استانادا وتكەن دەنساۋلىق ساقتاۋ جانە الەۋمەتتىك دامۋ مينيسترلىگىنىڭ القا جيىنىندا سويلەگەن نازارباەۆا حالىقتىڭ ء"وزىن-ءوزى جۇمىسپەن قامتاماسىز ەتىپ، تابىس تاباتىن" بولىگىنىڭ "بيۋدجەتكە ءبىر تيىن تولەمەي تەگىن مەديتسينالىق كومەك الىپ، قارتايعاندا الەۋمەتتىك جاردەماقى مەن زەينەتاقى الۋعا ۇمتىلاتىنىن" ادىلەتسىزدىك دەپ اتادى.

"ار-ۇيات بولۋ كەرەك، ساراڭدانباي، ءبولىسۋ كەرەك، پرەزيدەنتىمىز ايتقانداي، سالىعىن تولەپ، ۇيقىڭ تىنىش بولۋى قاجەت", - دەگەن نازارباەۆ.

نازارباەۆانىڭ پىكىرىنشە، قازاقستاندا 2017 جىلعا قاراي ءوتۋدى جوسپارلاپ وتىرعان مەديتسينالىق ساقتاندىرۋ جۇيەسى ءوزىن-ءوزى قامتاماسىز ەتەتىن ازاماتتاردى كولەڭكەدەن شىعارۋعا كومەكتەسەدى. سەبەبى ءوزىن-ءوزى قامتاماسىز ەتەتىن تۇرعىندارعا ساقتاندىرۋ ءپوليسى بەرىلمەيدى.

رەسمي مالىمەت بويىنشا، قازاقستاندا 2015 جىلدىڭ سوڭىندا 2 ميلليون 339 مىڭ ادام ءوزىن-ءوزى جۇمىسپەن قامتاماسىز ەتەتىندەر رەتىندە تىركەلگەن. ال ەكونوميكالىق بەلسەندى تۇرعىندار سانى توعىز ميلليوننان اسقان. حالىقتىڭ ءوزىن-ءوزى جۇمىسپەن قامتاماسىز ەتەتىن توبىنا تۇراقتى جالاقىسى جوق، ساۋدا-ساتتىقپەن اينالىسۋشىلار مەن ۇساق ساۋداگەرلەر جاتادى. ستاتيستيكا كوميتەتىنىڭ مالىمەتىنشە، 2015 جىلدىڭ ءۇشىنشى توقسانىندا ۇزاق ۋاقىت جۇمىسسىز جۇرگەندەر كورسەتكىشى 4,2 پايىزدى قۇراعان.

اباي-اقپارات