قۇقىق قورعاۋشى باقىتجان تورەعوجينانىڭ Facebook-تە حابارلاۋىنشا، 16 قاراشادا بىرنەشە قۇقىق قورعاۋشى مەن زاڭگەردەن تۇراتىن ساراپشىلار كەڭەسى قازاقستانداعى ساياسي تۇتقىندار قاتارىنا اباقتىدا قاماۋدا وتىرعان ءۇش بەلسەندى - ەرمەك نارىمباەۆ، سەرىكجان مامبەتالين، بولاتبەك ءبىلالوۆ جانە ءدىني الاۋىزدىقتى قوزدىردى دەگەن ايىپپەن سوتتالعان ساكەن تۇلباەۆتى قوسقان.

قازاقستاندىق قۇقىققورعاۋشىلار ساياسي تۇتقىن دەپ سونىمەن بىرگە وپپوزيتسيالىق ساياساتكەر، فرانتسيانىڭ تۇرمەسىندە وتىرعان مۇحتار ءابليازوۆتى دە اتادى.

ءبىرىنشى رەت مۇنداي ءتىزىم جەرگىلىكتى قۇقىققورعاۋشىلار تاراپىنان 2013 جىلدىڭ 31 مامىرىندا جاسالدى. ول كەزدە التى ادامنىڭ اتى-ءجونى ايتىلعان، كەيىن بۇل ءتىزىم56 ادامنىڭ اتى-جونىمەن تولىقتى.