2014 جىلدىڭ قىركۇيەگىندە باستالعان زاڭداستىرۋدىڭ العاشقى 15 ايىندا ازاماتتار بەلسەندىلىك تانىتا قويماعان ەدى. سودان كەيىن جاريا ەتۋ اكتسياسى تۋرالى زاڭنامالارعا وزگەرىستەر ەنگىزىلگەن بولاتىن. بۇل جەڭىلدىكتەر تۋرالى قارجى مينيسترلىگى ءارتۇرلى بەينەروليكتەر دە دايىنداپ، كورسەتىپ جاتىر.

ەرجان ءبىرجانوۆ، قر قارجى مينيسترلىگى مەملەكەتتىك كىرىستەر كوميتەتىنىڭ دەپارتامەنت ديرەكتورى:
- 39 وبەكت بويىنشا، شەتەلدە ورنالاسقان وبەكتەر بويىنشا شەشىم قابىلداندى. ولاردىڭ سوماسى 1 ميللياردتان استام. كوبىنە مىناۋ اراب امىرلىگى بولسىن، ۆەنگريادا، يسپانيادا، تايلاندتاعى كوتتەدجدار وسى اكتسياعا قاتىسىپ، قۇجاتىن الىپ جاتىر. جاقىن ورنالاسقان رەسەيدە، وزبەكستانداعى وبەكتتەردى دە كورسەتىپ جاتىر.

1 ميللياردتى 39 نىسانعا بولەتىن بولساق، 1 جىلجىمايتىن مۇلىكتىڭ ورتاشا قۇنى 25-30 ميلليون تەڭگە شاماسىندا بولادى ەكەن. الايدا، يسپانياداعى كوتتەدجدەر مەن وزبەكستانداعى پاتەرلەردىڭ ءبىر باعادا بولا قويۋى ەكىتالاي. 

سونداي-اق، مۇلكىن زاڭداستىرعان ازاماتتاردىڭ ىشىندە مەملەكەتتىك قىزمەتكەرلەر بار ما، جوق پا، ول قۇپيا ەكەن. قارجىگەرلەر، باستىسى - شەتتەگى قارجى ەل ەكونوميكاسىنا جۇمىس ىستەسە بولعانى دەيدى. 

قالاي دەسەك تە، بۇگىنگە دەيىن جاريا ەتىلگەن اكتيۆتەردىڭ سوماسى 700 ميلليارد تەڭگەدەن اسقان. ونىڭ 500 ميللياردقا جۋىعى قازاقستان اۋماعىنداعى مۇلىك. ال جىل سوڭىندا اكتسيا اياقتالعاننان كەيىن قاراجاتىن زاڭداستىرا الماعاندارعا ايىپپۇل سالىنباق.