اقش پرەزيدەنتى باراك وباما اۋعانستاندا تاليبتەردىڭ قايتا كۇشەيە باستاعانىن، ولارعا اۋعان اسكەرلەرىنىڭ توتەپ بەرە الاتىنىنا سەنىمسىزدىك ءبىلدىرىپ، امەريكا اسكەرلەرىن بۇل ايماقتان تولىقتاي شىعارۋ جونىندەگى جوسپارىن اياقاستى وزگەرتتى.

ول قازىر اۋعانستاندا بىتىمگەرلىك ماقساتتا جۇرگەن ون مىڭعا جۋىق امەريكالىق اسكەردىڭ كەلەسى جىل بويىندا قالا بەرەتىنىن جاريالادى. تەك 2017 جىلى عانا اسكەر سانى 5 مىڭ 500-گە دەيىن قىسقارادى دەدى.

وباما سونىمەن بىرگە 2016 جىلدان كەيىن امەريكالىق اسكەرلەر كابۋلدىڭ سولتۇستىك جاعىنداعى باگرام اسكەري بازاسىندا، شىعىس جاعىنداعى جەلالابادتا جانە وڭتۇستىگىندەگى باگرامدا ورنالاساتىن بولادى دەدى.

امەريكا كۇشتەرىنىڭ ميسسياسى – اۋعان اسكەرلەرىن قاۋىپسىزدىككە جانە كونترتەرروريستىك وپەراتسياسىنا ۇيرەتۋ. 

وباما وسىنىڭ الدىندا ءوزى 2017 جىلدىڭ قاڭتار ايىنا دەيىن، ياعني اق ۇيدەگى پرەزيدەنتتىك پوستىنان كەتكەنگە دەيىن اۋعانستانداعى امەريكالىق اسكەرلەردى تولىق قايتاراتىنىن، تەك ونداعى اقش ەلشىلىگىن كۇزەتۋ ءۇشىن از عانا اسكەر قالدىراتىنىن مالىمدەگەن ەدى.

اباي-اقپارات