بəلكىم قاۋەسەت، بəلكىم شىندىق. كىم بىلگەن… ءبىز دە بىلمەيمىز. بىراق سوڭعى كەزدەرى جوعارى جاقتا «راحات Əليەۆ ولگەن جوق. ول – ءتىرى» دەگەن əڭگىمەلەر ايتىلىپ ءجۇر دەيدى جəنە كۇن وتكەن سايىن كۇش الىپ بارا جاتقانعا ۇقسايدى-مىس. بىراق، بۇعان قانداي نەگىز بار؟
ونىڭ ولىمىنە قاتىستى شەتەلدىك بەلدى باسىلىمنىڭ ءبىرى بۇدان بۇرىن: «ەگەردە بۇل شىن بولسا، راحات Əليەۆتى تۋعان جەرى – قازاقستاندا جەرلەيدى، ال وتىرىك بولسا، ونىڭ دەنەسى اۆستريادا قالادى» دەپ جازعان ەدى.
بىلەتىن بولساڭىزدار Əليەۆ ۆەناداعى قۇرمەتتى ازاماتتارعا ارنالعان ەسكى حريستيان زيراتىندا جەر قوينىنا تاپسىرىلعان-تۇعىن…
قايتالاپ ايتايىق، ءبىز ونىڭ ءولى-ءتىرىسىن بىلمەيمىز. ونى «تىرى»دەپ تۇجىرىمداپ وتىرعانىمىز جوق. بىلەرىمىز «بيلىكتە، جوعارى جاقتا دəل وسىنداي əڭگىمەلەر ايتىلۋدا» دەيدى گازەتىمىزگە اتى-ءجونىن ايتپاۋدى وتىنگەن انونيم.
بۇدان بۇرىن عالامتوردا (ونىڭ ىشىندە Yوutube ۆيدەوحوستينگىندە. – اۆت.) «راحات اليەۆ ءتىرى مە؟» دەگەن ۆيدەو جاريالانعان بولاتىن. ونى كىمنىڭ جانە قانداي ماقساتپەن دايىنداعانى بەلگىسىز. ايتەۋىر استارى بەلگىلى. اليەۆ ءتىرى دەگەندى ايتقىسى كەلگەندەي. وسى ۆيدەودا راحاتقا قاتىستى پىكىر بىلدىرگەن اۆستريالىق ساياساتتانۋشى ميكاەل لاۋبشتىڭ ايتۋىنشا، Əليەۆ اتالعان جەردەگى قابىردى كوزى تىرىسىندە ساتىپ الىپ قويعان.
باتىستاعى اقپارات قۇرالدارى مۇنىڭ بəرىنە سەنبەستىكپەن قارايدى.
«Əليەۆ كوزى تىرىسىندە بۇل ورىندى شىنىمەن دە ساتىپ العان شىعار، بىراق قابىردەگى بەلگىتاسقا قۇران ەمەس، لاتىن تىلىندەگى سوزدەردىڭ جازىلۋى قىزىق… كۇمəندى. جالپى ونىڭ ولىمىنە قاتىستى باسى اشىلماعان تۇماندى دۇنيەلەر جەتىپ ارتىلادى» دەيدى باتىس باسىلىمدارى.
– بۇل اراعا كەلەتىندەر جəنە راحات Əليەۆتىڭ باستان كەشكەنىن شەت جاعالاي بولسا دا بىلەتىندەر ونىڭ جاتقان جەرىن كورگەندە مىرس ەتىپ كۇلۋى مۇمكىن. ولار ءۇشىن مۇنىڭ ءبəرى əنشەيىن كيتچ (حالتۋرا). مەنىڭشە، مۇنىڭ ءبəرىن ەۋروپاعا كورسەتۋ ءۇشىن ەمەس، ەڭ الدىمەن قازاقستان ءۇشىن جاساعان سياقتى، ياعني، قازاقستان تۇرعىندارىنىڭ كوزىن جەتكىزۋ، سەندىرۋ ءۇشىن، – دەپتى لاۋبشتىڭ ءوزى.
رەسمي تۇردە ول – ولگەن، ونىڭ نەدەن ولگەنى، قالاي ولگەنى بايان ەتىلگەن جəنە ءبىزدىڭ بۇعان باسقا الىپ قوسارىمىز جوق.
بىزگە قىزىقتىسى: «بيلىكتىڭ ءوز ىشىندە وسىنداي əڭگىمەلەردىڭ ايتىلىپ جۇرگەنى شىنىمەن دە راس بولسا، مۇنىڭ ءبəرىن ەلگە تاراتۋ كىمگە ءتيىمدى جəنە بۇعان كىم مۇددەلى؟».
راحات اليەۆتىڭ اكەسىنە جازعان حاتىندا قانداي سىر بار؟
راحاتتىڭ اكەسى مۇحتار اليەۆكە جازعان حاتىنا اركىم ءارتۇرلى باعا بەرەدى. بۇل حاتتى راحات ولەرىنەن ءبىر كۇن بۇرىن جازعان. بىرەۋلەر «حاتقا قاراساق، ونىڭ ءوز-وزىنە قول جۇمساعانى كۇماندى. بۇل حات الدىنا ماقسات قويعان ادامنىڭ حاتىنا كوبىرەك ۇقسايدى» دەگەن بولاتىن.
بۇعان دا بارا بەرە المايمىز. بىراق، بالاسىنىڭ اكەسىنە جازعان حاتىن تاعى دا ءبىر قايتالاپ بەرگەندى ءجون كوردىك.
راحات اليەۆتىڭ ولەرىنەن ءبىر كۇن بۇرىن اكەسىنە جازعان حاتى
– اكە، سەن قايتتى دەگەن حابار مەنىڭ قابىرعامدى قايىستىردى. مۇندا، ۆەنانىڭ تەرگەۋ يزولياتورىنا حابار كەش جەتەدى. ءازىر سىزگە ارناپ ءبىر اۋىز ءسوز ايتۋ ماعان اۋىر. سەبەبى، ەكەۋمىزدىڭ ارامىزدا كوپ نارسە ايتىلماي، جاسىرىن قالدى.
سەن ماعان ارقاشان ۇلگى بولاتىن ەدىڭ. سەنىڭ ءىزىڭدى قۋىپ، مەن دە سەن سەكىلدى مەديتسينا سالاسىندا ءبىلىم الدىم. دارىگەر-حيرۋرگ بولدىم. اكە، سەن قىزىلوردانىڭ قۇمدى بورانىندا، جوقشىلىقتا، ءومىردىڭ تاۋقىمەتىن تارتىپ ءوستىڭ. بىراق، سوعان قاراماي، مەديتسينانىڭ ۇلكەن شىڭىنا جەتتىڭ. بۇل، بىرىنشىدەن، سەنىڭ قايتپاس قاجىرلىعىڭنىڭ ارقاسى ەدى. سونان سوڭ، قر مەديتسيناسىن ءوز قولىڭا الدىڭ، باسقاردىڭ. ماعان ءبىر جاعىنان قيىن، ەكىنشى جاعىنان وڭاي بولدى. سەنىڭ تانىمالدىلىعىڭنىڭ ارقاسىندا مەن دە بيلىككە كەلدىم.
سەن «كومەككە مۇقتاج پاتسيەنتكە قولىڭنان كەلگەنشە كومەك بەرۋ – مەنىڭ پارىزىم» دەۋشى ەدىڭ. مۇقتاجدارعا بولىسۋ، كومەك بەرۋ – سەنىڭ ەل سۇيگەن قاسيەتتەرىڭنىڭ ءبىرى ەدى. ءبىز وتباسىمىزدا، وسى سەنىڭ كەڭ جۇرەگىڭ قانشاعا جەتەر ەكەن دەپ الاڭداۋشى ەدىك. بىراق، بۇل سەنىڭ تاڭداۋىڭ ەكەنىن مەن جاقسى ءتۇسىندىم. سەن مەديتسيناداعى اليەۆتەردىڭ ديناستياسىن قۇردىڭ. سەنىڭ شاكىرتتەرىڭ قازاقستاننىڭ شارتارابىندا، ولار ەندى وزدەرى دوكتور، كانديدات جانە مىقتى حيرۋرگتەر تاربيەلەۋدە.
مەن ۇقق باسقارۋعا تاعايىنداعان كەزدە سەنىڭ رەاكتسياڭدى ءالى ۇمىتقان جوقپىن.
سەن: «قولىڭدى بىلعاما!» دەپ ەدىڭ. سونداي-اق، «ۇقق، ۇقق – بۇل وتە لاس ساياسات»دەۋشى ەدىڭ. سوندا سەن: «سەن ەش نارسەنى وزگەرتە المايسىڭ. ۇقق – بۇل مەملەكەتتىك بيلىككە پاراللەلدى-بيلىك جانە ول ارقاشان لاس نارسەلەرمەن اينالىسادى» دەپ ەدىڭ.
مەن ۇقق-دا ىستەگەنىمنىڭ ءبىر عانا قايىرى بولسا، ول ۇقق ارحيۆىنەن اتام تۋرالى دەرەكتەردى تاپقانىم بولدى. ءتىپتى، ارحيۆتەردىڭ اراسىندا اتامنىڭ سۋرەتى دە بولعان ەدى.
1985-1987 جج. ونىڭ باسىنا كۇن تۋعان كەزدە ونىڭ جانىندا ەشكىم قالماعان ەدى. سوندا، سەن، ۆلاديمەر ني جانە سىزدىق ابىشەۆ قانا بولعان ەدىڭدەر. سوندا سەن ءوز ەركىڭمەن مينيسترلىك ورىندى بوساتىپ، وتستاۆكاعا كەتتىڭ. سەنىڭ بۇل ورىندى بوساتۋىڭنىڭ باستى سەبەبى، ونى تىعىرىقتان شىعارۋ ەدى. ساعان بيلىك، مانساپ ەشقاشان قىزىق ەمەس ەدى. سەن «دارىگەر رەتىندە مەن حالىققا كەرەكپىن» دەدىڭ.
ءبىزدىڭ وتباسىمىزعا كوڭىل ايتقان حاتىندا ەكى ءتۇرلى وي بىلدىرگەن. وعان راحمەت. ەڭ قۇرىعاندا مەنىڭ بالالارىم، سەنىڭ نەمەرەلەرىڭە سەنىڭ جەرلەۋ راسىمىڭە قاتىسۋعا رۇقسات بەردى.
ول بۇل دۇنيەدە ەشكىمنىڭ ماڭگى ەمەس ەكەنىن تۇسىنسە كەرەك.
ماعان (سەنىڭ جالعىز ۇلىڭا) قازىر وتە قيىن. سەنىڭ الدىڭداعى پەرزەنتتىك پارىزىمدى وتەي الماعانىما قينالام. بىراق، بۇل ۋاقىت كەلەتىنىنە مەن سەنەم.
راحات مۇحتارۇلى اليەۆ
P.S. مەن بارلىق تۋعان-تۋىس، دوس، باۋىرلار مەن جاقىندارىما راحمەت ايتام. سونىمەن قاتار، اكەمنىڭ جەرلەۋ راسىمىنە قاتىسقان بارلىق تانىستارى مەن شاكىرتتەرىنە ريزاشىلىعىمدى بىلدىرگىم كەلەدى. اكەم تۋرالى ەستەلىكتەر سىزدەردىڭ كوڭىلدەرىڭىزدەن سۋىمايىنشا، اكەم ماڭگى جاسايتىن بولادى.
دايىنداعان, دۋمان بىقاي
