بەيسەنبi كۇنi سەكسەن جىلعا جۋىق تاريحى بار قاراشاڭىراق – وڭتۇستiك قازاقستان مەملەكەتتiك پەداگوگيكالىق ينستيتۋتىندا ستۋدەنتتەر ءۇيiنiڭ سالتاناتتى اشىلۋ ءراسiمi ءوتتi, - دەپ حابارلايدى "وڭتۇستىك قازاقستان" گازەتى.

وسىناۋ تاريحي وقيعاعا قر بiلiم جانە عىلىم مينيسترi اسلان ءسارiنجiپوۆ، وبلىس اكiمiنiڭ ورىنباسارى ساكەن قانىبەكوۆ، وبلىستاعى جوعارى وقۋ ورىندارىنىڭ باسشىلارى، وبلىستىڭ زيالى قاۋىمى مەن باق وكiلدەرi قاتىستى.

مينيستر ستۋدەنتتەر ءۇيiنiڭ لەنتاسىن سالتاناتتى جاعدايدا قيعان سوڭ جاڭا عيماراتتى ارالاپ كوردi. 12 قاباتتى جاتاقحانانىڭ تومەنگi قاباتىندا نەگiزگi ۇيىمداستىرۋشى قۇرىلىمدار ورنالاسقان. عىلىمي-زەرتتەۋ ورتالىعىندا وقۋ ورنىنىڭ وقىتۋشىلارى قۇرمەتتi قوناقتى ستۋدەنتتەردiڭ عىلىمي جۇمىستارىمەن، سونىڭ iشiندە «ەكسپو–2017» كورمەسiنە دايىنداپ جاتقان ەڭبەكتەرiمەن تانىستىردى. جاڭا جاتاقحانادا جاستاردىڭ بوس ۋاقىتىندا شىعارماشىلىقپەن اينالىسۋىنا بارلىق مۇمكiندiكتەر قاراستىرىلعان. قولونەر ورتالىعىندا ستۋدەنتتەر گوبەلەن توقىپ، iس تiگەدi, دومبىرا، قوبىز جاساپ، ات ابزەلدەرiن دايىندايدى.

ستۋدەنتتەر ءۇيiنiڭ سالتاناتتى اشىلۋ راسiمiندە ينستيتۋتتىڭ وقىتۋشىسى، بەلگiلi ايتىسكەر اقىن بiرجان بايتۋوۆ جىردان شاشۋ شاشتى. اسلان ءسارiنجiپوۆ:

– قىمباتتى جاستار مەن ستۋدەنتتەر، قۇرمەتتi كوپشiلiك، جاڭا وقۋ جىلىندا بiز تاريحي ءساتتiڭ كۋاسi بولىپ وتىرمىز. وڭتۇستiكتەگi جوعارى وقۋ ورىندارىنىڭ قارا شاڭىراعى – پەداگوگيكا ينستيتۋتىندا عاجايىپ ستۋدەنتتەر ءۇيi اشىلدى. جىل سوڭىنا دەيiن ەلiمiزدە وسىنداي التى جاتاقحانا پايدالانۋعا بەرiلەدi دەپ كۇتiلۋدە. ستۋدەنتتەردiڭ تەرەڭ بiلiم الۋىنا بارلىق جاعدايدى جاساعانى ءۇشiن ينستيتۋت باسشىلارى مەن قۇرىلىسشىلارعا العىسىمىزدى بiلدiرەمiز.

بۇگiنگi تاڭدا ەلiمiزدە جىل سايىن ستۋدەنتتەرگە 150 مىڭ گرانت بولiنۋدە. كەلەسi جىلدان باستاپ گرانتپەن وقيتىن ستۋدەنتتەردiڭ شاكiرتاقىسى 25 پايىزعا ۇلعايادى. بۇگiندە جاستار ءۇشiن بارلىق مۇمكiندiكتەر جاسالعان. اعا ۇرپاقتىڭ قامقورلىعىن جاستارىمىز تەرەڭ بiلiم الۋىمەن، كاسiپ يگەرۋiمەن اقتايدى دەپ سەنەمiن، – دەدi.

وبلىس اكiمiنiڭ ورىنباسارى ساكەن قانىبەكوۆ ەلباسى ن.نازارباەۆتىڭ قامقورلىعىنىڭ ارقاسىندا جىل وتكەن سايىن ستۋدەنتتەر ءۇشiن كوپتەگەن قامقورلىقتار جاسالىپ وتىرعانىن، ارنايى باعدارلامالار قابىلدانعانىن اڭگiمەسiنە ارقاۋ ەتتi.

ينستيتۋت رەكتورى وڭالباي اياشەۆتiڭ مالiمدەۋiنشە، قۇرىلىس جۇمىستارى جوسپار بويىنشا جەلتوقسان ايىندا اياقتالۋعا تيiس ەكەن. دەگەنمەن، «اق وردا» جشس-i قۇنى 1 ملرد. 237 ملن. تەڭگەگە باعالانعان عيماراتتى مەرزiمiنەن بۇرىن، بiر جىل جەتi ايدا سالىپ بiتiرiپتi.

– شاكiرتتەرiمiزدiڭ 60 پايىزى مەملەكەتتiك بiلiم گرانتىمەن وقيدى. ەندi ستۋدەنتتەر ۇيiنە مەملەكەتتiك بiلiم گرانتىمەن، ۇزدiك وقيتىنداردى ورنالاستىرامىز، – دەيدi و.اياشەۆ.

وسى كۇنi قر بiلiم جانە عىلىم مينيسترi ا.ءسارiنجiپوۆ م.اۋەزوۆ اتىنداعى وڭتۇستiك قازاقستان مەملەكەتتiك ۋنيۆەرسيتەتiندە، قازاقستان ينجەنەرلi-پەداگوگيكالىق حالىقتار دوستىعى ۋنيۆەرسيتەتiندە بولىپ، بiلiم باعدارلامالارىمەن، جاڭا جوبالارمەن تانىستى.

ءۇمiتحان التاەۆا

Abai.kz