(ساتيرا)

جەر ءجۇزىن جايپاپ جەپ جاتقان، جۇيرىكتىگىمەن جەرلەستەرىنە، جۇرتتاستارىنا جارقىن جول جاساعان جەمقورلار جاماعاتىنىڭ جيھانعا جۇققىش جاعىمدىلىعى جايىندا جالپاق جاھانعا جاقسىلاپ جارنامالاۋ جايىندا، جالپى جەتىستىكتەرى جونىندە جەرگىلىكتى جۋرناليستەر ءجوندى جازباي جۇرگەسىن جاۋاپكەرشىلىگى جوق جولداستىق جەمقورستان جۇرتىنان جەرىنە جەتكىزە جازاتىن جاقسى جازارمان جالدادى.

جۋىردا جەتى جۇلدىزدى «جالماۋىز» جەمحاناسىندا جەر-جەردەن جونكىلگەن جەمقورلاردىڭ جەتى جۇزدەي جۇيرىگىن جۇزدەستىرگەن جالپى جينالىس جاسالدى. جيىنعا جۇتقىندارىنان ءجۇز جىلقىنى جۇتىپ جىبەرگەندە جۇمىرىنا جۇقپايتىن جەبىرلەر جانە جۇمىرتقادان ءجۇن جۇلعان جىلماقاي جۇتىرلار جينالدى. 

جەمقورلاردىڭ جاڭاجىلدىق جوسپارىن جانە جىلىستاعان جىلداعى جەتىستىكتەرىنىڭ جاي-جاپسارىن جينالىستى جۇرگىزگەن جەرجاھاندىق  «جويقىن جەمقور» جارىسىنىڭ جەڭىمپازى جىمقىرعان جۇتقىنبايىپ جەلپىنە جەتكىزدى.

– جاڭا جىلدارىڭىزبەن، جايساڭدارىم! جاقسى، جايلى جىلدا جولىققانىمىز جۇرەكتى جادىراتادى. جالىقپاستان جارقىن جاقتارىمىزدى جارقىراتىپ جان-جاققا جاراپازانداتىپ جاتىرمىز. جەۋدىڭ جاڭا جولدارىن جەتىلدىرىپ، جۇردەك جۇيەلەر جاساپ، جاقىن جەردەگىنى جەپ جويىپ، جەيبىلمەستەردىڭ جانىنا جاقىنداۋعا جىگەرى جەتپەگەن جاڭا جۇرتتارعا جارماسۋدى جالعاستىرۋدامىز. جاماندايتىن جاعدايىمىز جوق. جەردىڭ جۇزىندەگىنى جايعارىپ، جۋىق جىلداردا جومارت جەر جىنىسىنداعى جىلى-جۇمساقتى جاپپاي جەپ جويۋعا جاقىندايمىز. جەمقورلارىمىز جەتپىس جەتى جۇرتتىڭ جەگىرلەرى جينالاتىن جىلدا جۇرگىزىلەتىن جارىستا جانىنا جان جۋىتپاي جەكەدارا جەڭىسكە جەتتى. جاتقاندى، جولىققاندى، جىبىرلاعاندى، جۇرگەندى جۇگىمەن، جۇمىرتقانى جۇنىمەن جەيتىندەر، جەتىمدەردى جىلاتىپ، جوق-جۇقانالاردىكىن جىلماعايداي جۇتىپ، جاماعاتتى جىنداندىرۋعا جاقىنداتتىق.

جالپى جەڭىستەن-جەڭىسكە جەتىپ ءجۇرۋ جاقسى جورالعى. جوعارىلاعان جاقتارىمىز جايلى جالپى جۇرتقا جەتىپ جاتىر. جەىستپەۋشىلىكتەر جايىندا جەتكىزسەم: ءجۇز جىلعا جەتەرلىك جيعانىمىز ءجۇدا جەتكىلىكسىز، جىلدا جينايتىن جارنا جاعى جارىتىمسىزداۋ جانە جاپىرىپ جەۋدىڭ ءجونىن جاڭادان جولعا ءجۇرىس جاساعان جاستارعا جان-جاقتى جەتكىزىپ، جاردەم جاساۋ جاعى ءجوندى جۇرگىزىلمەي جاتىر. جاستاردى جەر جەبىرىنە جەتىپ جامانداۋدىڭ ءجونى جوق. جاسى جۇزگە جاقىنداعان جەگەنكوپ جۇقبولماسىپتىڭ جولىمەن جۇرگەندەر جاقسى جەتىستىكتەرگە جەتەتىنىن جاتىپىشپەس جاستارعا جاقسىلاپ جەتكىزەيىك! جەمقورلىقتى جاڭعىرتار، جاقىن جىلداردا جارقىن جەتىستىكتەرگە جەتەر جاستاردىڭ جاساۋىن جابىلىپ جابدىقتايىق. جايىنا جۇرگەن جاستاردى جەمقورلار جاماعاتىنا جۇرگىزىپ، جەمقورلىق جۇمىسقا جەگەيىك! جاڭا جەتىستىكتەرگە جەتەيىك! جەر جۇزىندە جەمەيتىن جانعا جول جوق! جەمقورلىقتى جويۋعا جۇمىستانىپ جۇرگەن جەتەسىز جەلوكپەلەر جاپپاي جىندىحاناعا جابىلسىن!  جەمقورلار جاساسىن! جەمەيتىندەر جەر جۇزىنەن جويىلسىن!

جىمقىرباي جارياناماسى جازىلعان جازبانى جانقالتاسىنا جۇتقىزىپ، جايلاپ جەرىنە جايعاستى. جىمكەڭنىڭ جىلى جولداۋى جانىنا جاققان جينالعاندار جەر جارعانداي جامىراسىپ جاتتى...    

جينالىس جالعاسىندا جەمقورلىقتى جەتىلدىرۋدىڭ جاڭا جەتى جىلدىق جوسپارى جايىندا جينالعاندار جان-جاقتى جاپپاي جۇمىستانۋ، جەكەلەگەن جەتەكشى جەمقورلارعا جاڭا جۇكتەمەلەر جۇكتەۋ جونىندەگى جوبانى جارىلقاپ، جوسپارعا جالعادى.  جينالىس جارىسسوزبەن جالعاستى.    

جينالىس جابىلۋعا جاقىنداعاندا جاسالعان جاعىمدى جاڭالىق: جەمقورلىقتى جەتىلدىرۋگە جاعداي جاساۋدىڭ جاڭاشا جولدارى جايىندا جاريالانعان جوبالاردىڭ جەڭىمپازدارىن جانە جۇلدەگەرلەرىن جيۋري جارىلقادى. جاقسى جاعىنان جارقىراعان جانداردان: جاعىمپاز جەلبۋازىپ، جىلماڭكوز جادىگويىپ، جىرباقاي جارىمەسىپ، جۇلىپجەر جۇقباسىپ جانە جەتى جەگىر «جۇلدىزدى جەمقور» جۇلدەسىن جۇرەك جاعىنا جاپسىردى.

جينالىس جابىلدى. جايباراقات جۇرىسكە جانى جاۋ جىگەرلى جاستار جاعى جيىندى جاعالاۋداعى جان-جاعى جارق-جۇرق جايناعان «جىنويناق»-تا جالعاستىردى.

...جان-جاعىما جانارىمدى جۇگىرتسەم، جاياۋ جۇرگەن جان جوق، جاپپاي «جيپتەرىنە» جايعاسقان جۇزدەرى جارقىن جەمقورلار جان-جاققا جامىراسىپ جونەلىپ جاتىر...

(جالعاسى جوق).

«جالدانىپ» جازعان – جۋرناليست جەتەكباي

Abai.kz