قالاچيلىك 23 وتباسى باسپانالى بولدى. ولاردىڭ 16 وتباسىنا (27 ادام),  بۇگىن سالتاناتتى جاعدايدا جاڭا پاتەر كىلتتەرى تابىستالدى، – دەپ حابارلايدى اقمولا وبلىسى اكىمىنىڭ ءباسپاسوز قىزمەتى.

پايدالانۋعا بەرىلگەن دەرجاۆينسك قالاسىندا ورنالاسقان 75 پاتەرلى كوپ قاباتتى ءۇي «جۇمىسپەن قامتۋدىڭ جول كارتاسى – 2020» – كالاچي جانە كراسنوگورسك ەلدى مەكەندەرىندەگى اۋىل تۇرعىندارىن كوشىرۋ باعدارلاماسىن جۇزەگە اسىرۋ اياسىندا سالىنعان بولاتىن.  

ال 13 ادامنان قۇرالعان جەتى وتباسىنا، ەسىل اۋدانىنىڭ زارەچنوە اۋىلىندا جيھازداندىرىلعان تۇرعىن ۇيلەر ۇسىنىلدى.    

8 پاتەرلى ءۇي «زارەچنىي» جشس كۇشىمەن جوندەلۋدەن وتكەن.

ءۇش بولمەلى پاتەر العان ۆيتالي رادچەنكو ءوڭىر باسشىلارىنا كالاچي اۋىلىنان كوشۋدى ۇيىمداستىرعانى ءۇشىن، سونداي-اق پاتەر ءبولىپ، قونىستانۋشىلاردى كوممۋنالدىق تولەم تولەۋدەن بوساتقان  «زارەچنىي» جشس باسشىلىعىنا العىسىن جاۋدىردى. ول پاتەرىنىڭ ىڭعايلى ءارى جىلى ەكەنىن ەرەكشە اتاپ ءوتتى. 

ەسكە سالا كەتسەك، بۇگىنگى كۇنى كالاچي اۋىلىنان باس-اياعى 96 وتباسى كوشىرىلگەن. تۇرعىندارعا كوشۋ ءۇشىن بارلىق كومەكتەر كورسەتىلۋدە. كوشۋدىڭ الدىندا ايماق اكىمدىگى تۇرعىندار ءۇشىن ۇسىناتىن ۇيلەردى تانىستىرۋ ءۇشىن ساپارلار ۇيىمداستىرىپ وتىرادى. 

بۇگىنگى كۇنى كالاچي جانە كراسنوگورسك اۋىلىنىڭ تۇرعىندارى ءۇشىن ەسىل قالاسىندا سالىنىپ جاتقان 118 پاتەرلى 2 تۇرعىن ءۇيدىڭ قۇرىلىسى اياقتالۋعا جاقىندالىپ قالدى. ءۇي 2015 جىلدىڭ قاراشا-جەلتوقسان ايلارىندا بەرىلەدى دەپ جوسپارلانۋدا. 

اباي-اقپارات