18 اقپاندا جاريالانعان RFE/RL جاڭا جوباسى اياسىنداعى "رەسەي جانە مەن” اتتى سۇحباتتار توپتاماسىندا پوستكەڭەستىك رەسپۋبليكالاردىڭ بۇرىنعى ون ەكى پرەزيدەنتى رەسەي مەن ونىڭ ساياساتىنا قاتىستى پىكىرلەرىمەن ءبولىستى. ازاتتىق راديوسىنىڭ بەلورۋس قىزمەتىنىڭ ءتىلشىسى اننا ءسوۋستىڭ جارتى جىل بويى جيناعان سۇحباتتارى ماسكەۋگە قاتىستى اشۋ-ىزا مەن بايسالدى پراگماتيزمنەن، شىنايى سۇيىسپەنشىلىك جانە قۇشتارلىققا دەيىنگى ءتۇرلى سەزىم سپەكترىنەن تۇرادى.

«رەسەيدىڭ فيلوسوفياسى ۋكراينا تەك رەسەيمەن بىرگە، دالىرەك ايتقاندا رەسەيدىڭ قاراماعىندا بولۋ كەرەك دەگەنگە سايادى. ولار ءۇشىن تاۋەلسىز، دەربەس ۋكراينانىڭ بولۋى مۇمكىن ەمەس", – دەيدى ۋكراينانىڭ تۇڭعىش پرەزيدەنتى (1991-1994 جىلدار) لەونيد كراۆچۋك. ول ءسوز جۇزىندە بارلىق پوستكەڭەستىك رەسپۋبليكالار بولاشاعىن ەندى وزدەرى ايقىندايدى دەلىنگەنىمەن، ءىس جۇزىندە ماسكەۋدىڭ كەڭەس وداعى تاراسا دا، ۋكراينانىڭ رەسەيلىك ىقپالدان شىقپاۋىن تالاپ ەتىپ، وزىنە تالاي مارتە قىسىم جاساعانىن ەسكە الادى.

پوستكەڭەستىك ەلدەردىڭ بۇرىنعى باسشىلارىنىڭ كوپشىلىگى گورباچەۆتىك قايتا قۇرۋ جانە بوريس ەلتسيننىڭ پرەزيدەنتتىگى كەزىندە تۋعان رەسەيدىڭ ەركىن ءارى دەموكراتيالىق ەل بولاتىنىنا دەگەن ۇمىتتەرىنىڭ ءپۋتيننىڭ بيلىككە كەلۋىمەن اقتالماعانىن كۇيىنىشپەن ايتادى.

جوباعا اسقار اقاەۆ، ۆيتاۋتاس لاندسبەرگيس، نينو بۋردجانادزە، روبەرت كوچاريان، پەتروم لۋچينسكي، ستانيسلاۆ شۋشكەۆيچ، ۆيكتور يۋششەنكو جانە تاعى باسقا بۇرىنعى پوستكەڭەستىك ەلدەردىڭ باسشىلارى قاتىستى.

اباي-اقپارات