تۇركيا سيريادا حالىقارالىق وپەراتسيا باستاۋعا شاقىردى
تۇركيا حالىقارالىق وداقتاستارىن بىرىككەن قۇرلىقتاعى وپەراتسيالاردى باستاۋعا شاقىردى.
جوعارى لاۋازىمدى تۇرىك شەنەۋنىگىنىڭ حابارلاۋىنشا، قۇرلىقتاعى ءىس-ارەكەتتەردى باستاماي، سيرياداعى اسكەري قاقتىعىستى توقتاتۋ مۇمكىن ەمەس.
تۇركيا 260 مىڭ ادامنىڭ ءومىرىن جالماعان بەس جىلدىق سوعىستى توقتاتۋدىڭ باستى شارتى رەتىندە سيريا پرەزيدەنتى باشار اسادتى بيلىكتەن تايدىرۋ دەپ سانايدى.
بۇعان اسادتى قولدايتىن يران مەن رەسەي تۇبەگەيلى قارسى. يران سەيسەنبى كۇنى رەسمي داماسكىنىڭ رۇقساتىنسىز سيريا جەرىندەگى كەز-كەلگەن اسكەري قيمىل حالىقارالىق قۇقىقتى بۇزاتىنىن ەسكەرتتى. ساۋد ارابياسى «يسلام مەملەكەتى» تەررورلىق توبىنا قارسى قيمىلدارعا قاتىسۋ ءۇشىن سيرياعا ارنايى جاساعىن جىبەرۋگە دايىندىعىن مالىمدەدى.
سوڭعى كەزدەرى سيريا پرەزيدەنتى باشار اسادتى قولدايتىن رەسەيدىڭ جۇرگىزىپ وتىرعان اۋە سوعىسى وڭىردەگى احۋالدى شيەلەنىستىرىپ جىبەردى. انكارا ماسكەۋدىڭ ارەكەتىن "قاتىگەز جانە جابايى" دەپ اتاسا، ەۋروپالىق كەڭەس توراعاسى دونالد تۋسك ماسكەۋدىڭ قىلىعى داعدارىستى شەشۋگە ء«ۇمىت قالدىرماي وتىرعانىن» اتاپ ءوتتى.
اباي-اقپارات
