەتتەردى ساتۋ نەگىزگى مىندەتتەرىمىز. جاقىندا ەلباسى مەملەكەت قاراجاتىن بارىنشا ۇنەمدەۋ كەرەكتىگى تۋرالى ايقىن مىندەتتەر قويعان بولاتىن. ءبىز سول تاپسىرمانى ورىنداۋدامىز. سول سەبەپتى ترانسپورتقا، تەستىلىك شارالارعا، ەستافەتا الاۋىنا كەتەتىن شىعىنداردى وڭتايلاندىردىق. ماسەلەن، جارىستىڭ اشىلۋ جانە جابىلۋ سالتاناتتارىنا كەتەتىن شىعىن 1,2 ملرد تەڭگەگە قىسقاردى. ترانسپورتتىق شىعىندار 1 ملرد تەڭگەگە، PR مەن ماركەتينگتىڭ قاراجاتى 1,5 ملرد تەڭگەگە ازايدى. ەستافەتا الاۋى 500 ملن.تەڭگەگە، تەستىلىك جارىستاردىڭ بيۋدجەتى 500 ملنعا قىسقاردى. حافپايپ ديستسيپليناسىن بيگەير مەن شاڭعى اكروباتيكاسىنا الماستىرۋ ارقىلى  2 ملرد تەڭگە ۇنەمدەدىك. جالپى ايتقاندا، وپەراتسيالىق بيۋدجەت 17 ملرد تەڭگەنى قۇرادى.»،-دەدى اسەت ابدۋاليەۆ.

ايتا كەتۋ كەرەك، الماتىداعى ۋنيۆەرسيادا وزگە ەلدە وتكەن جارىستارعا قاراعاندا شىعىنى از دودا بولماق. ماسەلەن، 2011 جىلى تۇركيانىڭ ەرزۋرم قالاسىندا وتكەن ويىندارعا 83 ملن ەۋرو جۇمسالسا، 2009 جىلى حاربيندە -105 ملن ەۋرو، 2013 جىلى قازاندا وتكەن جازعى ۋنيۆەرسيادانىڭ شىعىنى 500 ملن ەۋرونى قۇراعان.

الماتىداعى قىسقى ۋنيۆەرسيادا 2017 جىلدىڭ 29 قاڭتارى مەن 8 اقپاندا وتەدى. اتالعان جارىس ەلىمىزدى تاريحىندا وتەتىن ەڭ ءىرى سپورتتىق جارىس بولماق.

ۋنيۆەرسيادا-2017 دايىندىعىنا قاتىسۋ ءۇشىن  قازاقستاندىق كومپانيالار ءوز ۇلەسىن ارتتىرماق 

سونىمەن قاتار، ۋنيۆەرسيادانىڭ 17 ميللياردتىق وپەراتسيالىق بيۋدجەتىنىڭ 50 پايىزىن وتاندىق ءونىم وندىرۋشىلەردىڭ تاۋارلارى، جۇمىسى مەن قىزمەتى قۇرايدى. 

«جۋىردا ۇكىمەتتىڭ كەڭەيتىلگەن وتىرىسىندا مەملەكەت باسشىسى ن.ءا. نازارباەۆ بارلىق قازاقستاندىقتاردى «قازاقستاندا جاسالعان» اتتى اكتسيانى جۇزەگە اسىرۋدا وتاندىق ونىمدەرگە قولداۋ بىلدىرۋگە شاقىرعان بولاتىن. تۇسىندىرە كەتكىم كەلەدى، ۋنيۆەرسيادا بيۋدجەتىنىڭ ماڭىزدى ءبىر بولىگى  IT-قامتۋ مەن حالىقارالىق ترانسلياتسيالارعا جۇمسالادى. بۇل قىزمەت تۇرلەرىن ءىرى شەتەلدىك كومپانيالار ۇسىنادى-دەدى، اسەت ابدۋاليەۆ.

ايتا كەتۋ كەرەك، قازاقستاندىق قاتىسۋدىڭ ۇلەسى ۋنيۆەرسيادادا 53 پايىزدى قۇرايدى. ال شەتەلدىك كومپانيالاردىكى- 47 پايىز. بۇدان بۇرىنىراق، ۋنيۆەرسيادا-2017 بيۋدجەتى 32 ملرد تەڭگەدەن 17 ملرد تەڭگەگە قىسقارعانى حابارلانعان. 

ەستەرىڭىزگە سالا كەتەيىك، جۋىردا الماتىدا قىسقى ۋنيۆەرسياداعا دايىندىق اياسىندا وتاندىق ءونىم شىعارۋشىلارمەن ىنتىماقتاستىق فورۋمى وتكەن بولاتىن. قورىتىندىسىندا قازاقستاندىق ءونىم شىعارۋشىلارمەن 20 ملرد تەڭگەگە مەموراندۋم بەكتىلىگەن بولاتىن. 

الماتىدا وتەتىن قىسقى ۋنيۆەرسيادا باعدارلاماسىنا سپورتتىڭ 13 ءتۇرى كىردى

الماتىدا وتەتىن ۋنيۆەرسيادا ويىندارىنىڭ باعدارلاماسىنا كىرەتىن سپورت تۇرلەرى بەكىتىلدى.

اسەت ابۋاليەۆتىڭ ايتۋىنشا، ۋنيۆەرسيادانىڭ سپورتتىق ديستسيپلينالارى مەن سپورتتىق نىساندارى تولىق بەكىتىلدى. 

«وسى ۋاقىتقا دەيىن سنوۋبوردتىڭ حالف-پايپ ديستسيپليناسىنىڭ ماسەلەسى شەشىلمەگەن ەدى.  سنوۋبوردتىڭ اتالعان ءتۇرىن وتكىزۋ ءۇشىن 2 ملرد تەڭگەگە جەر قازۋ جۇمىستارىن جۇرگىزۋدى تالاپ ەتكەن. بىراق ءبىز بۇل ديستسيپلينانى قالانىڭ ورتالىعىندا ۋاقىتشا كونسترۋكتسيالاردا وتەتىن  بيگ-ەير مەن شاڭعى اكروباتيكاسىنا اۋىستىردىق. ونى ۇيىمداستىرۋعا 2 ملرد شىعىننىڭ ورنىنا 50 ملن تەڭگە كەتەدى،- دەدى اسەت ابدۋاليەۆ.

ۋنيۆەرسيادا باعدارلاماسىنا شاڭعى سايىسى، بياتلون، شورت-ترەك، مانەرلەپ سىرعاناۋ، كونكيمەن جۇگىرۋ سپورتى، سنوۋبورد، فريستايل، شايبالى حوككەي، ترامپليننەن سەكىرۋ، شاڭعى قوسسايىسى، بەندي، تاۋشاڭعى سپورتى مەن كەرلينگ كىرەدى.  ۋنيۆەرسيادانىڭ تاريحىندا ءبىرىنشى رەت سنوۋبوردتىڭ بيگەير ءتۇرى مەن شاڭعى اكروباتيكاسى اشىق اسپان استىندا وتپەك. بۇل جارىستاردى وتكىزۋ ءۇشىن الماتىنىڭ ورتالىعىنان ۋاقىتشا سپورت عيماراتى بوي كوتەرەدى.

قالعان سپورت تۇرلەرى 8 نىساندا وتەدى. ونىڭ ۇشەۋىنىڭ قۇرىلىسى قازىرگى ۋاقىتتا جۇرگىزىلۋدە. ولار 12 مىڭدىق مۇز سارايى، 3000 مىڭ ادامدىق مۇز ارەناسى جانە 5000 ادامعا ارنالعان اتلەتيكالىق اۋىل سالىنۋدا.

الماتىداعى قىسقى ۋنيۆەرسيادا 2017 جىلدىڭ 29 قاڭتارى مەن 8 اقپاندا وتەدى. اتالعان دودا ەلىمىزدى تاريحىندا وتەتىن ەڭ ءىرى سپورتتىق شارا بولماق. وعان 2000 سپورتشى، 1000 تەحنيكالىق دەلەگات پەن تورەشىلەر توبى قاتىسادى. جانە جارىستى تاماشالاۋعا 30000 تۋريست كەلەدى دەپ جوسپارلانعان.

ەستەرىڭىزگە سالا كەتەيىك، جۋىردا الماتىدا قىسقى ۋنيۆەرسياداعا دايىندىق اياسىندا وتاندىق ءونىم شىعارۋشىلارمەن ىنتىماقتاستىق فورۋمى وتكەن بولاتىن. قورىتىندىسىندا قازاقستاندىق ءونىم شىعارۋشىلارمەن 20 ملرد تەڭگەگە مەموراندۋم بەكىتىلىگەن بولاتىن. 

2017 جىلعى الماتىدا وتەتىن ۋنيۆەرسيادانى الەم بويىنشا 1 ملرد حالىق تاماشالايدى

«2017 جىلى الماتىدا وتەتىن قىسقى ۋنيۆەرسيادا ويىندارىن 80 ەلدەن 1 ميلليارد حالىق تاماشالايدى». الماتى قالاسىنىڭ حالىقارالىق سپورتتىق جوبالار ديرەكتسياسىنىڭ ديرەكتورى اسەت ابدۋاليەۆتىڭ cوزىنشە، ۋنيۆەرسيادا سياقتى ءىرى دودانىڭ تەلەاۋديتورياسى ۇنەمى اۋقىمدى بولعان. «الماتىداعى ستۋدەنتتەردىڭ قىسقى ۋنيۆەرسياداسى الەم جۇرتشىلىعى تاعاتسىزدانا كۇتىپ وتىرعان سپورت شارالارىنىڭ ءبىرى. سوندىقتان الەمگە تانىمال تەلەارنالار جارىستان تىكەلەي ترانسلياتسيالار جاساپ، 80 ەلگە تاراتپاق. ءبىزدىڭ ەسەبىمىزشە الەمنىڭ 1 ميلليارد حالقى الماتىداعى دودانى تاماشالايدى»،-دەدى اسەت ابدۋاليەۆ.

الماتىداعى قىسقى ۋنيۆەرسيادا 2017 جىلدىڭ 29 قاڭتارى مەن 8 اقپاندا وتەدى. اتالعان دودا ەلىمىزدى تاريحىندا وتەتىن ەڭ ءىرى سپورتتىق شارا بولماق. وعان 2000 سپورتشى، 1000 تەحنيكالىق دەلەگات پەن تورەشىلەر توبى قاتىسادى. جانە جارىستى تاماشالاۋعا 30000 تۋريست كەلەدى دەپ جوسپارلانعان.

ەستەرىڭىزگە سالا كەتەيىك، جۋىردا الماتىدا قىسقى ۋنيۆەرسياداعا دايىندىق اياسىندا وتاندىق ءونىم شىعارۋشىلارمەن ىنتىماقتاستىق فورۋمى وتكەن بولاتىن. قورىتىندىسىندا قازاقستاندىق ءونىم شىعارۋشىلارمەن 20 ملرد تەڭگەگە مەموراندۋم بەكىتىلىگەن بولاتىن. 

اتلەتيكالىق قالاشىق ۋنيۆەرسيادادان سوڭ، ستۋدەنتتەردىڭ جاتاقحاناسى اينالادى

Cونداي-اق، ۋنيۆەرسيادا ويىندارى اياقتالعاننان سوڭ، اتلەتيكالىق اۋىل، ستۋدەنتتەردىڭ جاتاقحاناسى مەن پەداگوگتارگە تۇرعىن ءۇي رەتىندە كەپىلدىككە بەرىلمەك.

اتلەتيكالىق قالاشىقتا دامىعان الەۋمەتتىك ينفراقۇرىلىم (كافە، مەيرامحانا، بانك بولىمشەلەرى) كەڭەيتىلگەن جول تورابى بولادى،-دەدى اسەت ابۋاليەۆ.

سونداي-اق بارلىق نىساندار بۇقارالىق سپورتتى دامىتۋ ءۇشىن ۋنيۆەرسيادادان كەيىن ەل يگىلىگىنە بەرىلەدى.  «ۋنيۆەرسيادا نىساندارىن باسقاراتىن ديرەكتسيا قۇرىلدى. ولار مامانداردىڭ (ينجەنەرلىك-سەرۆيستىك توپتار، ماركەتينگ، بروكەريدجدەردىڭ) جۇمىستارىنا تەرەڭ ءۇڭىلۋىن قامتاماسىز ەتەدى. وسى ورايدا، بىزدەر  كەشەندەردى بولاشاقتا بارىنشا ءتيىمدى باسقارۋعا ءۇمىت ارتا الامىز. ەڭ ۇلكەن مىندەت بروكەريدجدى ورىنداۋعا (ارەنداتورلاردى ىزدەۋ) بولىپ تابىلادى.  10 مىڭ ستۋدەنت پەن پەداگوگتاردى قامتيتىن نارىق بار. جالپى ايتقاندا الاتاۋ اۋدانى- قالامىزدىڭ ءوسىپ-وركەندەۋىنىڭ جاڭا نۇكتەسى. جاڭارتىلعان ينفراقۇرىلىم الاتاۋ اۋدانىنىڭ دامۋىنا كەڭ سەرپىلىس بەرەدى،- دەدى اسەت ابدۋاليەۆ. 

الماتىداعى قىسقى ۋنيۆەرسيادا 2017 جىلدىڭ 29 قاڭتارى مەن 8 اقپاندا وتەدى. اتالعان دودا ەلىمىزدى تاريحىندا وتەتىن ەڭ ءىرى سپورتتىق شارا بولماق. وعان 2000 سپورتشى، 1000 تەحنيكالىق دەلەگات پەن تورەشىلەر توبى قاتىسادى. جانە جارىستى تاماشالاۋعا 30000 تۋريست كەلەدى دەپ جوسپارلانعان.

ەستەرىڭىزگە سالا كەتەيىك، جۋىردا الماتىدا قىسقى ۋنيۆەرسياداعا دايىندىق اياسىندا وتاندىق ءونىم شىعارۋشىلارمەن ىنتىماقتاستىق فورۋمى وتكەن بولاتىن. قورىتىندىسىندا قازاقستاندىق ءونىم شىعارۋشىلارمەن 20 ملرد تەڭگەگە مەموراندۋم بەكىتىلىگەن بولاتىن. 

Abai.kz