قر ىشكى ىستەر مينيسترىلىگىنىڭ مالىمەتىنە قاراعاندا، قازىرگى ۋاقىتتا ەلىمىزدە 700-دەن استام بوسقىن بار كورىنەدى. ولاردىڭ 18-ءى سيريادان كەلگەندەر. قالعان 362 ادام تاجىك بولسا، 137-ءسى حازار، 89-ى پۋشتان، 36-سى وزبەك، 21-ءى اراب، 38-ءى تاعى باسقا ۇلت وكىلدەرى.

ۆەدومستۆونىڭ مالىمدەۋىنشە، ولار ەلىمىزدە ەشقانداي شەكتەۋشىلىك كورىپ جاتقان جوق. ەلىمىزگە كەلىپ پانا تابۋىنا زاڭ جاعىنان بارلىق جاعداي قامتاماسىز ەتىلگەن. بۇعان قوسا، ولارعا قۇقىقتىق جانە الەۋمەتتىك كومەكتەر كورسەتىلۋدە، ولاردى قورعاۋ دا قامتاماسىز ەتىلگەن. بوسقىندارعا قاتىستى قانداي دا ءبىر ماسەلە تۋىنداي قالسا، قازاقستاندا اكرەديتاتسيالانعان حالىقارالىق ۇيىم – كوشى-قون بويىنشا حالىقارالىق ۇيىم، بۇۇ-نىڭ بوسقىندار بويىنشا جوعارى كوميسسارياتى باسقارماسى، حالىقارالىق قىزىل كرەست سياقتى قۇرىلىمدار دا كومەك قولىن سوزادى.

ەستەرىڭىزگە سالا كەتەيىك، سيرياداعى 2011 جىلعى قاقتىعىس كەزىندە 220 مىڭ ادام قازا تاپقان. بيىل جەر ورتا تەڭىزى ارقىلى ەۋروپاعا 430 مىڭ بوسقىن اۋىپ بارعان. ولاردىڭ كوپشىلىگى اۋعانستان مەن سيريادان. ەۋروكوميسسيا باسشىلىعىنىڭ پىكىرىنە قاراعاندا، قازىرگى كوشى-قون داعدارىسى ەكىنشى دۇنيەجۇزىلىك سوعىستان كەيىنگى ءىرى وقيعا بولىپ تىركەلگەن.

اباي-اقپارات