سيريادا وتكەن جەكسەنبىدە بولعان جارىلىستىڭ سالدارىنان 119 ادام قازا تاپتى. بۇل شابۋىلدى "يسلام مەملەكەتى" ەكسترەميستىك توبى موينىنا الدى.

حومس قالاسىنىڭ نەگىزىنەن الاۆيتتەر تۇراتىن ورتالىق اۋدانىندا ەكى كولىكتىڭ جارىلۋىنان 57 ادام كوز جۇمىپ، ونداعان جان جارالاندى. داماسك ىرگەسىندەگى شيتتىك سايد زەيناب مەشىتىنىڭ جانىندا بولعان بىرنەشە جارىلىس سالدارىنان 62 ادام قازا تاپتى. داماسكتىڭ تۇسكەيىندەگى سايد زەيناب قالاشىعىنداعى جارىلىستى "يسلام مەملەكەتى" ەكسترەميستىك توبى موينىنا الدى. مۇندا اۆتوكولىكتەر جارىلعان سوڭ، ەكى جانكەشتى سودىر ادامدار اراسىنا كىرىپ وزدەرىن جارىپ جىبەرگەن. وسى اۋدانداعى سايد زەيناب مەشىتىن شيتتەر قاسيەتتى سانايدى. ول جەردە مۇحاممەد پايعامباردىڭ نەمەرەسى جانە ءالي يمامنىڭ قىزى - زەيناب جەرلەنگەن. جىل سايىن مۇندا يراك، يران جانە ليۆاننان مىڭداعان ءتاۋ ەتۋشى جينالادى. مەشىت پەن ونىڭ جانىنداعى قوناقۇي كەشەنى جاقسى كۇزەتىلەدى، ونىڭ ىرگەسىندە سيريادا پرەزيدەنت باشار اسادتىڭ جاعىنداعى كۇشتەرگە كومەكتەسىپ جاتقان "حەزبوللاح" شيتتىك اسكەري توبى جاۋىنگەرلەرىنىڭ قوسىنى ورنالاسقان.

اباي-اقپارات