وزبەكستاندا ءۇندى سەريالدارىن كورسەتۋگە تىيىم سالماق، - دەپ حابارلايدى اباي-اقپارات. 

وزبەكستاننىڭ ءباسپاسوز جانە اقپارات اگەنتتىگىنىڭ مونيتورينگ ورتالىعى "ەشلار" (جاستار) تەلەكانالى ارقىلى كورسەتىلىپ جاتقان "تەك سەن مەنىڭ سۇيىكتىمسىڭ" (يشاني) ءۇندى سەريالىن كورسەتۋ زياندى ەكەنىن مالىمدەدى. 

بۇل ءفيلمدى كورسەتۋ ورتالىققا تۇسكەن بىرنەشە شاعىمداردان سوڭ، جۇرگىزىلگەن زەرتتەۋ ناتيجەسىندە زاڭسىز دەپ تابىلعان.

حالىق اراسىندا "يشاني" دەپ اتالىپ كەتكەن تەلەسەريال "Balaji Telefilms" كومپانياسىندا ەكتوي كاپۋردىڭ پروديۋسەرلىگىمەن تۇسىرىلگەن. الايدا وزبەك بيلىگى مۇنى جەرگىلىكتى حالىقتىڭ مەنتاليتەتىنە، ۇلتتىق قۇندىلىقتارىنا جات دەپ سانايدى.  

دەگەنمەن حالىق اراسىندا بۇل فيلم ۇلكەن سۇرانىسقا يە بولىپ وتىر. تىپتەن جاس كەلىنشەكتەر دۇنيەگە كەلگەن قىزىنا يشان دەگەن ەسىم بەرۋ سانگە اينالعان. وقۋشى داپتەرلەرىنىڭ مۇقاباسىندا دا ءفيلمنىڭ باس كەيىپكەرلەرىنىڭ سۋرەتى جاپسىرىلعان.

بۇل فيلم ءالى كورسەتىلىپ جاتىر، بىراق تاياۋ كۇندەرى ونىڭ تاعدىرى شەشىلۋى مۇمكىن.

اباي-اقپارات