"سامۇرىق-قازىنا" ۇلتتىق ءال-اۋقات قورىنىڭ توراعاسى ومىرزاق شوكەەۆ نازارباەۆتان وزىنە ودان دا جوعارى بيلىك بەرۋىن سۇرادى، — دەپ حابارلايدى Tengrinews.kzء تىلشىسى.

ۇكىمەتتىڭ اقورداداعى كەڭەيتىلگەن وتىرىسى بارىسىندا شوكەەۆ قوردى وزگەرتەتىندىگى جونىندە ويى  بار  ەكەندىگىن، ول ء ۇشىن ءتارتىپتىڭ قاجەت ەكەنىن ايتتى. «وزگەرتۋلەر شۇعىل ءارى پارمەندى تۇردە ورىندالۋ ءۇشىن ءتارتىپ كەرەك»، — دەدى قوردىڭ باسشىسى.

«ول ءتارتىپتى كىم ورناتادى؟»، — دەپ سۇرادى نازارباەۆ.  

«سەنى تىڭداماي ما؟»، — دەپ ءسوزىن جالعادى پرەزيدەنت. «تىڭدامايدى دەگەندە، مىسالى، مەن وكىلدىكتەر بويىنشا (شەتەلدەگى «سامۇرىق-قازىنا» — Tengrinews.kz.) ءبىر جىل بۇرىن باسقارما شەشىمىن شىعاردىم، بىراق ءتۇرلى سەبەپتەرمەن ول وكىلدىكتەر ءالى جابىلعان جوق»، — دەدى شوكەەۆ.

«سەن جاسسىڭ، ءبىلىمدىسىڭ، كۇشىڭ تاسىپ تۇر، ساعان وكىلەتتىلىك بەرىلدى، قىزمەتىڭ بار، سەن "مەنى تىڭدامايدى" دەپ شاعىمدانباقشىسىڭ با؟ سەنىڭ اۋزىڭنان بۇل ءسوزدى ەستۋدىڭ ءوزى ىڭعايسىز ەكەن. كىم تىڭدامايدى، ال ايت؟ «سامۇرىق-قازىنادا» ومىرزاقتى كىم تىڭدامايدى؟»، — دەپ سۇرادى مەملەكەت باسشىسى. «ول جەردە مۇددە جەتەرلىك، ماعان ءسىزدىڭ ءبىر اۋىز ءسوزىڭىز كەرەك بولدى»، — دەپ جاۋاپ بەردى شوكەەۆ.

P.S. كىم نە دەسە دە بۇل ارادا ومىرزاق شوكەەۆ ءسوزىنىڭ جانى بار. راسىندا، "سامۇرىق-قازىنا" ءال-اۋقات قورى دەگەنىڭىز - مەملەكەت ىشىندەگى مەملەكەت سياقتى توتەنشە قۇرىلىم. قازاق بۇندايدى ء"ۇي ىشىنەن ءۇي تىككەن", - دەيدى. سول ء"ۇي ىشىنەن تىگىلگەن ۇيدە" اناۋ-مىناۋلاردى تىڭداي بەرمەيتىن "ۇلكەن" ادامداردىڭ مۇددەلەرى قايشىلاسىپ جاتىر. ويتكەنى "سامۇرىق-قازىنا" بار جەردە اقشا، ال، اقشا بار جەردە ءتۇرلى تاراپتىڭ تالابىن كۇيتتەگەن مۇددەلەر بار. سوندىقتان اتالعان قوردىڭ قىزمەتكەرلەرى ومىرزاق ەستايۇلىنىڭ باسشىلىعىن ەسكەرە بەرمەۋى ابدەن مۇمكىن. پرەزيدەنتتىڭ اۋزىنان قور توراعاسىنا قاراتىپ: "سەن ءوزى اقشاعا تويمايدى ەكەنسىڭ!"- دەگەن ءسوزدى ايتقىزىپ جۇرگەن دە سول مۇددەلەر قايشىلىعى بولسا كەرەك. ەندەشە، ومىرزاق شوكەەۆتىڭ وتىنىشىنە پرەزيدەنتتىڭ ءمان بەرىپ، قۇلاق اسقانى ءجون.

Abai.kz