شىمكەنت قالالىق اكىمدىگىنىڭ ءماجىلىس زالىندا قالا اكىمىنىڭ ورىنباسارى ب.جانبوسىنوۆتىڭ توراعالىعىمەن «شىمكەنت قالاسىنىڭ 2020 جىلدارعا ارنالعان دامۋ تۇجىرىمداماسى» اياسىندا جيىن ءوتتى, – دەپ حابارلايدى وقو اكىمدىگىنىڭ ءباسپاسوز قىزمەتى.

وتىرىسقا تۇرعىن ءۇي كوميتەتىنىڭ بەلسەندىلەرى، كوممۋنالدىق سالاعا جاۋاپتى ماماندار قاتىسىپ، شاھاردا قوردالانعان كوممۋنالدىق ماسەلەر جايى ءسوز بولدى. ءدال قازىر شىمكەنتتەگى باستى ماسەلە - حالىققا قاجەتتى ينفراقۇرىلىم جۇيەلەرىن جەتىلدىرۋ بولماق. ءۇشىنشى قالا اتانۋ ءۇشىن اۋىز سۋ، كارىز، ەلەكتر، گاز، جىلۋمەن قامتاماسىز ەتۋ كوزدەرى، ولاردىڭ قۋاتى جانە قالانىڭ قاجەتتىلىگى تولىق شەشىمىن تابۋى قاجەت. الايدا، شەشىمىن تاپپاعان ءتۇيىن دە جوق ەمەس. ماسەلەن، كارىز سۋلارىن تازالايتىن عيماراتتىڭ قۋاتى قالانىڭ قاجەتتىلىگىن قامتاماسىز ەتە المايدى. سالدارىنان شاھارىمىزدىڭ بىرقاتار اۋماعى لاستانۋدا.

قازىرگى تاڭدا، قالاعا جاڭادان قوسىلعان 5 ەلدى مەكەندەگى كوپ قاباتتى ۇيلەردىڭ كارىز ماسەلەسى وزەكتى بولىپ تۇر. بۇل ۇيلەردەگى كارىز جۇيەلەرىنىڭ ىستەن شىققانىنا 15 جىلدان استام ۋاقىت وتكەن. قالدىق سۋلار وزەندەرگە تاستالۋدا. وسى ماسەلەنى شەشۋ ماقساتىندا بيىلعى جىلعى بيۋدجەتتىڭ ەسەبىنەن جوبالىق-سمەتالىق قۇجاتتارى ازىرلەنۋدە. ونىڭ الدىن الۋ ءۇشىن سالا باسشىلارى جۇيەلى جوسپار دايىنداپ، قالدىق سۋلاردى وڭدەپ-تازالايتىن ءىرى زاۋىت قۇرىلىسىن سالۋدى جوسپارلاپ وتىر.

ايتا كەتۋ كەرەك، قالا حالقىنىڭ ينجەنەرلىك جۇيەلەرمەن قامتىلۋ دەڭگەيى بويىنشا اۋىز سۋمەن 83,5 پايىز، كارىز 44,8 پايىز، ەلەكتر – 85,0 پايىز، گازبەن – 64,9 پايىزعا قامتىلعان. قازىرگى تاڭدا جارتىلاي قامتىلعان جانە قامتىلماعان ەلدى مەكەندەردىڭ ماسەلەسىن شەشۋ ءۇشىن ارنايى كوميسسيا جۇمىس ىستەۋدە. توقتالاتىن تاعى ءبىر مəسەلە، شاھارداعى ينجەنەرلىك جۇيەلەردىڭ باسىم بولىگى توزعان. وسىنىڭ سالدارىنان قىزمەت كورسەتۋ ساپاسى دا تومەن. مونوپوليستەردىڭ بالانسىنداعى سۋ قۇبىرلارىنىڭ 55 پايىزى، كارىز جۇيەلەرىنىڭ 80 پايىزى توزسا، گازدىڭ 40 پايىزى، ەلەكتردىڭ 60,0 پايىزى، جىلۋ قۇبىرلارىنىڭ 82,6 پايىزى ەسكىرگەن.

اتالعان مəجىلىستە قوقىس پوليگوندارىنىڭ جاي-كۇيى دە ءسوز بولدى. اتالعان مəسەلە بۇگىندە وڭ شەشىمىن تاۋىپ كەلەدى. قالانىڭ 2 جەرىندە الاڭى 34,0 گاكتار پوليگون بار. ولاردىڭ جالپى سيىمدىلىعى 300,0 مىڭ توننا بولسا، قالادان ءبىر ايدا شىعاتىن قوقىس 15,0 مىڭ توننانى قۇرايدى. دەمەك، بۇل قوقىس پوليگوندارى 2 جىل كولەمىندە تولادى. ءتىپتى، «مارتوبە» ەلدى مەكەنىندەگى قوقىس پوليگونىنا حالىق جاقىن قونىستانعان. وسىنداعى تۇرعىنداردىڭ تالاپ-تىلەگىن ەسكەرگەن قالا اكىمى ع.ءابدىراحىموۆ سانيتارلىق قورعاۋ ايماقتارى بۇزىلعان جانە حالىقتىڭ دەنساۋلىعىنا قاۋىپ توندىرەتىن قوقىس بازاسىن جاپتىرىپ، قالانىڭ 2 جەرىنەن جاڭا پوليگون سالۋعا تاپسىرما بەردى. سونىمەن قاتار، قالا شەكاراسىنىڭ ۇلعايۋىنا جانە قالا قۇرىلىسىنىڭ قارقىندى جۇرۋىنە بايلانىستى، سانيتارلىق تازالىق جۇمىستارىنا بولىنەتىن قارجى كولەمىن ۇلعايتۋ تۋرالى جاۋاپتى سالالار جۇمىسىن جۇيەلەي ءتۇسۋىن تاپسىردى.

اbai.kz