جەكسەنبى كۇنى استانادا اياقتالعان سيرياعا قاتىستى كەلىسسوزگە قاتىسۋشىلار وتىرىستا قورىتىندى دەكلاراتسيانى كوپشىلىك داۋىسپەن قابىلدادى دەپ حابارلادى جۋرناليستەرگە «سيريا حريستياندارى دەموكراتيا ءۇشىن» قوزعالىسىنىڭ جەتەكشىسى باسسام بيتار.

ونىڭ اقپاراتى بويىنشا، قورىتىندى دەكلاراتسياعا استاناعا كەلىسسوزگە قاتىسقان 37 ادامنىڭ 29-ى قول قويعان. دەكلاراتسياداعى نەگىزگى تارماقتاردىڭ ءبىرى «سيريادا حالىقارالىق باقىلاۋشىلار قاداعالاۋىمەن پارلامەنت سايلاۋىن وتكىزۋ جانە سايلاۋعا قاتىساتىن بارلىق كانديداتتاردىڭ جەكە باس قاۋىپسىزدىگىن قامتاماسىز ەتۋ» تۋرالى دەپ حابارلاندى.

سيرياداعى جانجالدى رەتتەۋدى تالقىلاۋدىڭ ەكىنشى كەزەڭى استانادا قازاننىڭ 2-ءى كۇنى باستالعان. جابىق تۇردە وتكەن جيىنعا سيرياداعى ءارتۇرلى وپپوزيتسيالىق قوزعالىستار مەن توپتاردان ونداعان وكىلى قاتىستى.

وسى اپتادا سيريادا ۇكىمەت اسكەرىنە قارسى سوعىسىپ جاتقاندارعا اۋەدەن سوققى بەرگەن. رەسەي بيلىگى شابۋىل «يم سودىرلارىنا قارسى جاسالدى» دەپ مالىمدەگەن.

بىراق باشار اساد بيلىگىنە قارۋلى قارسىلىق تانىتىپ جاتقان سيريالىق وپپوزيتسيا رەسەيلىك اۋە كۇشتەرى سوققى جاساعان ايماقتا يم جاساعى جوق ەكەنى جانە شابۋىلدان بەيبىت تۇرعىندار قازا تاپقانى تۋرالى حابارلاعان.

اباي-اقپارات