جاپون مەن قازاق
جاپونيادا 128 ملن حالىق بار ەكەن، سونى باسقارىپ وتىرعان 9 مىڭ شەنەۋنىك، بىزدە - 17 ملن. حالىق، شەنەۋنىگىمىز - 100 مىڭعا جەتىپ قالىپتى.
وسىنداعى، وي، شىركىن، توردە وتىرعان تورەنىڭ،
قاراي الماي جۇزىنە، قىپىلىقتاي بەرەمىن.
حالقى –كەدەي،
كوگەرىپ بارا جاتىر كوزدەرى...
ال، مىنالار - ءبىر مىرزا!
بايىپ العان وزدەرى...
ءبىر قاتىندى اسىراي الماي جۇرسەك، (ۇل-قىز بار),
توقالدارى - ءۇش-تورتەۋ،
ء(ھام ءبارى دە - جۇلدىزدار!).
ويىمىز - ون، اقىل دا بارا جاتىر التاۋ بوپ،
ولار...
ءبىزدى ويلايدى: «جاتىپ ىشەر جالقاۋ!» - دەپ.
سىرت ءجۇنىمدى كورسەتىپ، بورىدەيىن پاڭ باسام،
(قايدان، قالاي بايمىن قالام اقى دا الماسام؟!).
وسىنداعى، وي، شىركىن، توردە وتىرعان تورەنىڭ،
قاراي الماي جۇزىنە، قىپىلىقتاي بەرەمىن!
تۇسىنبەيمىن، نەگە وسى توردە وتىرعان تورەنىڭ،
قاراي الماي جۇزىنە، قىپىلىقتاي بەرەمىن؟!.
ەي، تورەم-اي، تورەم-اي، قالاي كورەم بەتىڭدى،
تۇسىنىكسىز بۇ دۇنيە، ويعا باتسام نە ءتۇرلى
التىننىڭ ۇستىندە وتىرعان قازاق پەن،
سۋدىڭ ۇستىندە وتىرعان جاپون سەكىلدى!
27. 09. 2015 ج.
سەرىك اقسۇڭقار
Facebook-تەگى پاراقشاسىنان
