قالا اكىمدىگىندە "شىمكەنت قالاسىنىڭ 2020 جىلدارعا ارنالعان دامۋ تۇجىرىمداماسى" تالقىلاندى، - دەپ حابارلايدى اباي پورتالى شىمكەنت قالاسى اكىمى اپپاراتىنىڭ ءباسپاسوز قىزمەتىنە سىلتەمە جاساپ.

قالا اكىمدىگىنىڭ ءماجىلىس زالىندا «شىمكەنت قالاسىنىڭ 2020 جىلدارعا ارنالعان دامۋ تۇجىرىمداماسىن» تالقىعا سالعان كەڭەيتىلگەن جيىن ءوتتى. وندا، الدىمەن قالا اكىمىنىڭ ورىنباسارى گ. قۇرمانبەكوۆا جۇمىسپەن قامتۋ جانە مەديتسينا سالاسى بويىنشا الداعى 5 جىل ۋاقىت مەرزىمىندە اتقارىلاتىن شارالاردىڭ جوسپارىمەن تانىستىرىپ ءوتتى. 

سونداي-اق، جيىندا قالا اكىمىنىڭ ورىنباسارى ق. نۇرتاي ءبىلىم، مادەنيەت، سپورت سالاسىندا كەزىگىپ وتىرعان تۇيتكىلدى ماسەلەلەرگە توقتالا وتىرىپ، الداعى 5 جىلدىقتا اتقارىلاتىن ناقتى شەشىمدەرگە توقتالىپ ءوتتى. اتاپ ايتساق، بايانداماشى مەكتەپىشىلىك ەلەكتروندى باقىلاۋ ورناتۋ، مەكتەپ ديرەكتورىنا ۇمىتكەرلەردى اشىق تۇردە تاعايىنداۋ ماسەلەسىنە دە ءجىتى نازار اۋداردى.ايتا كەتەيىك، بۇگىنگى تاڭدا شاھارىمىزدا ءۇش اۋىسىمدى 9 مەكتەپ بار. بۇل ورايدا، جىل سايىن  بالا ءوسىمى 8 مىڭعا دەيىن ءوسىپ وتىرعانىن ەسكەرسەك، بۇل ماسەلە كۇن تارتىبىندە تۇرعان وزەكتى دۇنيە بولىپ تۇر. سونىمەن قاتار، قالا اۋماعىندا بۇگىندە 65 737 ءبۇلدىرشىن بالاباقشا كەزەگىندە تۇر. وسى ورايدا، بايانداماشى 2016-2018 جىلدارى ارالىعىندا 12 مەكتەپتى قايتا قۇرۋ، 11 جاڭا مەكتەپ، 7 بالاباقشا عيماراتى قۇرىلىسىن جۇرگىزۋ  جوسپارلانىپ وتىرعاندىعىن ايتتى.    
شاھارىمىزدىڭ الداعى 5 جىلدىق دامۋ تۇجىرىمداماسىنداعى باسىم باعىتتار ءسوز بولعان جيىندا قالا مادەنيەتىن قالىپتاستىرۋ ءۇشىن اتقارىلىپ جاتقان اۋقىمدى جوبالارى تانىستىرىلدى. «شىمكەنتتىڭ ەلدەگى ءۇشىنشى شاھارعا اينالۋى ءۇشىن نە ىستەۋ كەرەك؟» دەگەن سۇراق توڭىرەگىندە اكىمشىلىك قۇرىلىمدارىنا سۇراق قويعان جۇرتشىلىق ءوز كوكەيىندە جۇرگەن ساۋالدارىنا تۇشىمدى جاۋاپ الدى.

 شىمكەنت قالاسى اكىمى اپپاراتىنىڭ ءباسپاسوز قىزمەتى

Abai.kz