اسكەري ونىمدەردى باقىلاۋ جونىندە كەلىسىمگە كەلمەك
رەسەي پرەزيدەنتى ۆلاديمير پۋتين ۇكىمەتكە قازاقستانمەن اسكەري ماقساتقا ارنالعان ونىمدەردى باقىلاۋ ءتارتىبى مەن ورىندالۋى جونىندە كەلىسىمگە كەلۋدى تاپسىردى.
بۇل 2013 جىلدىڭ 24 جەلتوقسانىندا قابىلدانعان ەكى ەل اراسىنداعى اسكەري-تەحنيكالىق ىنتىماقتاستىق جونىندەگى كەلىسىم اياسىنداعى جەتكىزىلەتىن ونىمدەر. بۇيرىق رەسەيدىڭ رەسمي قۇقىقتىق اقپارات پورتالىندا جاريالانعان.
"رەسەي ۇكىمەتى قازاقستان تاراپپەن كەلىسسوزدەر جۇرگىزگەن سوڭ، كەلىسىمگە قول قويۋ جونىندە شەشىم قابىلداسىن", —دەلىنگەن ءپۋتيننىڭ بۇيرىعىندا. مۇنان وزگە دەرەكتەر اشىق ايتىلمايدى. الدىن قازاقستاننىڭ قورعانىس مينيسترلىگى تاجىكستان مەن ازەربايجانعا اسكەري كومەك كورسەتەتىندىكتەرى جونىندە مالىمدەگەن بولاتىن.
اباي-اقپارات
