كوممۋنالدىق سالاعا قاتىستى تاعى ءبىر جاعىمدى جاڭالىق. شىمكەنتتە رەسپۋبليكادا تەڭدەسى جوق قازاندىق ىسكە قوسىلماق. قۇنى 3 ميلليارد تەنگەدەن اساتىن جىلۋ تاراتاتىن بۇل قوندىرعى بولاشاقتا شىمكەنت حالقىنىڭ 85 پايىزىن قىستىگۇنى جىلۋمەن قامتاماسىز ەتپەك. قۇرىلىسى وسىدان ءبىر جىل بۇرىن باستالعان نىسان جۋىق ارادا شىمكەنتتىكتەر ءۇشىن كادەگە جاراماق – دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.

كوممۋنالدىق سالاعا قاتىستى تاعى ءبىر جاعىمدى جاڭالىق. شىمكەنتتە رەسپۋبليكادا تەڭدەسى جوق قازاندىق ىسكە قوسىلماق. قۇنى 3 ميلليارد تەنگەدەن اساتىن جىلۋ تاراتاتىن بۇل قوندىرعى بولاشاقتا شىمكەنت حالقىنىڭ 85 پايىزىن قىستىگۇنى جىلۋمەن قامتاماسىز ەتپەك. قۇرىلىسى وسىدان ءبىر جىل بۇرىن باستالعان نىسان جۋىق ارادا شىمكەنتتىكتەر ءۇشىن كادەگە جاراماق. 
بۇل الىپ قازاندىق الداعى ماۋسىمدا جاڭا اكىمشىلىك ىسكەرلىك ورتالىعىن جىلۋمەن، جىلدىڭ ءتورت مەزگىلىندە ىستىق سۋمەن دە قامتاماسىز ەتە الادى. گەرمانيالىق قوندىرعىلاردىڭ قۇنى قىمبات بولعانىمەن، №3 ەنەرگوورتالىقتىڭ قىزمەتىن تولىقتاي اتقاراتىن مۇمكىندىگى بار. 
بەيسەنبەك جانبوسىنوۆ, شىمكەنت قالاسى اكىمىنىڭ ورىنباسارى:
- بۇل شىمكەنت قالاسى ءۇشىن تاريحي ءجايت دەپ ايتۋعا بولادى. 162 گكال قازاندىق 1.5 ميلليون كۆادرات شارشى مەتر اۋماقتى جىلۋمەن تولىق قامتاماسىز ەتۋگە قاۋقارلى. قۋاتتىلىعى، جاڭا قۇرىلعىنىڭ ەسكى جىلۋ قازاندىقتارىنا قاراعاندا جىلۋ تاراتۋ كۇشى 10 ەسەگە كوپ. قازىرگى تاڭدا «قولجەتىمدى تۇرعىن ءۇي – 2020» باعدارلاماسى اياسىندا پايدالانۋعا بەرىلگەن 15 تۇرعىن ءۇيدى جىلۋعا قوسۋدا. 
ماماندار الدامەن قازاندىقتاعى 5 جىلىتقىشتىڭ تەك ەكەۋىن عانا ىسكە قوسپاق. ولار شىمكەنت قالاسىنىڭ شىعىس بولىگىن تولىعىمەن جىلۋمەن ساپالى تۇردە قامتيمىز دەپ وتىر. ال قالعان جىلىتقىشتار قاجەتىلىككە قاراي ىسكە قوسىلادى.
بولاشاقتا شىمكەنت قالاسىندا ءدال وسىنداي تاعى ءبىر قازاندىق سالىنسا، قالا تۇرعىندارى دا، الەۋمەتتىك نىساندار دا جەكەنىڭ قولىنداعى №3 ەنەرگوورتالىق سياقتى جەكە مەكەمەگە تاۋەلدى بولمايدى. 

Abai.kz