EXPO-2017 نىساندارىنىڭ قۇرىلىسىن اياقتاۋ ءۇشىن بيۋدجەتتەن 85 ميلليارد تەڭگە بولىنەدى، - دەپ حابارلايدى اباي-اقپارات. بۇل تۋرالى ۇكىمەت وتىرىسى بارىسىندا ۇلتتىق ەكونوميكا ءمينيسترى ەربولات دوساەۆ مالىمدەدى.

"تاعى ءبىر مىندەت - EXPO-2017 جانە ۋنيۆەرسيادا-2017 نىساندارىنىڭ قۇرىلىسىن تەزىرەك اياقتاپ، "نۇرلى جول" مەملەكەتتىك باعدارلاماسىنىڭ ينفراقۇرىلىمىن جۇزەگە اسىرۋ. وسى جوبالاردى ءوز ۋاقىتىندا جۇزەگە اسىرۋ ءۇشىن 194,5 ميللارد تەڭگە ءبولۋ جوسپارلانىپ وتىر", - دەدى دوساەۆ.

ۇلتتىق ەكونوميكا ءمينيسترىنىڭ ايتۋىنشا، EXPO-2017 نىساندارىن ءوز ۋاقىتىندا تاپسىرۋ ءۇشىن 85 ميلليارد تەڭگە، ونىڭ ىشىندە: IT ينفراقۇرىلىمىنا جانە باسقا دا شارالارعا 60 ميلليارد تەڭگە، كورمە اۋماعىندا ورنالاساتىن ساۋدا ورتالىقتارىن جانە تۇرعىن ءۇي قۇرىلىسىن اياقتاۋعا 15 ميلليارد تەڭگە، سونىمەن قاتار، استانا اۋەجايىنداعى ۇشۋ-قونۋ جولاعى قۇرىلىسىن اياقتاۋعا 10 ميلليارد تەڭگە بولىنەدى.

سونىمەن قاتار، الماتىدا ۋنيۆەرسيادا-2017 شاراسىن وتكىزۋگە 33,6 ميلليارد تەڭگە، ونىڭ ىشىندە: 3 مىڭ جانە 12 مىڭ ادامعا ارنالعان ەكى مۇز ايدىنىن اياقتاۋعا 10,9 ميلليارد تەڭگە، 4,8 ميلليارد تەڭگە تۇرعىن ءۇي-كوممۋنالدىق شارۋاشىلىعى نىساندارىن قالپىنا كەلتىرۋگە، 17,9 ميلليارد تەڭگە ۋنيۆەرسيادا-2017 جوباسىن وتكىزۋگە جۇمسالادى.

اباي-اقپارات

تولىعىراق:http://kaz.tengrinews.kz/kazakhstan_news/EXPO-2017-nyisandaryinyin-kuryilyisyin-ayaktau-ushn-267994/
ماتەريالدى كوشىرىپ باسقاندا Kaz.tengrinews.kz سايتىنا گيپەرسىلتەمە مىندەتتى تۇردە قويىلۋى ءتيىس. اۆتورلىق قۇقىقتى ساقتاڭىز.