جەتىسۋدىڭ ەڭ شۇراي­لى جەرىنەن قونىس تەپكەن تالدىقورعان جىل وتكەن سايىن كوركەيىپ، كوز تارتار ساۋلەتىمەن ەرەكشەلەنىپ كەلەدى. جالپى قاي جاعىنان الىپ قاراساڭىز دا زامان تالابىنا ساي تۇرلەنىپ، ءوسىپ-وركەندەگەن شاھاردا قازىر نەبىر نىساندار مەن كەشەندەر، كوپقاباتتى تۇرعىن ۇيلەر بوي كوتەرىپ، اسەم قالاعا اينالۋدا. 

سوندىقتان دا بولار، قۇرى­لىسى قارقىن العان ولكەنىڭ ابات­تانىپ، تىرشىلىك تامىرىنا قايتا قان جۇگىرگەنى. ارينە، مۇنىمەن شەكتەلىپ قالماق ەمەس. ويتكەنى، الداعى ۋاقىتتا وبلىس ورتالى­عىندا سالى­ناتىن جاڭا ءۇي مەن عيماراتتار قاتارى ودان سايىن تولىعا تۇسپەك. وسىعان بايلانىستى جاقىندا تالدىقورعان قالا­سىنىڭ اكىمى ەرمەك الپىسوۆ پەن «IZPEK» قۇرىلىس كوم­پا­نيا­سى ديرەكتورلار كەڭەسىنىڭ توراعاسى وزاي يپەك ۇزاق­مەر­زىمدى ەكى جاقتى مەموران­دۋمعا قول قويدى. ايتا كەتەيىك، اتال­مىش تۇركيالىق كومپانيا تال­دىقورعان قالاسىنا ءجۇز ميل­ليون دوللار ينۆەستيتسيا قۇي­ماق. بۇل قاراجات وبلىس ورتا­لىعىندا سالىناتىن كوپ­قابات­تى تۇرعىن ۇيلەرگە جۇمسالاتىن بولادى.

جالپى، قۇرىلىس ىستەرى جۇر­گى­زىلەتىن الاڭ ءجۇز مىڭ شارشى مەتر­دى قۇرايدى. بۇل تۋرالى بۇقارالىق اقپارات قۇرالدارى وكىلدەرىنە ءوز جوبا-جوس­پار­لارىمەن تا­نىس­تىرعان تۇركيا­لىق ينۆەس­تورلار ءمالىم ەتتى. ال­عاش­قى جۇمىس قالانىڭ وڭتۇستىك-باتىس اۋدانىندا جۇزەگە اسى­رىل­ماق. وندا بوي كوتەرەتىن التى ءۇيدىڭ وتىز پايىزى الەۋ­مەتتىك باس­پانالار بولادى. بۇعان ازامات­تار «تۇر­عىن ءۇي قۇرىلىس جيناق بانكىندە» شوت اشىپ، قاراجات جيناۋ ار­قىلى قول جەتكىزەدى. ال قالعانى ەكونوم جانە ەليت ساناتىنداعى ۇيلەر. «جىبەك جولى كەشەنى» دەپ اتالاتىن جو­با قۇرىلىسى الداعى جىلدىڭ ءساۋىر ايىندا جۇزەگە اسىرىلادى.

 وزاي يپەك، «IZPEK» قۇرىلىس كومپانياسى ديرەكتورلار كەڭەسىنىڭ توراعاسى:

– قازاقستانداعى قۇرىلىس نارىعىن زەرتتەدىك. ءسويتىپ، تالدى­قورعان قالاسىنا ەرەكشە توقتالدىق. ويتكەنى شاھار جان-جاقتى دامىپ كەلەدى. وسىنى ەسكەرگەن ءبىزدىڭ ساۋ­لەتشىلەر قالانى ودان سايىن كورىكتەندىرەتىن بىرنەشە جوبا ويلاس­تىرۋدا. تۇرعىن ۇيلەرگە ساپاسى جوعارى قۇرىلىس بۇيىمدارى قولدانىلاتىن بولادى. جەرگىلىكتى مامان­دارمەن دە ەتەنە جاقىن جۇمىس ىستەيتىن بولامىز. باستاپ­قى كەزدە مىڭعا جۋىق جۇمىس ورنىن اشۋ كوزدەلىپ وتىر. قۇرىلىس ىستەرى كوپ ۇزاماي باستالادى. ال وڭتۇستىك-باتىس اۋدان­داعى تۇرعىن ۇيلەر قۇرىلىسى 2018 جىلى اياقتالادى دەگەن بولجام بار.

 ال ۇستىمىزدەگى جىلدىڭ قازان ايىندا تالدىقورعانداعى كوت­تەدجدى قالاشىقتىڭ قۇرىلىس جۇمىستارى قولعا الىنادى. ەرمەك امانتاي­ۇلىنىڭ اي­تۋىن­شا، باستاپقىدا ەلۋ ءۇي سالى­نىپ، قالعانى ءوز رەتىمەن جۇر­گىزىلمەك. وسى قۇجات ايا­سىندا ايماقتا قۇرىلىس يندۋس­ترياسى ور­كەن­دەپ، قوسىمشا جۇمىس ورىن­­دارى اشىلادى.

Abai.kz