بۇگىن وقو باسشىسى ب.اتامقۇلوۆ يۋنەسكو-نىڭ بۇكىلالەمدىك مۇرا كوميتەتىنە مۇشە مەملەكەتتەردىڭ ساراپشىلارىن قابىلدادى، – دەپ حابارلايدى وقو اكىمىنىڭ ءباسپاسوز قىزمەتى.

ەكى جاقتى كەزدەسۋدە قوجا احمەت ياسساۋي كەسەنەسىنىڭ بۇگىنگى جاعدايى مەن رەستاۆراتسيا جۇمىستارىن جۇرگىزۋ ماسەلەلەرى جانە كەسەنەنى قورعاۋ، تۇركىستانداعى ەسكەرتكىشتەردى قورعاۋ جايى ءسوز بولدى.

قوس تاراپ «ازىرەت سۇلتان» مۇراجاي-قورىعىنىڭ ماڭىندا  قۇرىلىس جۇرگىزۋ ىسىندە تاريحي ەسكەرتكىشتەردى قورعاۋعا ارنالعان رەگلامەنتتى ساقتاۋ جونىندە پىكىر الىستى.   

حالىقارالىق ساراپشىلار تۇركىستان قالاسىنداعى تاريحي كەشەندە زەرتتەۋ جۇمىستارىن 13 قاراشاعا دەيىن جۇرگىزەتىن بولادى.

ەستەرىڭىزگە سالساق، 2003 جىلى ماۋسىمدا پاريجدە وتكەن يۋنەسكو-نىڭ 27-ءشى سەسسياسىندا قوجا احمەت ياسساۋي كەسەنەسى دۇنيەجۇزىلىك مادەني مۇرالار تىزىمىنە ەنگىزىلگەن بولاتىن.

اباي-اقپارات