9 قاراشادا قاراعاندى وبلىستىق سوتىندا «احمەتوۆ ءىسى» بويىنشا «توپار جىلىجايلارى» قۇرىلىسىنا قاتىستى جەتىنشى ەپيزودتى قاراۋ جالعاستى.

بۇگىنگى سوت وتىرىسىندا سوتتالۋشى، يسپاندىق «Rufera Technoagro S.L» كومپانياسىندا مەنەدجەر بولىپ ىستەگەن كاميلا پىراليەۆا تۇسىنىك بەردى. ايتا كەتەلىك، بۇعان دەيىن كۋاگەرلەردەن جانە سوتتالۋشىلاردان سوتتا جاۋاپ الۋ كەزىندە «توپار جىلىجايلارىن» سالۋ ءۇشىن يسپاندىق «Rufera Technoagro S.L» فيرماسىمەن كەلىسىم جاسالىپ، جوبانىڭ قۇنى 3 ملن. ەۋروعا ادەيى كوتەرىلگەنى ءمالىم بولعان. تەرگەۋدىڭ نۇسقاسى بويىنشا ەكس-پرەمەر س. احمەتوۆتىڭ «توپار جىلىجايلارى» جشس-ءنىڭ قۇرىلىسىنا «قازاگروقارجى» ۇلتتىق كومپانياسىنىڭ ەنشىلەس مەكەمەسى 15 ملن. ەۋرو قارىز اقشا بولەدى. بىراق ونى ءبولۋ ءۇشىن كاسىپورىن يەسى قارجىلاندىرۋدىڭ 15 پايىزىن ءوز موينىنا الۋى ءتيىس. جىلىجاي يەسىنىڭ مۇنداي اقشاسى بولماعاندىقتان يسپاندىق فيرماعا قوندىرعىنىڭ قۇنىن 3 ملن. ەۋروعا كوتەرىپ كورسەتۋگە ۇسىنىس جاسالادى.

سوتتاعى سوزىندە ك. پىراليەۆا 2012 جىلى ءساۋىر ايىندا «توپار جىلىجايلارى» جشس-ءنىڭ ديرەكتورى ا. زابيروۆپەن قالاي تانىسقانى، جىلىجاي كەشەننىڭ قوندىرعىلارىن جەتكىزەتىن يسپاندىق كومپانيامەن ارادا مامىلە قالاي جاسالعانى جونىندە اڭگىمەلەدى. «2012 جىلى ساۋىردە الماتىدا وتكەن كورمەدە ا. زابيروۆپەن تانىستىم. ول 8 گا جەرگە جىلىجاي سالۋعا جوسپارىن ايتىپ، اۋماعىن كورۋگە ۇسىنىس جاسادى. جوبانىڭ قۇنى باستاپقىدا شامامەن 15 ملن. ەۋرو دەپ بەلگىلەندى. بۇل وتە ءىرى جوبا بولعان سوڭ كوممەرتسيالىق ۇسىنىس دايىنداۋعا كومپانيانىڭ بارلىق قىزمەتكەرلەرى قاتىستى. ءبىز كوممەرتسيالىق ۇسىنىستى ءبىر اي ۋاقىت دايىندادىق. تۇپكىلىكتى شەشىمدى كومپانيا باسشىلىعى عانا ايتا الاتىن. مەن شەتەلدەن كەلگەن قۇجاتتاردى «قازاگروقارجى» كومپانياسىنا جەتكىزىپ وتىردىم».

ا. زابيروۆ قوندىرعىنىڭ قۇنىن ادەيى كوتەرۋگە ۇسىنىس جاساعاندا، ول كەلىسسوزدەرگە قاتىسۋعا «Rufera Technoagro S.L»-تىڭ باس ديرەكتورى حوسە انتونيو مورالەستى شاقىرادى. قازاقستاندىقتار مەن يسپاندىقتار ەكى رەت كەزدەسىپ، سونىڭ سوڭعىسىندا مامىلەنىڭ تالاپتارى اشىق ايتىلادى. بۇل وقيعانىڭ قالاي بولعانىن كۋاگەر ك. پىراليەۆا بىلاي اڭگىمەلەدى: ء«بىز ح. ا. مورالەس ەكەۋمىز كەزدەسۋگە باردىق. الدىمەن جوبانىڭ تەحنيكالىق دەتالدارى تالقىلاندى. سودان سوڭ قارجى ماسەلەسى ايتىلدى. جوبانىڭ قۇنىن 3 ملن. ەۋروعا كوتەرۋ ۇسىنىلعاندا باس ديرەكتور مەنەن: ء«سىز بۇعان سەنىمدىسىز بە؟» دەپ سۇرادى. ول 3 ملن. ەۋرونىڭ ۇلكەن سوما ەكەنىن ءبىلدى. وسى كەزدە ا. زابيروۆ سوزگە ارالاسىپ: «بۇعان بولا ۋايىمداۋدىڭ كەرەگى جوق. ءبىزدىڭ جوعارى لاۋازىمدى اكتسيونەرىمىز بار. ول بارلىق ماسەلەلەردى شەشە الادى» دەدى. ودان ارىدە بىزگە اقشانى قازاقستانعا قايتاراتىن ءتورت كومپانيانىڭ دەرەكتەمەلەرىن جىبەردى. ءبىز قايتارىلاتىن اقشانىڭ باسقا ماقساتقا قولدانىلاتىنىنا ەشقانداي كۇماندانعان جوقپىز».

كەزدەسۋدىڭ ناتيجەسىندە تاراپتار مامىلەگە كەلىپ، «Rufera Technoagro S.L» قازاقستاندىق كومپانيالاردىڭ شوتىنا 2 ملن. 600 مىڭ ەۋرو اۋدارادى. 400 مىڭ ەۋرو جۇكتى كەدەندىك رەسىمدەۋ كەزىندەگى قوسىمشا شىعىندارعا جۇمسالادى. سوتتالۋشى ك. پىراليەۆا سونداي-اق قازاقستاندىق «ۆودوۆودستروي»، «تورگپرومستروي»، «كازينتراكتيۆ 21 ۆەك» جانە «Renessanse» جشس-مەن جالعان كەلىسىم جاسالعانىن حابارلادى. «كەلىسىم جاسالار كەزدە يسپاندىق كومپانياعا جوبانىڭ قۇنىن 3 ملن. ەۋروعا ادەيى وسىرۋگە جانە ول اقشانى قازاقستانعا قايتارۋعا تالاپ قويىلدى. ءبىز بۇل اقشانىڭ مۇنداي ءىرى مامىلە جاساۋعا ارنالعان پارا ەكەنىن سەزدىك. باس ديرەكتور باستاپقىدا بۇعان كەلىسكىسى كەلمەدى. بىراق ونى تاۋەكەلدىڭ وتە از ەكەنىنە سەندىردى. ءبىز ەكى جاعدايدى ء(بىرىنشىسى – كىممەن مامىلەگە كەلگەنىمىزدى، ەكىنشىسى – كومپانيا ءۇشىن ەكونوميكالىق تيىمدىلىكتى) ەسكەرىپ، ۇسىنىلعان سىزباعا كەلىسىم بەردىك»، – دەدى ول سوتتا.

ءامينا باكىر

Aباي-اقپارات