الماتى قالاسىندا ىسساپارمەن جۇرگەن پرەزيدەنت ن.نازارباەۆ مەملەكەتتىك ءتىل مەن ورىس تىلىنە قاتىستى پىكىر ءبىلدىرىپ، عالامتور مەن الەۋمەتتىك جەلىلەردى پايدالانۋشىلاردىڭ تاراپىنان سىنعا ۇشىرادى.

«كەيبىر جىگەرلى شەنەۋنىكتەر العا وزىپ، بارشانى ەرتەڭ قازاق تىلىندە  سويلەۋگە ءماجبۇر ەتپەكشى. ورىس تىلىندە سويلەيتىن ادام الدەبىر كەڭسەگە بارىپ، ورىسشا سويلەسە، قازاقشا جاۋاپ الادى ەكەن. كىم رۇقسات ەتتى؟ قازاقستان زاڭدارىنىڭ بۇزىلىپ جاتقانىن پروكۋراتۋرا نەگە قاداعالامايدى؟ ەگەر سۇراق ورىسشا قويىلعان بولسا، وعان ول ورىس تىلىندە جاۋاپ الۋى ءتيىس!»

پرەزيدەنت ءوز ءسوزىن «قازاقستان كوپۇلتتى مەملەكەت. بۇل ءبىزدىڭ ەلدىڭ كەمشىلىگى ەمەس، ارتىقشىعىمىز» دەي كەلىپ: «كوپتەگەن پرەزيدەنتتەر ءبىر تىلدە سويلەيدى. پۋتين ورىس تىلىندە، تۇركيا پرەزيدەنتى تۇرىكشە. ال مەن قاشان دا ەكى تىلدە سويلەيمىن. ماعان بۇل ۇناعاننان ەمەس، بارشا حالىق مەنىڭ ايتقانىمدى تۇسىنگەنىن قالايمىن. پرەزيدەنت اپپاراتىنا تاپسىرامىن: بارلىق وبلىستى تەكسەرسىن! ورىسشا سويلەگەن ادامعا قازاقشا جاۋاپ قاتقان قىزمەتكەر جاريا تۇردە جۇمىستان شىعارىلسىن! ويتكەنى، بۇل زاڭ بۇزۋشىلىق!» - دەپ قاداپ اتتى.

سوزبە-ءسوز وسىلاي. ءبارى تۇسىنىكتى. تەك مۇنىڭ استارىندا قازاقشا سويلەسەڭ، قازاقشا جاۋاپ الاسىڭ دەگەن دە تۇسپال جاتىر. وسىنى مەدەت قىلدىق... وسى رەتتە زاڭ بويىنشا، قازاقشا سويلەپ، قازاقشا جاۋاپ الۋعا دا تولىق قۇقىلى ەكەنىمىزدى ەسكەرتەمىز!

Abai.kz