سەمەي قالاسىنىڭ سالىقتان تۇسەتىن بيۋدجەتتىك كىرىس بولىگى بيىل تولىعىمەن قالانى كوركەيتۋگە، دامىتۋعا جۇمسالماق.

بۇل نەگىزىنەن مارات قۇرمانباي باستاعان وبلىستىق ءماسليحات دەپۋتاتتارىنىڭ وتكەن جىلدىڭ سوڭىندا جاساعان ۇسىنىسى بويىنشا جۇزەگە اسىپ وتىر. ياعني، وبلىستىق بيۋدجەتكە سالىقتان تۇسەتىن سومانىڭ 13-تەن 24 پايىزعا دەيىنگى كورسەتكىشىن (1 ملرد. 800 ملن.تەڭگە) قالا قازىناسىندا قالدىرۋ تۋرالى سەمەيلىك دەپۋتات م.قۇرمانبايدىڭ كوتەرگەن ماسەلەسى وبلىستىق اكىمدىك تاراپىنان قولداۋ تاپتى.

جاقىندا وتكەن سەمەي قالاسىنىڭ اكىمى ەرماك ءسالىموۆتىڭ ەسەپ بەرۋ كەزدەسۋىنە ارنايى قاتىسقان دانيال احمەتوۆ ەندى وسىناۋ قارجىنىڭ قالالىق اكىمدىك تاراپىنان دۇرىس يگەرىلۋىن قالاداعى ىقپالدى، ىسكەر ازاماتتار دا نازاردا ۇستاۋى قاجەتتىگىن اتاپ كورسەتتى. سەمەيدىڭ ورتالىق كوشەلەرىنە اعاش وتىرعىزۋ، ورتالىق الاڭداعى سۋبۇرقاقتىڭ پايدالانۋعا بەرىلۋى، ۆەلوجولدار توسەلىپ، ءۇش بالالار جانە ەكى سپورت الاڭدارىن سالۋ وسى قارجىعا جوسپارلانىپ وتىر. سونىمەن قاتار قالانى دامىتۋ ماقساتىنداعى وزگە دە يگىلىكتى ىستەر سەمەيلىكتەردى قۋانىشقا بولەيتىن بولادى.

ءساتجان قاسىمجانۇلى، سەمەي قالاسى

Abai.kz